I Samuẹl 17:4 - Edo Bible (E Baibol Ẹdo) Version 1996

⁴ Okpia ọkpa ne a tie ẹre Golaiat, ne ovbi ẹvbo ne a tie ẹre Gat, keghi ke uwu ẹbu avbe Filistin ladian, ọ na do si ivbi Izrẹl evẹn. Utanmwẹ ọnrẹn gberra ibata ihinrin,

I Samuẹl 17:4 ပူးပေါင်းရင်းမြစ်များ

I Krọnikol 11:23

Ọ kevbe gbe ovbi Igipt ọkpa ne gẹdẹgbẹẹ ne ọ sẹ omwa emita ihinrọn vbe ukhiọnmwẹ vbe utanmwẹ, ọ na vbe mu asoro nọkhua mwẹ ne ọ ya gbinna. E Benaia keghi ya orhokhua yan rẹn, ọ na sanmwẹ ọre asoro hin obọ ovbi Igipt ni rre, ọ na ya gbe ẹe rua.

Emọs 2:9

“Vberriọ, rhunmwuda uwa, wa ne emwa mwẹ, ọ re I na fuẹn iran an fẹẹrẹ ighẹ ivbi Amọri, emwa ni zogọ zẹ vbe erhan isida, iran keghi vbe wegbe zẹ vbe okan.

Diuteronomi 3:11

(Ọg ne ọba kegha re ne ọ ghi kiekie vbe avbe Refeim. Okuta ọ re a ya ru ẹkpẹti orinmwi ẹnrẹn, uvbẹmwẹ ọnrẹn kegha re ibata ehan utanmwẹ ọnrẹn kegha re omwa ibata iwenẹ zẹ vbe ọmwa ne agbọn hia ya mwa emwi. Ọ ye rre ẹvbo ne a tie ẹre Raba vbe Amọri ẹre na.)

Jọsua 11:22

A ma zẹdẹ sẹ ọkpa vbe avbe Anakim rae ye otọ Izrẹl. Sokpan a keghi sẹ ibozẹghẹ rae ye Gaza, e Gat kevbe Asdọd.

I Samuẹl 17:23

Ehe ne ọ na wa gu iran guan nii, e Golaiat keghi rre do si iran evẹn vbene ọ ka ru ẹe de yi. E Devid keghi họn vbe ọ guan.

I Samuẹl 17:3

Ivbi e Filistin keghi tẹn ye uhunmwu oke ọkpa, ivbi Izrẹl kevbe tẹn ye uhunmwu oke nọkpa vbe ne iya na gha rre ẹkpo iran.

I Samuẹl 17:5

ọ keghi mu ẹrhu ẹgere rhuẹ, ọ kevbe mwẹ ẹwu ematọn ne ukhuamwẹ ọnrẹn sẹ omwa uwan isẹn yan iyehan (125).

I Samuẹl 27:4

E Sọl ghi họn wẹ Devid lẹ gha rrie Gat, ọ na kẹtin vbe ne ọ na te gualọ ẹe.