I Samuẹl 17:58 - Edo Bible (E Baibol Ẹdo) Version 1996

⁵⁸ E Sọl keghi nọ rẹn wẹẹ, “Ọmọ okpia, ovbi ao u khin.” E Devid keghi wanniẹn wẹẹ, “Ovbi ọguọmwadia ruẹ ighẹ Jese ne ovbi e Bẹtlẹhẹm ọre I khin.”

I Samuẹl 17:58 ပူးပေါင်းရင်းမြစ်များ

II Samuẹl 2:32

E Joab kevbe emwa rẹn keghi mu ikun Asahẹl, iran na ya re ẹre ye idin ẹgbẹe ne ọ rre Bẹtlẹhẹm. Iyeke ọnii, iran keghi wa ye asọn hia khian, iran na do sẹ Hibrọn vbe ẹdẹ ghi da wan.

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 17:12

E Devid kegha re ovbi e Jese ne ovbi Ifreim vbe Bẹtlẹhẹm ne Juda. Emọ erẹnrẹn ọre Jese gha mwẹ, ẹghẹ ne Sọl na gha re ọba, e Jese wa khian ọmaẹn nẹ ẹsẹse.

I Samuẹl 20:6

Erha a gha rẹn wẹ I ma rre do rri evbare, u ghi tama rẹn wẹ te I rinmwian an wẹ ne u rhie ẹghẹ mẹ ya zẹgiẹgiẹ gha rrie Bẹtlẹhẹm rhunmwuda, ẹghẹ ne a na zọ ese ukpo ọghe ẹgbẹe mwẹ hia ọ re nọ.