I Samuẹl 17:33 - Edo Bible (E Baibol Ẹdo) Version 1996

³³ E Sọl keghi wanniẹn wẹẹ, “Ẹn o, vbe u a ghi ra ya sẹtin gu ẹe gbinna hẹ? Ọvbokhan kherhe wẹ khin, okuo ọ re irẹn khọn ke ne a biẹ ọe gha dee!”

I Samuẹl 17:33 ပူးပေါင်းရင်းမြစ်များ

Psalm 11:1

E Nọyaẹnmwa ọ re I mu ẹtin yan ne ọ wan ẹbe yo mẹ. Te uwa kọẹn ne uwa na tama mwẹ wẹẹ, “Tin zẹvbe ahianmwẹ, gha rriẹ uhunmwu oke.

Nọmbas 13:31

Sokpan avbe emwa ne iran vbe Kelẹb gba yo keghi kha wẹẹ, “Ẹn o, ma ma wegbe sẹ ne ọ gha dekun iran; iran ni rre evba wegbe sẹ mwa.”

Diuteronomi 9:2

Emwa ni rrọọ tobọ iran taẹn, iran vbe wegbe, arhuanran ọ re iran khin, wa họn ẹẹn vbe a ka ta ẹe wẹ a i miẹn ọmwa ne ọ sẹtin mu aro da iran.

Arhie Maan 13:4

Emwa hia kegha kpe ga Ugbogiorinmwi nii rhunmwuda ọ rhie asẹ ọre ne aranmwẹ oha nii nẹ. Iran keghi ye uhunmwu rhanmwẹ otọ ne aranmwẹ oha ni kha wẹẹ, “De ọmwa ne ọ ye vbe aranmwẹ oha nii? De ọmwa ne ọ gha sẹtin guẹe gbinna?”

I Samuẹl 17:34

E Devid keghi kha wẹẹ, “U gha tọ u kpẹre Umogun, mẹ ọ re ọ gbearoghe avbe ohuan erha mwẹ. Ẹghẹikẹghẹ ne oduma ra akpakomiza a rhirhi ya mu ohuan,

I Samuẹl 17:42

Ugbẹn vbe ọ ghi dẹghe e Devid ẹse nẹ, ohu ẹre keghi mu ẹẹn ẹsẹse rhunmwuda, ọmọ ne ọ mose ẹsẹse nọ.

I Samuẹl 17:56

E Sọl keghi khama rẹn wẹẹ, “Gha khian, ya gualọ otọ ẹre rre khekherriọ.”