I Samuẹl 16:5 - Edo Bible (E Baibol Ẹdo) Version 1996

⁵ Rẹn keghi wanniẹn wẹẹ, “Ẹn, te I rre do zọ ese ghe Nọyaẹnmwa. Wa họnmwẹ egbe ne uwa bu mwẹ gha dee.” Ọ keghi vbe wẹ Jese kevbe ivbi ẹre họnmwẹ egbe, ọ na wẹ ne iran vbe gha die ehe izọese nii.

I Samuẹl 16:5 ပူးပေါင်းရင်းမြစ်များ

Gẹnẹsis 35:2

Ẹre Jekọb na do khama ẹgbẹe ọre kevbe emwa ni guẹe rre evba wẹẹ, “Wa viọ ẹbọ ẹrrẹe ne uwa mwẹ kua, wa khuẹ egbe uwa huan ne uwa viọ ukpọn nihuanrẹn ye egbe.

I Ọba 2:13

Ẹre Adonaija ne a tie iye ẹe Hagit, na bu e Batsiẹba ne iye Solomọn gha khian, okhuo nii ke nọ rẹn wẹẹ, “A deghẹ okhian maa?” Rẹn keghi wanniẹn wẹẹ, “Ọ wa maa.” Rẹn keghi rhie te ẹe wẹẹ,

I Krọnikol 12:18

Orhiọn Osanobua keghi hin yan ọkpa vbọ, Amasai ne ọ ghi khian ọkaolotu nọkhua ọghe “Iran ne Ọgban” ọ keghi wẹẹ, “E Devid ne ovbi e Jese, otu ruẹ ma ye Ọ dunna ẹn ọ re ọwuẹ kevbe iran ni yuọ obọ Wẹ ọ re Osanobua yaba.” E Devid keghi rhan obọ miẹn iran, ọ na viọ iran ye ukpo vbe ivbiyokuo ẹre.

Job 1:5

Vbe owiẹ ne ọ ghi lele avbe ẹdẹ vberriọ, e Job ghi rhiọkpaegbe vbe owiẹ fioo, ọ ghi ya zọ ese ya họnmwẹ ivbi ẹre hia egbe ua. Emwi ne ọ ya ẹe ru ọna ọrọre wẹ rẹn rorẹe wẹ, u gha ghe, ọ defi eso unu vbọ, ọ na fi unu giẹ Osanobua.

Ẹksọdọs 19:10

E Mosis keghi tama e Nọyaẹnmwa vbene emwa nii kha hẹ, e Nọyaẹnmwa keghi tama e Mosis wẹẹ, “Bu emwa nii gha khian ya tama iran ne iran mu egbe ugamwẹ ye otọ khẹ ẹrẹna kevbe ẹdẹ ne akhuẹ, ne iran họnmwẹ egbe ye otọ khẹ ugamwẹ. Wẹ ne irẹn họ ukpọn iran ne a miẹn wẹ,

Joẹl 2:16

Mu iran egbe ye otọ khẹ iko nọhuanrẹn viọ avbe ọmaẹn rre, si avbe ibiẹka koko, kevbe emobọ negiẹrẹ, ya sẹ egbe ọdọ vbe amwẹ ni da rọnmwẹ egbe, wẹ ne iran kpa vbe owa rre ne iran gha dee.

Zẹfanaia 1:7

Ẹdẹ ne Nọyaẹnmwa gha tota bu ohiẹn dee, rhunmwuda ọnii, wẹ hunwan zẹẹ vbe ehe ne ọ ye. E Nọyaẹnmwa wa mu egbe nian ne ọ ya emwa rẹn zọ ese, Ọ vbe gie ne a tie avbe eghian ne iran do fu emwi viọ vbe Juda.

Nọmbas 11:8

Emwa ni ghi ya rhọ ẹre, iran ghi lọe ra ne iran dunmwu ẹre irhuarhua, a ghi do lẹe, a ghi ya fian eka ne parhaparha. A gha ghe ẹre ọ ghi ye vbe ebrẹd ne a ya ofigbọn oliv gbe a ke lẹe. Evbu ne ọ tuo ọre nene mana lele dele ye agọ nii vbe asọn.

I Kọrinti 11:28

Rhunmwuda ọnii, ọ kere ne dọmwadẹ ọghọe gualọ otọ egbe ẹre nẹ, ọ ke do rri ebrẹd nii, ne ọ vbe da vbe ukpu nii.

Jọsua 3:5

E Jọsua keghi tama emwa ni wẹẹ, “Wa họnmwẹ egbe rhunmwuda vbe ẹdẹ ne akhuẹ, e Nọyaẹnmwa gha ru emwi nọkhua vbe uwu ẹbu uwa.”

Jọsua 7:13

Kpaegbe! Ya khuẹ awua hin egbe avbe emwa nii rre ne u wẹ ne iran mu egbe ne iran bu mwẹ gha dee. Tama iran ne iran mu egbe ne iran bu mwẹ gha dee ẹdẹ nakhuẹ, rhunmwuda mẹ ne Osanobua Izrẹl mwẹ emwi ne I ra ta wẹẹ: ‘Izrẹl, emwi eso ne I wẹ ne uwa fuẹn uan guẹ. Wa i ra sẹtin mudia vbe odaro avbe eghian uwa vbe ẹi re te uwa viọ avbe emwi na hin ehe ne uwa ye rre nẹ.’

I Samuẹl 20:26

Sokpan e Sọl ma zẹyọ ẹdẹrriọ, ọ kegha ro wẹẹ u gha ghe, “Emwi eso ọ re ọ ru ẹe, awua rre ọ re egbe.”