I Samuẹl 17:37 - Edo Bible (E Baibol Ẹdo) Version 1996

³⁷ E Nọyaẹnmwa ne ọ fan mwẹ vbe obọ oduma kevbe akpakomiza, gha vbe fan mwẹ vbe obọ e Filistin na.” E Sọl keghi kha wẹẹ, “Ọ maa khekherriọ, gha khian, Osanobua gha yaba ruẹ.”

I Samuẹl 17:37 ပူးပေါင်းရင်းမြစ်များ

II Samuẹl 10:12

U ghi din! Gia gbinna ẹsẹse ne emwa ima, kevbe ne ẹvbo Osanobua mwa. E Nọyaẹnmwa ne ọ ru enọ ye ọre sẹẹ.”

I Krọnikol 22:11

E Devid keghi rhie te ẹe wẹẹ, “Banbanna nian, ovbi mwẹ, te Nọyaẹnmwa ne Osanobua ruẹ gha deba ruẹ, ne ọ vbe mu eyan rẹn sẹ ne ọ gie Ọgua Osa ne a ra bọ ne ẹẹn mwẹ ruẹn uhunmwu.

I Krọnikol 22:16

ni gha sẹtin ya igoru ruemwi kevbe esiliva kevbe oze kevbe ematọn. Banbanna nian, suẹn iwinna nii, te Nọyaẹnmwa gha yaba ru ẹe.”

Psalm 11:1

E Nọyaẹnmwa ọ re I mu ẹtin yan ne ọ wan ẹbe yo mẹ. Te uwa kọẹn ne uwa na tama mwẹ wẹẹ, “Tin zẹvbe ahianmwẹ, gha rriẹ uhunmwu oke.

Psalm 118:6

E Nọyaẹnmwa rrọọ yaba mwẹ, ohan i ghi mu mwẹ de emwi ne ọmwaikọmwa gha miẹn ru mwẹ re?

Psalm 138:3

U zẹ ẹmwẹ wanniẹn mwẹ vbe I kpe tie ruẹ, u keghi ya ẹtin ruẹn, rhie ẹtin yọmwẹ iwu.

Psalm 63:7

Rhunmwuda, we ọ re ọ yọmwẹ obọ vbe ẹghẹ hia vbe ototọ aghọnghọn ifuẹn ruẹn ọ re I na so ihuan oghọghọ.

Psalm 77:11

Te I gha ye iwinna nekhua ne u winna ẹn rre Nọyaẹnmwa I gha ye avbe iwinna ọyunnuan ne u winnaẹn ẹkpo nẹdẹ rre.

Daniẹl 3:17

Adeghẹ Osanobua ne ima ga gha sẹtin miẹn ima fan vbe erhẹn nii kevbe hin obọ ruẹ rre, ọ gha ru ẹe.

Jọsua 1:17

Ma gha họn ẹmwẹ nuẹn zẹ vbene ima vbe gha họn ẹmwẹ ne Mosis. Sokpan ne Osanobua gha rrọọ yaba ruẹ zẹ vbene ọ vbe gha rrọọ ba e Mosis!

Ebe Rut 2:4

E Boaz tobọ ẹre keghi ke Bẹtlẹhẹm rre, “Ọ keghi tue emwa iwinna wẹ Nọyaẹnmwa deba uwa.” Iran keghi wanniẹn wẹẹ, “Nọyaẹnmwa fiangbe uwẹ.”

I Samuẹl 17:36

I gbele avbe oduma kevbe akpakomiza, e rriọ I ra vbe ru e Filistin ne ukpikolo na, ọmwa ne ọ fa ivbiyokuo Osanobua nọ rrọ ua.

I Samuẹl 17:38

Ọ keghi viọ ẹwu okuo ọghe ọe ne Devid ne ọ hẹ yọ, ọ keghi mu ẹrhu ẹgere rhuẹ Devid, ọ na ma ẹwu igbinna ematọn nẹ.

I Samuẹl 20:13

Deghẹ ọ ho ne ọ kuan ruẹn, te Nọyaẹnmwa gha kinmwi mwẹ gbe ua, a deghẹ I ma gie ne a khama ruẹn ne u miẹn ehe na rhie uhunmwu hin ebe rre. Te Nọyaẹnmwa gha deba ruẹ zẹ vbene ọ vbe deba erha mwẹ!

I Samuẹl 24:19

Avbe miẹn ra wẹ obọ ọmwa vba oghian rẹn, ọ zọrobọ ne ọ gha rrie vbe ne ẹ i na ru ẹre emwi rhọkpa? Te Osanobua gha fiangbe uẹ ye emwi ne u ru mẹ ẹrẹna!

I Samuẹl 26:25

E Sọl keghi tama e Devid wẹẹ, “Te Osanobua gha fiangbe uẹ ovbi mwẹ. Te emwi hia ne u ru gha dinna odẹ nuẹn!” Ẹre Devid na lele odẹ, e Sọl keghi werriegbe gha die owa.

I Samuẹl 7:12

Ẹre Samuẹl na mu okuta ọkpa, ọ keghi mu ẹẹn ye ẹkpo Mizpa kevbe Siẹn, ọ wẹẹ, “Te Nọyaẹnmwa wa yi ima obọ ke ẹghẹ ni gha dee.” Ọ na rhunmwuda onii gha tie ẹre “Okuta Iyobọ.”