I Samuẹl 16:3 - Edo Bible (E Baibol Ẹdo) Version 1996

³ Tie Jese ye izọ ese na, I gha tama ruẹn emwi ne u gha ru. Ọmwa ne I ghi tama ruẹn, u ghi ma ẹre ọba.”

I Samuẹl 16:3 ပူးပေါင်းရင်းမြစ်များ

II Samuẹl 15:11

Arhin uri keghi lele Absalọm kpao vbe Jerusalẹm, vbe uwu avbe emwa ne ọ tie re; iran na ma rẹn isọtẹ ne ọ ghae yi, okhian ẹmwata ọre iran gha rrie.

I Ọba 1:34

ne Zadọk kevbe Natan ma ẹre ọba Izrẹl vbe evba, iyeke ọnii, wa ghi kpe okpe ne uwa datu wẹẹ, ‘E Solomọn ne ọba gha tọ ọ kpẹre.’

I Krọnikol 11:3

Rhunmwuda ọnii, avbe ekaolotu ivbi Izrẹl hia keghi bu e Devid gha die Hibrọn, ọ na yo ulamwẹ ne iran, iran tue ori ye ọre uhunmwu iran keghi ma ẹre ọba Izrẹl zẹ vbene Nọyaẹnmwa la unu e Samuẹl tae zẹẹ.

Ẹksọdọs 4:15

U sẹtin guẹe guan ne u vbe gha tama rẹn ẹmwẹ ne ọ gha guan. I gha ya uwa eveva obọ ne u wa sẹtin guan. I gha vbe tama uwa eva emwi ne uwa gha ru.

Iwinna 9:6

Sokpan kpaegbe ne u gha rrie adesẹ ore ẹvbo, a gha tama ruẹn emwi ne u gha ru.”

I Samuẹl 9:16

“Vbe odẹ ẹghẹ na akhuẹ, I gha gie okpia ọkpa ke uniẹn e Bẹnjamin bu ruẹ rre, u ghi nọnọ ori ye ọre uhunmwu zẹ vbe ne ọkhaemwisẹ yan avbe emwa mwẹ, rẹn ọ ra sinmwi iran hin obọ emwa Filistin rre. I miẹn usẹ ne emwa mwẹ sẹ, I vbe họn eve ne iran viẹ ye ẹmwẹ iyobọ.”