I Samuẹl 17:36 - Edo Bible (E Baibol Ẹdo) Version 1996

³⁶ I gbele avbe oduma kevbe akpakomiza, e rriọ I ra vbe ru e Filistin ne ukpikolo na, ọmwa ne ọ fa ivbiyokuo Osanobua nọ rrọ ua.

I Samuẹl 17:36 ပူးပေါင်းရင်းမြစ်များ

II Krọnikol 32:17

Ebe ne ọgbaisi gbẹn wa yagha e Nọyaẹnmwa ne Osanobua Izrẹl, ọ wẹẹ, “Ẹbọ avbe agbọn ẹvbo nekpa ma he sẹtin miẹn emwa iran fan vbe obọ mwẹ a ma wẹ ẹbọ e Hẹzekaia gha vbe sẹtin miẹn emwa rẹn fan vbe obọ mwẹ.”

Aizaia 10:15

Sokpan, e Nọyaẹnmwa khare wẹẹ, “Ughanmwa gha kha ighe rẹn ọ re ọ sẹ ọmwa ne ọ ya ẹe winna ra? Ọsara ọ re ọ vbe kpolo sẹẹ ọmwa ne ọ yae va erhan ra? Orhokhua i tọn ọmwa mu, ọmwa ọ re ọ tọn orhokhua mu.”

Aizaia 36:15

Wa ghẹ gie ẹe kpikpi uwa wẹ ne uwa mu ẹtin yan e Nọyaẹnmwa. Wa ghẹ ro ighẹ e Nọyaẹnmwa gha miẹn uwa fan, ra wẹ ọ gha da ivbiyokuo Asiria obọ yi ne iran ghẹ khọn mu ẹvbo uwa.

Aizaia 36:18

Wa ghẹ gie Hẹzekaia do uwa ọzuọ, ne ọ ya uwa gha ro ighẹ e Nọyaẹnmwa gha miẹn uwa fan. A he miẹn uhunmwu ẹvbo okpa ne ẹbọ ẹre miẹn fan vbe obọ ọgbaisi Asiria ra?

Ezikiẹl 28:10

U gha wu zẹ vbe ekita vbe obọ avbe orhunmwuyẹn ne ẹ i mu ohan Osanobua. Mẹ ne Nọyaẹnmwa ne Oghodua ọ re ọ gie.”

Ezikiẹl 32:19

Tama iran wẹẹ, “ ‘Te uwa ro ighe wa mose sẹ avbe emwa ọvbehe hia ra? Wa gha kpao gha rrie ẹvbo emwa ni wulo nẹ, wa ghi ya lovbiẹ ba avbe emwa dan vbe evba.’

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Zẹkaraia 12:3

Sokpan, ọ gha sẹ ẹghẹ ne a kha na, I gha ye Jerusalẹm khian emwi ne ọ ye vbe okuta ne ọ khua. Ẹvboikẹvbo ne ọ wẹ rẹn ra tọn ẹn mu gha miẹn ikuangbe. Avbe uhunmwu ẹvbo hia ni rre agbọn gha ku obọ gbe ne iran gu ẹe gbinna.

Zẹkaraia 2:8

Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”

I Samuẹl 17:10

Evẹn ọre I si ivbiyokuo Izrẹl re vbene I wa mudia ye emwa na nian.” Ọ ghi vbe dọlegbe rhie te ẹe wẹẹ, “Wa danmwẹ ọẹn ghe ne uwa zẹ emwa rre ne ọ do gunmwẹ gbinna.”

I Samuẹl 17:26

E Devid keghi nọ emwa ni mudia ke ẹe vbe evba wẹẹ, “De emwi ne a gha ru ne ọmwa ne ọ sẹtin gbe ọmwa na yi, ne ọ vbe ban ukpọn efaa na hin Izrẹl ẹkun rre? Vbe ọ ke rre ighẹ ọ na ghẹ ovbi e Filistin ne ukpikolo, ne ọ do gha fa iran an ighẹ ivbiyokuo Osanobua ne ọ rrọọ.”

I Samuẹl 17:35

I ghi lele ẹe, I ghi dekun ẹnrẹn, I ghi wọlọ ovbi ohuan hin ẹre unu rre. a deghẹ nene oduma ra akpakomiza ghi mu igbinna gun mwẹ, I ghi gba ẹre ẹho mwẹ, I ghi gbe ẹe rua.

I Samuẹl 17:37

E Nọyaẹnmwa ne ọ fan mwẹ vbe obọ oduma kevbe akpakomiza, gha vbe fan mwẹ vbe obọ e Filistin na.” E Sọl keghi kha wẹẹ, “Ọ maa khekherriọ, gha khian, Osanobua gha yaba ruẹ.”

I Samuẹl 18:17

Ẹre Sọl na tama e Devid wẹẹ, “Ghe Mẹrab ne ovbi mwẹ nokhuo ne ọdiọn, u gha ga mwẹ zẹ vbe ovbiyokuo ne ọ din kevbe ne a gba ẹko ẹre, u na vbe gha khọn avbe okuo e Nọyaẹnmwa, I gha rhie ẹre nuẹn rhie rọnmwẹ.” (E Sọl keghi te gha ro wẹ erriọ ọ re obọ ivbi e Filistin gha na vba e Devid ya gbe ua, ne irẹn ghẹ tobọ irẹn ru ẹe.)

I Samuẹl 31:4

Rhunmwuda ọnii, rẹn keghi tama igbama ne ọ hẹ emwi igbinna mwẹ ọnrẹn wẹẹ, “Yuo umozo ruẹ ladian ne u gbe mwẹ uan ne avbe Filistin ni ma rẹn Osanobua na ghẹ ya ya mwẹ gbogiẹ, iran ke gbe mwẹ uan.” Sokpan ohan ma gie igbama nii ru emwi vberriọ. Ẹre Sọl ghi na rhie umozo ọghe irẹn, ọ na tobọ ẹre ziẹn egbe yọ.