I Samuẹl 16:15 - Edo Bible (E Baibol Ẹdo) Version 1996

¹⁵ Eguọmwadia ẹre keghi tama rẹn wẹẹ, “Ma rẹnrẹn wẹ orhiọn dan ne Nọyaẹnmwa gie rre wa mu uẹn rueghe nian.

I Samuẹl 16:15 ပူးပေါင်းရင်းမြစ်များ

Giọgis 9:23

Ẹre Nọyaẹnmwa na mu ikhẹko nọkhua ye ẹkpo Abimẹlẹk kevbe ivbi e Siẹkẹm, iran na sọtẹ Abimẹlẹk.

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 16:14

Orhiọn e Nọyaẹnmwa keghi kpao sẹ e Sọl rae, orhiọn dan ne Nọyaẹnmwa gie rre keghi do gha mu ẹẹn rueghe.

I Samuẹl 16:16

Rhunmwuda ọnii, gie ima, ne ima ya gualọ ọmwa ne ọ guara kpe akpata rre. A deghẹ orhiọn dan ni ghi vbe rre, ọmwa nii ghi kpe akpata, orhiọn dan ghi kannọ obọ hin ruẹn egbe rre.”

I Samuẹl 18:10

Vbe ikpẹdẹ ne ọ lele ẹe, orhiọn dan ne ọ ke obọ Osanobua rre keghi hin e Sọl, ọ na gha tu wawaawa vbe owa ẹre zẹ vbe ọmwẹmwẹ. E Devid kegha kpe akpata ẹre zẹ vbene ọ ru ẹe ẹdẹgbegbe, e Sọl keghi mu asoro mwẹ obọ.

I Samuẹl 19:9

Ọ ghi sẹ ẹdẹ ọkpa, orhiọn dan ne ọ ke ehe ne Nọyaẹnmwa ye rre keghi hin yan e Sọl. E Sọl keghi tota ye uwu owa ẹre ke ẹe kevbe asoro vbe obọ. E Devid keghi vbe gha rre evba, ọ na gha kpe akpata ne ẹẹn.