I Samuẹl 17:51 - Edo Bible (E Baibol Ẹdo) Version 1996

⁵¹ Ọ keghi rhulẹ bu ẹre gha khian, ọ na mudia yan rẹn, ọ na yuo umozo e Golaiat hin ako ẹre rre, ọ keghi fian ẹre uhunmwu, ọ na gbe ẹe rua. Ugbẹn vbe ivbi e Filistin ghi miẹn wẹ, asukpekhae iran wu, iran keghi lẹkua.

I Samuẹl 17:51 ပူးပေါင်းရင်းမြစ်များ

II Samuẹl 23:21

Ọ kevbe gbe ovbi Igipt ọkpa ọmwa ne ọ ye higboo, ne ọ ye asoro ya khẹ egbe. E Benaia keghi ya orhokhua guẹe gbinna, ọ na gua asoro rhie vbe obọ ovbi Igipt nii, ọ na ya ẹe gbe ẹe rua.

II Samuẹl 4:7

Iran ghi sẹ uwowa nẹ, iran la ughugha ne Isbosiẹt vbiẹ, iran na gbẹe rua. Iran keghi fian ẹre uhunmwu, iran na mu kpa, iran keghi ya asọn hia khian vbe Iya e Jọdan.

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Hibru 11:34

Iran dọ ogidi erhẹn yọ, iran lẹ fe vbe obọ umozo ne ọ tera gbele iran uan. Te iran te vburriẹ, sokpan iran keghi do wo vbe egbe. Iran zẹ uza vbe okuo, iran keghi khọn ivbiyokuo etẹ muotọ.

Hibru 2:14

Vbene a na miẹn wẹ zẹ vbene ọ ta ẹe wẹ emwa ifun egbe kevbe esagiẹn iran khin, ighẹ avbe emọ nii, Jesu Kristi tobọ ẹre keghi vbe do gha ye vbene iran ye, vbe ekpa ne ọ na ghae vbe emwi emwa kẹkan ọghe iran. Emwi ne ọ ya ẹe ru ẹe ọrọre ne ọ sẹtin la ekpa uwu ne irẹn wu miẹn Esu uhunmwu, ọmwa ne ọre ne ọ khaemwisẹ yan uwu.

I Samuẹl 17:50

Erriọ ọ re obọ e Devid ya ke okhunmwu ne Golaiat vbene umozo i na rrọ, ọ na ya umọvọn kevbe ikpokuta gbe ẹe rua.

I Samuẹl 21:10

Ẹre Devid na kpao, ọ na lẹ ne Sọl, ọ na bu Akis ne ọba ọghe Gat.

I Samuẹl 21:9

Ahimẹlẹk keghi wanniẹn wẹẹ, “Umozo e Golaiat ne ovbi e Filistin, ne u gbe vbe Iya Ela guemwẹ vbe emwa. Ọ rre iyeke adaghọ, a ya ukpọn gbalọ ẹe. A deghẹ u ho, u sẹtin mu, ọnii ọkpa ọ re emwi igbinna ne ọ rre emwana.” E Devid keghi kha wẹẹ, “Mu mẹ, umozo ne ọ ghi maa sẹ ọnii, ẹ i rrọọ.”

I Samuẹl 31:9

Iran keghi fian e Sọl uhunmwu, iran na viọ emwi igbinna rẹn, iran na ya ẹe gie emwa eso uhunmwu gha rrie Filistia ne iran ya ya ẹe na iyẹn oghọghọ ma avbe ẹbọ iran kevbe emwa iran.