I Samuẹl 17:20 - Edo Bible (E Baibol Ẹdo) Version 1996

²⁰ Ẹdẹ ghi gbe vbe owiẹ ne ọ lele ẹe, e Devid keghi guakpao vbe owiẹ vbirrivbirri, ọ keghi sẹ avbe ohuan rae ne ọmwa ọvbehe, ọ na viọ evbare ọ na gha khian zẹ vbene Jese tama rẹn. Ẹghẹ ne ọ ya sẹ evba kegha re vbe ivbi Izrẹl so ihuan okuo rrie ehe ne iran ghae yi vbe uhunmwu oke.

I Samuẹl 17:20 ပူးပေါင်းရင်းမြစ်များ

Iyẹn ne ọ Maan Ọghe Luk 19:43

Ghe, ẹdẹ ne u gha vba vbe egbe dee, avbe eghian ruan gha gbe odin lẹga ruẹ, iran ghi ke uẹ ye ako, iran ghi hẹ rhu uẹ vbe igienenẹ.

Jọsua 3:1

Vbe owiẹ ne ọ lelẹe, e Jọsua keghi kpaegbe ke ẹe kevbe ivbi Izrẹl hia, iran keghi si kpao hin agọ Akesia rre, iran na gha rrie Jọdan. Iran keghi si agọ bu vbe evba, iran kevbe fian ẹẹn rra.

I Samuẹl 15:12

Ẹdẹ ghi gbe vbe owiẹ ne ọ lele ẹe, ọ keghi gua kpao ne ọ ya gualọ e Sọl. Ọ keghi họn wẹ e Sọl rrie ẹvbo ne a tie ẹre Kamẹl ehe ne ọ na ma orre ọkpa ne egbe ẹre, ọ vbe ke evba kpao gha rrie Gilgal nẹ.

I Samuẹl 17:19

E Sọl ne ọba, avbe etuẹn kevbe ivbi Izrẹl nekpa hia rre Iya Ela gu ivbi e Filistin khọn.”

I Samuẹl 17:21

Ivbiyokuo avbe Filistin, kevbe ivbiyokuo ivbi Izrẹl keghi mudia ye ihe iran, iran keghi viọ aro da egbe ne iran gbinna.

I Samuẹl 17:28

Eliab ne ọtẹn e Devid ne ọdiọn keghi họn vbe ọ gu emwa nii guan. Ohu ẹre keghi mu ẹẹn, ọ na tama rẹn wẹẹ, “Vbe u a ru vbe emwa na yi? De ọmwa ne u sẹ avbe ohuan ni rae na vbe uwu oha yi? U ghe ẹre ighẹ gie aro mwẹ sẹ! Ghe ẹhi ẹre, okuo ọ re ọ rre do ghe!”

I Samuẹl 26:5

Rẹn keghi wa zẹgiẹgiẹ gha khian ne ọ wa ta ẹe rhuan ẹse ighẹ ehe ne Sọl kevbe Abna ne ovbi e Nẹẹ, ne ọkaokuo ẹ Sọl, vbiẹre. E Sọl vbiẹ uwu agọ, emwa rẹn keghi bu agọ lẹga ẹre.

I Samuẹl 26:7

Asọn nii, e Devid kevbe Abisiai keghi la uwu agọ e Sọl, iran ghi do ghe e Sọl gha vbiẹ vbe adesẹ agọ, a so asoro ẹre ye otọ vbe ọkpẹn uhunmwu ẹnrẹn. Abna kevbe avbe ivbiyokuo hia lẹga ẹre, iran vbiẹ ua.