I Samuẹl 16:4 - Edo Bible (E Baibol Ẹdo) Version 1996

⁴ E Samuẹl keghi ru zẹ vbene Nọyaẹnmwa wẹ ne ọ ru, ọ na gha rrie Bẹtlẹhẹm. Avbe ọkaolotu ẹvbo nii keghi rre do vba ẹre vbene iran na guọ zẹzẹzẹ, iran nọ rẹn wẹẹ, “Ọbiro, a deghẹ okhian maa?”

I Samuẹl 16:4 ပူးပေါင်းရင်းမြစ်များ

Gẹnẹsis 35:19

Ugbẹn vbe Rekiẹl ghi wu nẹ, a keghi re ẹre ye odẹ ne a la ye Efrat (ne ọ ghi re Bẹtlẹhẹm na).

Gẹnẹsis 48:7

Emwi ne ọ ya mwẹ ru ọna ọrọre, ẹmwẹ Rekiẹl ne iyuẹ, ẹghẹ vbe I ke Mẹsopotamia dee, ọ keghi da mwẹ ẹsẹse wẹ, rẹn keghi wu vbe otọe Kenan, vbe a ma he sẹ Efrat. I na re ẹnrẹn ye evba vbe otọe Efrat (Efrat ọrọre Bẹtlẹhẹm).”

II Samuẹl 6:9

Ohan e Nọyaẹnmwa kegha mu e Devid, ọ keghi kha wẹẹ, “Ohan gha ye gun mwẹ mu Ẹkpẹti Ile gha khian nian?”

I Ọba 17:18

Okhuo nii keghi tama Elaija wẹẹ, “Ọmwa Osanobua, vbu a ghi na ru mwẹ emwi vbenian hẹ yi? Te u rre do ye Osanobua orukhọ mwẹ rre ra, ne u gbe mwẹ ọmọ uan?”

I Ọba 2:13

Ẹre Adonaija ne a tie iye ẹe Hagit, na bu e Batsiẹba ne iye Solomọn gha khian, okhuo nii ke nọ rẹn wẹẹ, “A deghẹ okhian maa?” Rẹn keghi wanniẹn wẹẹ, “Ọ wa maa.” Rẹn keghi rhie te ẹe wẹẹ,

II Ọba 9:22

E Joram keghi nọ rẹn wẹẹ, “Deghẹ okhian maa?” E Jehu keghi wanniẹn wẹẹ, “Vbe ọ ghi ragha maa hẹ vbe avbe azẹn kevbe ẹbọ ne a ga ne iye uẹ ya rre hia ye rre evba.”

Hozia 11:10

“Emwa mwẹ gha lele mwẹ vbe I gha van mu avbe eghian iran nẹ zẹ vbe oduma. Iran gha ke odẹ orrie rhulẹ bu mwẹ gha dee.

Hozia 6:5

Ọnii ọ si ẹe ne I na gie avbe akhasẹ mwẹ bu uwa gha dee, ne iran do gu uwa guan vbekpa ibuohiẹn kevbe ọfuan. I ma vbe rhie emwi ne I ho vbe obọ uwa lẹre, te I wa taa ẹe ladian gboo.

Iyẹn ne ọ Maan Ọghe Luk 2:4

Josẹf keghi rhunmwuda ọnii kpao vbe Nazarẹt ne Galili gha die Bẹtlẹhẹm ẹvbo ne a na biẹ Devid, vbe otọe Judia. Emwi nọ ye Josẹf gha rrie evba ọrọre wẹ, uniẹn Devid ọre irẹn khin.

Iyẹn ne ọ Maan Ọghe Luk 5:8

Ugbẹn vbe Saimọn Pita ghi miẹn emwi ne ọ sunu, ọ fan fi igue vbe odaro Jesu, ọ wẹẹ, “Kpao vbe ehe ne imẹ ye rre Nọyaẹnmwa rhunmwuda ọmwa orukhọ mẹ khin!”

Iyẹn ne ọ Maan Ọghe Luk 8:37

Emwa hia ni wa ke otọ Gadara rre keghi bu Jesu gha dee, iran tama rẹn ne ọ do kpao hin iran ẹvbo rre rhunmwuda ohan mu iran ẹsẹse. Rhunmwuda ọnii, Jesu keghi la okọ, ọ na kpao.

I Samuẹl 21:1

E Devid keghi bu Ahimẹlẹk ne ohẹn vbe Nob. Ahimẹlẹk guọ vbe ọ do vbe ẹre, ọ nọ rẹn wẹẹ, “Vbe uwẹ ọkpa na gha di edinran hẹ yi?”