I Samuẹl 17:26 - Edo Bible (E Baibol Ẹdo) Version 1996

²⁶ E Devid keghi nọ emwa ni mudia ke ẹe vbe evba wẹẹ, “De emwi ne a gha ru ne ọmwa ne ọ sẹtin gbe ọmwa na yi, ne ọ vbe ban ukpọn efaa na hin Izrẹl ẹkun rre? Vbe ọ ke rre ighẹ ọ na ghẹ ovbi e Filistin ne ukpikolo, ne ọ do gha fa iran an ighẹ ivbiyokuo Osanobua ne ọ rrọọ.”

I Samuẹl 17:26 ပူးပေါင်းရင်းမြစ်များ

II Ọba 19:4

Ọgbaisi ọghe Asiria gie avbe irriegie ẹre ne iran do kpa unu ghe Nọyaẹnmwa ne ọ rrọọ. Te Nọyaẹnmwa ne Osanobua ruẹ gha họn ẹmwẹ na ne ọ rri iran ni ta ẹe oya. Rhunmwuda ọnii, na erhunmwu ne emwa ima ne iran miẹn uhunmwu.”

II Krọnikol 32:17

Ebe ne ọgbaisi gbẹn wa yagha e Nọyaẹnmwa ne Osanobua Izrẹl, ọ wẹẹ, “Ẹbọ avbe agbọn ẹvbo nekpa ma he sẹtin miẹn emwa iran fan vbe obọ mwẹ a ma wẹ ẹbọ e Hẹzekaia gha vbe sẹtin miẹn emwa rẹn fan vbe obọ mwẹ.”

Nehimaia 5:9

Ẹre imẹ ghi na kha wẹẹ, “Emwi ne uwa ru na i maa. Ọ te kei ne uwa yọghọ ne Osanobua, ne uwa ru emwi ne ọ kere. Ẹghẹ nii, wa ghẹ i rhie otọ ne avbe eghian mwa, iran ne ẹ i re Ju, ne iran ya gha zan mwa.

Psalm 44:13

Avbe ẹdogbo mwa, miẹn vbene u ru ima hẹ iran kegha ta mwa giẹ iran na gha giẹ mwa.

Psalm 74:18

Sokpan, yerre Nọyaẹnmwa wẹẹ avbe eghian an wa giọ ọ kevbe wẹ iran ma rẹn ruẹn iran vbe zan ruẹn.

Psalm 79:12

Nọyaẹnmwa, ha ẹre werriegbe ne avbe uhunmwu ẹvbo nekpa igba ihinrọn rhunmwuda unu ne iran filo guẹ.

Aizaia 37:23

De ọmwa ne uwẹ ro ighẹ u kpa unu ghe, ne u vbe ya ukpe sakan yi? U ma ya ọghọ mẹ, mẹ ne Osanobua nọhuanrẹn ọghe Izrẹl.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Jerimaia 9:25

E Nọyaẹnmwa keghi kha wẹẹ, “Ẹghẹ dee ne I gha na rri ivbi Igipt oya kevbe Juda, Idọm, Amọn, e Moab, kevbe avbe iran ni rre ato ni gbe eto iran muotọ, iran na hia rhuẹre, sokpan iran i mu ilele ne a mwamwa yọ sẹ. Iran na hia, kevbe ivbi Izrẹl, ne ọ mu ilele mwẹ sẹ i rrọ.”

Ezikiẹl 28:10

U gha wu zẹ vbe ekita vbe obọ avbe orhunmwuyẹn ne ẹ i mu ohan Osanobua. Mẹ ne Nọyaẹnmwa ne Oghodua ọ re ọ gie.”

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Daniẹl 6:27

Ọ miẹn ọmwa fan, ọ vbe fan ọmwa ye otọ ọ ru emwi vbe ẹrinmwi kevbe agbọn. Ọ miẹn Daniẹl fan ọ ma gie avbe oduma gbe ẹe re.”

Daniẹl 9:16

“Wẹ gbinna ne ima vbe ẹghẹ nọ gberra, rhunmwuda ọnii, ghẹ ghi mu ohu e Jerusalẹm ọvbehe, ẹvbo ruẹ ọre nọ, oke ruẹ nọhuanrẹn nọ. Te emwa hia ni rre avbe ẹvbo ni diake mwa ghi ya ro gbe Jerusalẹm re, kẹe kevbe avbe emwa ruẹn, rhunmwuda orukhọ mwa kevbe emwi dan ne avbe erha mwa odede ru.

Joẹl 2:19

Ọ zẹẹ ẹmwẹ wanniẹn iran wẹẹ: “Wanwanna nian, I ra do viọ avbe ọka kevbe ayọn, kevbe ofigbọn ne uwa. Ẹko gha vbe vuọn uwa ẹvbo ọvbehe i ra gha ye zan uwa ọvbehe.

Diuteronomi 5:26

De emwa ne ọ he ka họn vbe Osanobua ne ọ rrọọ guan ke uwu erhẹn rre ẹdẹ, ọ na ye vbe gha rre agbọn?

I Tẹsalonaika 1:9

Iran na hia wa ta ẹe khian, ighẹ ẹmwẹ vbe ne uwa rhan obọ miẹn ima hẹ vbe ima do miẹn uwa, kevbe vbene uwa ghi fi iyeke gbe ẹbọ hẹ do gha ga Osanobua ne ọre Osanobua ẹmwata ne ọ rrọọ.

Jọsua 3:10

Ẹrẹna, wa gha rẹn wẹ Osanobua ne ọ rrọọ rre adesẹneva uwa, vbe ne uwa ya nana sikẹ odaro, erriọ rẹn gha vbe ya gha khulo emwa Kenan, Hiti, Hivi, Pẹriz, Gagas, Amọri kevbe Jebus hin odaro uwa rre.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.

I Samuẹl 11:2

E Nahas keghi wanniẹn wẹẹ, “I gha gu uwa ta ẹe kugbe a deghẹ wa kue yọ vbenian: ne I wọlọ aro obọ erha ọmwa ọghe dọmwadẹ ọghe ọe kua ne I ya ọnii fa Izrẹl hia a.”

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”

I Samuẹl 17:10

Evẹn ọre I si ivbiyokuo Izrẹl re vbene I wa mudia ye emwa na nian.” Ọ ghi vbe dọlegbe rhie te ẹe wẹẹ, “Wa danmwẹ ọẹn ghe ne uwa zẹ emwa rre ne ọ do gunmwẹ gbinna.”

I Samuẹl 17:30

Ọ na mu aro da ọmwa ọvbehe, vbe nọ ọta ọkpa nii, ẹghẹikẹghẹ ne ọ ya nọọn, ewanniẹn ọkpa nii ọ re ọ miẹn.

I Samuẹl 17:36

I gbele avbe oduma kevbe akpakomiza, e rriọ I ra vbe ru e Filistin ne ukpikolo na, ọmwa ne ọ fa ivbiyokuo Osanobua nọ rrọ ua.

I Samuẹl 31:4

Rhunmwuda ọnii, rẹn keghi tama igbama ne ọ hẹ emwi igbinna mwẹ ọnrẹn wẹẹ, “Yuo umozo ruẹ ladian ne u gbe mwẹ uan ne avbe Filistin ni ma rẹn Osanobua na ghẹ ya ya mwẹ gbogiẹ, iran ke gbe mwẹ uan.” Sokpan ohan ma gie igbama nii ru emwi vberriọ. Ẹre Sọl ghi na rhie umozo ọghe irẹn, ọ na tobọ ẹre ziẹn egbe yọ.