I Samuẹl 16:7 - Edo Bible (E Baibol Ẹdo) Version 1996

⁷ Sokpan, e Nọyaẹnmwa tama rẹn wẹẹ, “Ghẹ ghe ẹre wẹ ọ tanẹn ra wẹ ọ mose, mẹ he ẹe nẹ, rhunmwuda, ẹ i re vbene ọmwa ne agbọn ghe emwi ọ re imẹ ghe ẹre. Agbọn ghe ikpakpa, sokpan, ekhọe imẹ ghe.”

I Samuẹl 16:7 ပူးပေါင်းရင်းမြစ်များ

Gẹnẹsis 4:5

Sokpan ọ ma rhan obọ miẹn Keni ke ese ẹre. Okuosu ke rrie Keni, aro ẹre ke khọrhiọ uan vbe uhunmwu ne ohu.

II Samuẹl 14:25

A ma vbe miẹn orhiọnkpa vbe Izrẹl ne a gha ya gie Absalọm vbe ose, wa ke uhunmwu ya sẹ ikpihianwẹ, okan rhọkpa i vbe rrọ ọre egbe.

II Samuẹl 7:20

De emwi ne I gha ghi ye tama ruẹn yi! Wẹ rẹn mẹ ne ọguọmwadia ruẹ.

I Ọba 8:39

u ghi họn erhunmwu iran. U ghi danmwehọ iran vbe owa ruẹ vbe ẹrinmwi, u ghi ya orukhọ bọ iran ne u guan yọ. Wẹ ọkpa kẹkan ọre ọ rẹn emwi ne ọ rre emwa hia ekhọe. Ru ne dọmwadẹ ọghọe zẹ vbene ọ khẹ ke ẹe.

I Krọnikol 17:18

De emwi ne I ghẹ ghi ye tama ruẹn nian. U wa rẹn mwẹ ẹsẹse, sevba, u keghi rhie ọghọ mẹ, mẹ ne ọguọmwadia ruẹ.

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

II Krọnikol 6:30

U ghi họn erhunmwu iran. Danmwehọ iran vbe owa ruẹ vbe ẹrinmwi ne u yabọ iran. Wẹ ọkpa kẹkan ọ re ọ rẹn emwi ne ọmwa mu ro vbe ekhọe. U ghi ru dọmwadẹ ọghe ọe vbene ọ khẹ ke ẹe.

Job 10:4

Aro ne ima ya ghe emwi ọ re uwẹ vbe ya ghe ẹre ra?

Job 35:5

Tọn aro mu ghe iso! Ghe vbene avbe ikpakpa iso rre hẹ!

Psalm 139:2

U rẹn emwi ne I ru hia, urria gban an ọ re u na rẹn iro ekhọe mwẹ hia.

Psalm 7:9

Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.

Itan 15:11

Emwa ẹvbo iran ni wulo nẹ i sẹtin rhie emwi ni rre ehe ne iran ye lẹre ne Nọyaẹnmwa, vbe ọmwa nagbọn ra na sẹtin rhie iro ekhọe ẹre lẹre ne Nọyaẹnmwa, hẹ?

Itan 16:2

U sẹtin gha ro wẹ emwi ne u ru hia wa gba, sokpan, e Nọyaẹnmwa ghi ghe emwi ne ọ ya uwẹ ru ẹe.

Itan 24:12

U sẹtin kha wẹ ọ ma kan ruẹn, sokpan Osanobua rẹnrẹn, ọ vbe ghe ekhọe ruẹ. Ọ wa rhie aro lele uẹ, ọ rẹnrẹn, ọ gha vbe ha ẹre nuẹn zẹ vbene u vbe ru.

Itan 31:30

Te ose rẹrẹ ọmwa, te ukhuegbe vbe khian ne a ho bẹkun, sokpan okhuo ne ọ ya ọghọ ne Nọyaẹnmwa, te ọ kere ne a tian rẹn.

Jerimaia 11:20

Ọ re I na na erhunmwu wẹẹ, “E Nọyaẹnmwa ne Oghodua, ọbuohiẹn ne ẹ i bu eku ọ re uwẹ khin, wẹ ọ re ọ danmwẹ iro ekhọe emwa kevbe vbene emwi ye iran hẹ, ghe I mu ẹmwẹ enegbe mwẹ ye uwẹ obọ, rhunmwuda ọnii, gie aro mwẹ sẹ ọe vbe u gha rria iran na ikhi.”

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 20:12

Sokpan, e Nọyaẹnmwa ne Oghodua wẹ danmwẹ emwa ghe vbene ọ kei yi; wẹ rẹn emwi ni rre ekhọe kevbe ẹko iran. Rhunmwuda ọnii, gun mwẹ miẹn vbe u rria avbe eghian mwẹ ikhi, rhunmwuda, wẹ ọ re I rhie ẹdagbọn mwẹ ye ọre obọ.

Iyẹn ne ọ Maan Ọghe Luk 16:15

Jesu keghi khama iran wẹẹ, “Wa na ọre ọ rhie egbe ma emwa ne agbọn zẹ vbe emwata, sokpan Osanobua rẹn ekhọe uwa. Rhunmwuda, emwi ne emwa ne agbọn ghe gẹdẹgbẹ, ọ ma sẹ emwi rhọkpa vbe odaro Osanobua.

Iyẹn ne ọ Maan Ọghe Jọn 7:24

Wa ghẹ gha lele erriọ I họn bu ohiẹn, wa gha lele odẹ ẹmwata bu ohiẹn.”

Iyẹn ne ọ Maan Ọghe Jọn 8:15

Obọ ọghe vbene agbọn mu la ọre uwa ya bu ohiẹn. Mẹ i bu ohiẹn ọmwaikọmwa.

Iwinna 1:24

Rhunmwuda ọnii iran keghi na erhunmwu wẹẹ, “Nọyaẹnmwa wẹ rẹn ekhọe emwa hia. Rhunmwuda ọnii Nọyaẹnmwa rhie ne u hannọ zẹ vbe uwu iran eva na ma ima.

II Kọrinti 10:10

Emwa eso gha kha wẹẹ, “Ebe ne Pọl gbẹnnẹ khua, ọ keghi vbe wo vbe egbe, sokpan ọ gha gu ọmwa mudia, ọ ghi ye vburriẹ, ẹmwẹ ọnrẹn i vbe gbe emwi.”

II Kọrinti 10:7

Vbene emwi hia ye vbe ikinnegbe ọre uwa ghe. Arhiọnkpa rrọ vbe uwu uwa, ne ọ ka egbe ẹre ye ọghe Kristi ra? Wẹ ne ọ dọlegbe mu ẹmwẹ enegbe ẹre roro, rhunmwuda vbene irẹn re ọghe Kristi ọre ima vbe re ọre.

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.

I Pita 2:4

Wa bu Nọyaẹnmwa gha dee, rẹn ne ọ re okuta ne ọ rrọọ, ne iran ne emwa he wẹ, ẹ i mwẹ esa ne ọ ye, sokpan ne Osanobua zẹẹ, zẹ vbe emwi ighobioye.

I Pita 3:4

Sokpan, ọ kere ne ose uwa gha re ọghe ekhọe ọmẹhẹ ne khuẹrhẹ, ne ọ re emwi ighobioye vbe odaro Osanobua.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.

I Samuẹl 2:3

Dobọ owogho oghagha ruẹ yi gie ẹmwẹ uhiomwẹ ruẹn gbẹdọ, rhunmwuda, e Nọyaẹnmwa, Osanobua ne ọ rẹn emwi ne ọ sunu nọ, ọ vbe bu ohiẹn emwi ne emwa ru hia.

I Samuẹl 9:2

Ọ kegha mwẹ ọmọ okpia ọkpa ne a tie ẹre Sọl, ọ kegha re ẹghele ne ọ mose ẹsẹse. Ọ ye ibata ọkpa tan sẹẹ, ọ kevbe mose sẹ emwa hia ni rre Izrẹl.