I Samuẹl 17:32 - Edo Bible (E Baibol Ẹdo) Version 1996

³² E Devid keghi tama e Sọl wẹẹ, “Ọmwa rhọkpa ghẹ gie afianma ovbi e Filistin na fian ẹẹn. I gha ya gu ẹe gbinna.”

I Samuẹl 17:32 ပူးပေါင်းရင်းမြစ်များ

Psalm 3:6

Ohan iran i mu mwẹ ighe avbe eghian mwẹ arriaisẹn, ni ghae lẹga mwẹ vbe odẹ hia.

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 7:4

Kha ma rẹn wẹ ne ọ sikhua, wẹ ne ọ gie ekhọe ẹre sotọ wẹ ne ọ ghẹ hawa, ọ ghẹ gie ohan mu ẹẹn. Ohu ne ọ mu e Rezin ne Ọba kẹe kevbe ivbi e Siria ne emwa rẹn na kevbe Ọba Pẹka ọ ma zẹdẹ zẹ ẹbe sẹẹ ighogho ne ọ ke ivbi erhan eva ni gbe muẹnmuẹn rre.

Nọmbas 13:30

E Kelẹb keghi gbe eta ye avbe emwa nii gui ma e Mosis unu, ọ wẹẹ, “Te ima ra dekun ẹvbo nii ne a mu ẹẹn nian, ma wegbe sẹ ne ọ gha khọn rẹn miẹn otọ.”

Nọmbas 14:9

Wa ghẹ sọtẹ e Nọyaẹnmwa wa ghẹ vbe mu ohan emwa ni rre evba. Ma gha khọn iran miẹn otọ vbe ne ẹ i na sa ima ọfọ, e Nọyaẹnmwa gu ima rrọọ, ọ vbe fuẹn avbe ẹbọ ne ọ te gbe aro ghe iran an nẹ, rhunmwuda onii wa ghẹ mu ohan iran.”

Hibru 12:12

Rhunmwuda ọnii, wa gie obọ uwa ne lughọlughọ si tua, wa vbe gie igbọn ne ọ rhie gbe egbe de ziẹn.

Jọsua 14:12

Rhunmwuda ọnii nian, mu ẹvbo uhunmwu oke ne e Nọyaẹnmwa ta ẹmwẹ ọnrẹn ma mwẹ vbe ẹdẹ ne ima vbe emwa mwẹ do na iyẹn mẹ. Ma tama uwa ẹghẹ nii wẹẹ avbe Anakim ne arhuanran rre evba vbe uwu ẹvbo nọkhua ne a gbe ekẹn gaa. Ọ gha ke ẹe, e Nọyaẹnmwa gha rrọọ ya ba mwẹ, I ghi khulo iran ladian zẹ vbene, e Nọyaẹnmwa khare.’ ”

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”

I Samuẹl 16:18

Ọkpa vbe uwu iran ni mudia ke ẹe ke ghi kha wẹẹ, “E Jese ne ovbi e Bẹtlẹhẹm mwẹ ọmọ okpia ọkpa ne ọ wa guara kpe akpata. Ọmwa ne ọ din wa nọ, ovbiyokuo ẹmwata, ọmwa ne ẹmwẹ ma ẹre unu, ke ne ọ mose. Nọyaẹnmwa rrọ yaba ẹre.”

I Samuẹl 17:31

Emwa eso ghi họn vbene Devid kha hẹ, iran na tama e Sọl, rẹn keghi gie ne a tie ẹre rre.