I Samuẹl 16:21 - Edo Bible (E Baibol Ẹdo) Version 1996

²¹ E Devid keghi bu e Sọl gha dee, ọ na gha winna ne ẹẹn. E Sọl keghi wa ho ẹmwẹ ọnrẹn ẹsẹse, ọ na gie ẹe gu irẹn gha viọ emwi igbinna mwẹ.

I Samuẹl 16:21 ပူးပေါင်းရင်းမြစ်များ

Gẹnẹsis 41:46

Ukpo ọgban ọre Josẹf gha ye vbe ọ suẹn gha winna ne ọba Igipt. Ọ keghi kpao ya khian la otọe nii gaa.

I Ọba 10:8

U miẹn uhunmwu esi ne ikhuo ne u viọre mwẹ! U miẹn uhunmwu esi ne iran mwẹ ighẹ avbe eguọmwadia ruẹ ni mudia ke uẹ ne iran gha họn ẹmwẹ ẹwaẹn ne u ta vbe ẹghẹ hia.

Psalm 118:9

Ọ kere ne a mu ẹtin yan Nọyaẹnmwa, sẹ ne a mu ẹtin yan avbe ọkaolotu ne emwa nagbọn kẹkan.

Psalm 146:3

Wa ghẹ mu ẹtin yan ekaolotu emwa nagbọn; ọmwa nagbọn i ra sẹtin miẹn ruẹn fan.

Psalm 62:9

Te emwa yevbe uhiọnrọnmwẹ ihue, ke ne ọ kpọlọ kevbe ne ọ kanmwa, kẹkan ehia khin. Mu iran ye omwa iran i si uwan rhọkpa iran hogha sẹ uhiọnrọnmwẹ kẹkan.

Itan 22:29

Ma mwẹ ọmwa ne ọ winna iwinna rẹn ẹse, I gha vbe ma ruẹn ọmwa ne ọ maa sẹẹ emwa nibun kevbe ọmwa ne ọ sẹe ne ọ gha gu ọba tota.

Diuteronomi 1:38

Sokpan e Jọsua ne ovbi Nọn ne ọ yuẹ obọ gha sẹ ọe. U ghi rhie igiọdu ne Jọsua, ọ gha su ivbi Izrẹl ne iran ya yin otọe nii.’

Diuteronomi 10:8

E Nọyaẹnmwa keghi zẹ emwa ẹwae Livai, vbe uhunmwu oke nii, ne iran gha gbe aro ghe Ẹkpẹti Ile, kevbe ne iran vbe ga irẹn zẹ vbe ohẹn, kevbe ne iran vbe gha ya eni irẹn fiangbe emwa. Iwinna iran ọ re avbe emwi na ye khin.

Giọgis 9:54

Rẹn keghi zegiẹgiẹ tie igbama ne ọ viọ emwi igbinna rẹn mwẹ ọnrẹn, ọ tama rẹn wẹẹ, “Si umozo ruẹ ladian ne u gbe mwẹ uan. Mẹ i ho ne a gha ta ẹe khian wẹ okhuo ọre ọ gbe mwẹ.” Ẹre igbama nii na bi umozo ye ọre egbe, ọ keghi wu.

I Samuẹl 16:22

Ẹre Sọl ghi na gie ne a khama e Jese wẹẹ, “Ẹmwẹ e Devid wa yẹ mwẹ. Gie ẹe tota ke mwẹ ne ọ gha winna mẹ.”

I Samuẹl 17:15

E Devid ghi werriegbe gha rrie Bẹtlẹhẹm ẹghẹ hia ne ọ miẹn ehe na ya gha gbearoghe avbe ohuan erhae.

I Samuẹl 17:55

E Sọl ghi miẹn vbe Devid bu e Golaiat khian ne ọ ya guẹe gbinna, ọ keghi nọ Abna ne ọkaivbiyokuo ẹre wẹẹ, “Abna, de ovbi ọmwa ne ọ khin yi?” Abna keghi wanniẹn wẹẹ, “I ma zẹdẹ rẹn hiehie Umogun.”

I Samuẹl 19:7

Rhunmwuda ọnii, e Jonatan keghi tie Devid ọ na na iyẹn emwi hia ma rẹn, rẹn keghi rhie ẹre bu e Sọl gha khian, ọ na vbe ya gha ga ọba vbene ọ ka ru ẹe de yi.