I Samuẹl 16:14 - Edo Bible (E Baibol Ẹdo) Version 1996

¹⁴ Orhiọn e Nọyaẹnmwa keghi kpao sẹ e Sọl rae, orhiọn dan ne Nọyaẹnmwa gie rre keghi do gha mu ẹẹn rueghe.

I Samuẹl 16:14 ပူးပေါင်းရင်းမြစ်များ

II Samuẹl 7:15

Sokpan I i ra fi iyeke gbe ẹe vbene I fi iyeke gbe Sọl ne I rhie hin evba rre, ne uwẹ miẹn ehe na do rriọba.

I Ọba 22:19

E Makaia keghi rhie te ẹe wẹẹ “Danmwehọ vbene Nọyaẹnmwa kha hẹ! I keghi bẹghe vbe Nọyaẹnmwa tota ye ẹkete ẹre vbe ẹrinmwi, avbe odibo ẹre keghi mudia lẹga ẹre.

I Ọba 22:22

Orhiọn nii keghi kha wẹẹ, ‘I gha yo ya ru ẹe ne avbe akhasẹ Ehab hia gha ta ohoghe.’ E Nọyaẹnmwa keghi tama rẹn wẹẹ, ‘Gha khian ya rẹrẹ ọe, u gha sẹtin.’ ”

Psalm 51:11

Ghẹ kan mwẹ fua hin ehe ne u ye rre ghẹ vbe miẹn mwẹ orhiọn ne ọ huanrẹn ruẹn.

Hozia 9:12

“Gia kha ighe iran te vbe miẹn emọ biẹlẹ, te I ra viọ iran kpao, I i ra vbe sẹ ọkpa rae ye agbọn vbọ, I gha fi iyeke gbe emwa na, ọkhọ dan ọ re ọ ra gha sunu vbe egbe iran.”

Giọgis 16:20

Okhuo nii keghi datu wẹẹ, “E Samsin, ivbi e Filistia dee!” Rẹn keghi rhiọrre, ọ keghi te gha ro wẹẹ, “I gha vin ladian ne I fanmwẹ gbe ua vbene I ka ru ẹẹ yi.” Ọ ma rẹn wẹ e Nọyaẹnmwa kpao sẹ ọe rae nẹ.

Giọgis 16:29

E Samsin keghi da orre eva ni rre adesẹneva ni da owa nii yi. Ọ na ya obọ ọkpọkpa da orre ọkpọkpa yi. Ọ keghi wa hẹnhẹn egbe yan rẹn.

Giọgis 9:23

Ẹre Nọyaẹnmwa na mu ikhẹko nọkhua ye ẹkpo Abimẹlẹk kevbe ivbi e Siẹkẹm, iran na sọtẹ Abimẹlẹk.

I Samuẹl 11:6

E Sọl ghi họn ẹmwẹ na, orhiọn Osanobua na hin yan rẹn, ohu nọkhua keghi mu ẹẹn.

I Samuẹl 16:15

Eguọmwadia ẹre keghi tama rẹn wẹẹ, “Ma rẹnrẹn wẹ orhiọn dan ne Nọyaẹnmwa gie rre wa mu uẹn rueghe nian.

I Samuẹl 16:16

Rhunmwuda ọnii, gie ima, ne ima ya gualọ ọmwa ne ọ guara kpe akpata rre. A deghẹ orhiọn dan ni ghi vbe rre, ọmwa nii ghi kpe akpata, orhiọn dan ghi kannọ obọ hin ruẹn egbe rre.”

I Samuẹl 16:23

Ke ẹghẹ nii kpao, ẹghẹikẹghẹ ne orhiọn dan ne Osanobua gie rre ghi ya hin yan e Sọl, e Devid ghi mu akpata ẹre gha kpee. Orhiọn dan nii ghi sẹ ọc rae, egbe ghi do rran e Sọl, ọ ghi do werriegbe gha ye ẹe ẹse.

I Samuẹl 18:10

Vbe ikpẹdẹ ne ọ lele ẹe, orhiọn dan ne ọ ke obọ Osanobua rre keghi hin e Sọl, ọ na gha tu wawaawa vbe owa ẹre zẹ vbe ọmwẹmwẹ. E Devid kegha kpe akpata ẹre zẹ vbene ọ ru ẹe ẹdẹgbegbe, e Sọl keghi mu asoro mwẹ obọ.

I Samuẹl 18:12

Ohan e Devid keghi do gha mu e Sọl rhunmwuda, Osanobua he irẹn ye otọ nẹ sokpan ọ keghi rrọ de ba e Devid.

I Samuẹl 28:15

E Samuẹl keghi tama e Sọl wẹẹ, “Vbọzẹ ne u na kpokpo mwẹ yi? Demwi ne u tie mwẹ werriegbe rre ba?” E Sọl keghi wanniẹn wẹẹ, “Uwu ọlọghọmwa nọkhua ọ re I ye na! Avbe Filistin gun mwẹ gbinna, Osanobua vbe fi iyeke gbe mwẹ. Ọ ma ghi rhie ewanniẹn mẹ ọvbehe deghẹ la obọ avbe akhasẹ rre nọ ra imina, ọnii ọ sii ẹe ne I na tie ruẹ, ne u tama mwẹ emwi ne I gha ru.”