I Samuẹl 17:18 - Edo Bible (E Baibol Ẹdo) Version 1996

¹⁸ U ghi vbe viọ ipapa emiowo ne aranmwẹ na gie ọkaokuo ne ọ rre evba. Ya ghe vbene ọ ghi ye avbe etuẹn hẹẹ, u ghi rhie emwi eso rre ne u gha rhiema ighẹ u miẹn iran, kevbe wẹ egbe rran iran.

I Samuẹl 17:18 ပူးပေါင်းရင်းမြစ်များ

Gẹnẹsis 37:13

E Jekọb keghi tama e Josẹf wẹẹ, “Etuẹn gha gbearoghe avbe oghẹn ohuan vbe Siẹkẹm. Mu egbe, I ra do giọ bu iran.” E Josẹf keghi wanniẹn wẹẹ, “I mu egbe.”

Gẹnẹsis 37:14

Erha ẹe keghi tama rẹn wẹẹ, “Gha khian, ya ghe ẹre a deghẹ ọ ye avbe etuẹn kevbe avbe ohuan ẹse; u ghi dọlegbe gha de do tama mwẹ.” Ẹre erha ẹe na giẹe ke iya Hibrọn kpao. Ugbẹn vbe Josẹf ghi sẹ Siẹkẹm.

Ẹsta 2:11

Ẹdẹgbegbe ọre Modekai yo ya gha gbe ọrrẹrrẹ yo gbe ọrrẹrrẹ rre vbe odaro ẹguae ne ọ miẹn ehe na gha rẹn vbene ọ ye ẹe hẹ kevbe emwi ne ọ ghi ra sunu vbe egbe ẹre.

Job 10:10

Wẹ ọ re ọ rhie ẹtin ne erha mwẹ ya biẹ mwẹ, wẹ ọ re ọ gunmwẹ wan vbe ẹko iye mwẹ.

Ẹksọdọs 18:7

E Mosis keghi khian bu ẹre sẹ odẹ, ọ mu ẹko rhu otọ nẹẹn, ọ keghi ya unu soso ẹre unu. Iran nọ egbe ẹmwẹ egberranmwẹ iran, iran na la uwu owa ukpọn e Mosis.

Iwinna 15:36

Ọ ghi kpẹe fua kherhe, Pọl keghi khama Banabas wẹẹ, “Gie ima werriegbe gha rrie ẹvbo hia ne ima na kpe orhu ẹmwẹ Nọyaẹnmwa ne ima ya tuẹ avbe etẹn ne a vbe ghe vbene ẹmwẹ Nọyaẹnmwa ghi ye iran hẹ.”

Giọgis 18:15

Rhunmwuda ọnii, iran keghi na werriegbe iran na gha rri owa e Maika, ehe ne igbama Livai nii ye. Iran keghi nọ rẹn vbene emwi hia ye ẹe hẹ.

I Samuẹl 16:20

E Jese keghi gie Devid bu e Sọl gha khian, ọ na mu ọgọ ohian ayọn ọkpa, kevbe ovbi ẹwe kevbe ebrẹd ne ọ sẹ ekẹtẹkẹtẹ ọkpa mu, gie ẹe.

I Samuẹl 17:19

E Sọl ne ọba, avbe etuẹn kevbe ivbi Izrẹl nekpa hia rre Iya Ela gu ivbi e Filistin khọn.”

I Samuẹl 25:5

Ọre ọna gie igbama igbe ne iran gha rrie Kamẹl, ya gualọ ẹe miẹn ne iran vbe wẹ ẹre do.

I Samuẹl 30:21

Ẹre Devid na werriegbe bu arhin uri ne egbewọmwẹ ma gie iran sẹtin lele ẹe, iran na yakọ vbe obọ nọkpa ọghe ovbi ẹzẹ e Bezọ. Iran keghi khian bu e Devid kevbe emwa rẹn sẹ odẹ, e Devid keghi bu iran gha khian, ọ na tuẹ iran ẹsẹse.