I Samuẹl 17:46 - Edo Bible (E Baibol Ẹdo) Version 1996

⁴⁶ E Nọyaẹnmwa gha rhie ruẹ ye ẹtin mwẹ atataobọ ẹdẹnẹrẹ na, obọ mwẹ gha ke ukhunmwu ne uẹn, I gha fian uhunmwu ruẹn fua, I ghi viọ ikun ivbiyokuo e Filistin ne avbe ahianmwẹ kevbe aranmwẹ ne iran gha re. Otọ agbọn hia ghi rẹn wẹ, Izrẹl mwẹ Osanobua.

I Samuẹl 17:46 ပူးပေါင်းရင်းမြစ်များ

Gẹnẹsis 40:19

Vbe irakhuẹ e Fero gha tie ruẹ, ọ ghi fian an uhunmwu fua! Ọ ghi si ikun ruẹn rrọ ye uhunmwu erhan, avbe ahianmwẹ ghi gha rri efun egbe ruẹ.”

II Samuẹl 18:28

Ahimaz keghi da tuẹ ọba, ọ na mu ẹko rhu otọ vbe odaro ẹre, ọ na kha wẹẹ, “Rhie urhomwẹ ne Nọyaẹnmwa Osanobua ruẹ, ọmwa ne ọ gie obọ ruẹ ke ukhunmwu ne emwa ni sọtẹ ghe ruẹ, Umogun!”

II Samuẹl 21:10

Ẹre Rizpa ne egbakhian e Sọl ne ọ vbe re ovbi Aia, na mu ẹkpo ivin, ọ na ya bọ okhogbo ne egbe ẹre vbe uhunmwu okuta ehe ne avbe ikun orinmwi nii ye, ọ na wa gha rre evba ke ẹghẹ ne a ya suẹn gha rhọ emwiorhọ kpao ya sẹ ẹghẹ ne amẹ ukpo ya rhọ. Ọ ma gie ahianmwẹ tin sẹ evba vbe avan, ra aranmwẹ akọn vbe asọn.

I Ọba 8:43

u ghi họn erhunmwu iran vbe ehe ne u ye vbe ẹrinmwi, ne u vbe ru emwi ne iran wẹ ne u ru, ne emwa ne agbọn hia miẹn ehe na rẹn ruẹn ne iran vbe gha mu ohan ruẹn zẹ vbene emwa ruẹn mu ohan ruẹn. Iran ghi do rẹn wẹ Ọgua Osa na ne I bọ ẹe na ọrọre ehe ne a na ga a.

I Ọba 8:60

Erriọ, ọ re ẹvbo ni rre otọ agbọn hia gha na do rẹn wẹ, e Nọyaẹnmwa ọkpa ọrọre Osanobua, ọvbehe i rrọọ.

II Ọba 19:19

Banbanna nian, e Nọyaẹnmwa ne Osanobua mwa, miẹn ima fan hin obọ ivbi Asiria rre. Ne uhunmwu otọ agbọn hia miẹn ehe na rẹn ighẹ wẹ okpa, e Nọyaẹnmwa ọ re ọ gele re Osanobua.”

II Ọba 5:15

Ọ keghi dọlegbe bu Elaisia gha khian ke irẹn kevbe emwa rẹn hia, ọ wẹẹ, “Banbanna nian, mẹ miẹn wẹ Osanobua i rrọ hiehie gberra Osanobua Izrẹl, rhunmwuda ọnii, u ghi miẹn mwẹ emwi ihaoko na.”

Psalm 31:8

U ma gie obọ eghian mwẹ gba mwẹ. U rhie ẹtin mẹ, ne I khian sẹ ehe ne ọ khọn mwẹ.

Psalm 46:10

Rẹn keghi kha wẹẹ, “Wa dobọ igbinna yi ne uwa vbe rẹn wẹ mẹ ọrọre Osanobua Ne ọ yo sẹẹ vbe avbe agbọn ẹvbo hia ne ọ yo sẹ vbe uhunmwu otọ agbọn.”

Ẹksọdọs 9:16

Sokpan I ke sẹ uwa rae ye agbọn ne I miẹn ehe na rhie ẹtin mwẹ ma ruẹn, kevbe ne otiti mwẹ miẹn ehe na titi gba otọ agbọn hia.

Aizaia 37:20

Banbanna nian, e Nọyaẹnmwa Osanobua mwa, miẹn mwa fan vbe obọ ivbi Asiria, ne uhunmwu ẹvbo ni rre otọ agbọn hia miẹn ehe na rẹn ighẹ wẹ okpa ọrọre Osanobua.”

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Aizaia 56:9

E Nọyaẹnmwa tama avbe uhunmwu ẹvbo ọvbehe nẹ wẹ ne iran gha dee zẹ vbe aranmwẹ akọn ne iran do gbele emwa irẹn re.

Jerimaia 19:7

Emwa na I ra na duẹ uma ivbi e Juda kevbe Jerusalẹm hia a, I gha gie obọ avbe eghian iran ke okhunmwu ne iran, iran ghi gbele iran vbe okuo. I ghi viọ ikun iran ne avbe ahianmwẹ kevbe avbe aranmwẹ oha gha re.

Jerimaia 34:20

I gha viọ iran ne avbe eghian iran ni ho ne iran gbele iran an, ahianmwẹ kevbe aranmwẹ oha ọ re ọ ra rri ikun iran.

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

Daniẹl 3:29

“Banbanna nian, I tae wẹ adeghẹ a miẹn ovbi uhunmwu ẹvbo ọkpa ra emwa, ra ẹvbo ne a zẹ ne ọ ya ukpẹ sakan Osanobua e Siedrak, Mesiak, kevbe Abẹdnigo, te a ra yanghan ẹre obọ vbe owẹ hin egbe ẹre rre, a ghi ya owa ẹre khian otiku. Osanobua ọvbehe i rrọ ne ọ sẹtin miẹn ọmwa fan vbenian.”

Matiu 24:28

Ehe ne emwi nọwu ye, ọre avbe ugu si koko yi.

Diuteronomi 28:26

Wa gha wulo, ahianmwẹ kevbe aranmwẹ oha ghi gha rri ikun uwa, a i ra vbe miẹn ọmwa ne ọ gha khulo iran hin rre.

Diuteronomi 7:2

Ugbẹn vbe Nọyaẹnmwa Osanobua rua a ghi viọ iran hia yan uwa obọ nẹ, ighẹ te uwa ghi khọn iran mu otọ, wa ghi gbele iran hia a. Wa ghẹ gu iran rhie obọ ye ebe rhọkpa, ra ne uwa tohan iran.

Diuteronomi 7:23

E Nọyaẹnmwa gha viọ eghian uwa yan ẹtin uwa obọ, ọ ghi zẹ afianma ye iran egbe rhinrin wa te do fuẹn iran uan.

Jọsua 10:8

E Nọyaẹnmwa ke tama e Jọsua wẹẹ, “Ghẹ gie ohan iran muẹn. I rhie akhọnmiotọ nuẹn nẹ. Ọkpa vbe uwu iran ne ọ gha sẹtin gbe uwa odẹ, ẹ i rrọọ.”

Jọsua 4:24

Rhunmwuda ọnọna, emwa hia ni rre agbọn na gha rẹn ẹtin ọghe Nọyaẹnmwa, wa ghi vbe gha ya ọghọ ne Nọyaẹnmwa Osanobua uwa ẹdẹdẹmwẹdẹ.”

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”

I Samuẹl 17:44

Ọ na tama e Devid wẹẹ, “Bu mwẹ gha dee, I gha mu ikun ruẹn ne ahianmwẹ kevbe aranmwẹ rhie re.”