Elaija ghi ladian, ọ keghi vba Elaisia gha ya oghẹn ẹmila gua, oghẹn owọrọ keghi kodaro ne irẹn, ne ọ ke odieke vbọ ọre ọ ghi ya gua. Elaija keghi ban agbada ẹwu ẹre, ọ na mu ẹẹn yọ Elaisia.
Ẹmwẹ Emọs ne Ọsuohuan ne ovbi ẹvbo ne a tie ẹre Tẹkoa ọ re ena khin. A ghi tie ẹre ukpo eva ne igbohiotọ ra sunu, vbe ẹghẹ ne Uzaia na gha re ọba e Juda, e Jeroboam na vbe gha re ọba Izrẹl, Osanobua keghi rhie emwi na hia vbe ekpa Izrẹl ma Emọs.
Ọ keghi nọ rẹn wẹẹ, “U ye mwẹ emọ ikpia ọvbehe ra?” E Jese keghi wanniẹn wẹẹ, “Ne ọvbokhan ne ọ rrọọ, ọre ọ ghi ke ẹe sokpan, ọ rre ehe ne ọ na su ohuan.” E Samuẹl keghi kha wẹẹ, “Ya tie ẹre rre, ọ ma rre nẹ ma i zọ ese na.”
Ọkpa vbe uwu iran ni mudia ke ẹe ke ghi kha wẹẹ, “E Jese ne ovbi e Bẹtlẹhẹm mwẹ ọmọ okpia ọkpa ne ọ wa guara kpe akpata. Ọmwa ne ọ din wa nọ, ovbiyokuo ẹmwata, ọmwa ne ẹmwẹ ma ẹre unu, ke ne ọ mose. Nọyaẹnmwa rrọ yaba ẹre.”