I Samuẹl 17:53 - Edo Bible (E Baibol Ẹdo) Version 1996

⁵³ Ivbi Izrẹl keghi werriegbe vbe ehe ne iran na te khulo ivbi e Filistin khian, iran keghi fu iran emwi viọ vbe agọ iran.

I Samuẹl 17:53 ပူးပေါင်းရင်းမြစ်များ

II Samuẹl 23:10

Sokpan, rẹn ma vbọ owẹ, ọ gu ivbi e Filistin gbinna sẹ vberriọ wẹ te obọ ẹre ghi sigba vbene umozo ẹre ma na ghi gie ẹe rhie hin obọ rre. E Nọyaẹnmwa keghi khọnmiotọ ẹsẹse ẹdẹ nẹdẹrriọ. Okuo fo nẹ, ivbi Izrẹl keghi werriegbe gha die ehe ne Eliaza ye, ne iran do kie ẹwu igbinna vbe egbe emwa ni wulo.

Jerimaia 30:16

Sokpan, ebannian, a gha gbele iran re ighẹ, iran ni te gbe uwa re, a gha vbe munọ avbe eghian uwa gha rrie zẹ vbe oghunmwu. A gha wọ iran uhunmwu ighe iran ni wọọ uwa uhunmwu, iran ni fu uwa emwi viọ, a gha fu iran emwi viọ.

Jerimaia 4:20

Ọfuan okpa lele ọvbehe itowa ọre ẹvbo nii hia ghi khin. Iran dunmwu agọ ima hia vbe udomwurri iran yanghan ukpọn onurho ni rrọ ua.

I Samuẹl 17:52

Ivbi Izrẹl kevbe Juda keghi khu iran gha we lele iran khian, iran keghi khu iran rhinrin ya sẹ e Gat kevbe ya sẹ onurho Ẹkrọn. Ivbi e Filistin ne emwi vbare keghi dele lele odẹ e Siareim, ya sẹ e Gat kevbe Ẹkrọn.

I Samuẹl 17:54

E Devid keghi mu uhunmwu e Golaiat gha rre Jerusalẹm, sokpan ọ keghi viọ emwi igbinna e Golaiat ye owa ukpọn ọghe irẹn.

I Samuẹl 19:5

Ọ rhie uhunmwu ẹnrẹn mwẹ atataobọ ya gbe Golaiat, e Nọyaẹnmwa keghi khọn okuo akhọnmiotọ nọkhua ne Izrẹl. Wẹ miẹn ọẹn, ọ keghi ye ẹko rhiẹnrhiẹn ọn, Vbọzẹ ne u gha na ru ọmwa ne ọ ma rukhọ emwi ne ọ ma gba ne u gha na gbe e Devid vbe ne ẹ i na mwẹ emwi nọ zẹe hiehiere?”