I Samuẹl 16:13 - Edo Bible (E Baibol Ẹdo) Version 1996

¹³ E Samuẹl keghi mu ẹvbi ọliv nii, ọ keghi sirra etiọnrẹn hia nọnọ ori ye ọre uhunmwu. Orhiọn Nọyaẹnmwa na hin yan e Devid vbe ọwarọkpa nii, ọ na vbe guẹe gha rrọ ke ẹghẹ nii kpao. Ẹre Samuẹl na gha rrie Rama.

I Samuẹl 16:13 ပူးပေါင်းရင်းမြစ်များ

II Samuẹl 12:7

E Natan keghi tama e Devid wẹẹ, “Wẹ ọ re nene ọmwa. Vbene e Nọyaẹnmwa Osanobua ọghe Izrẹl khare ọ re ọna khin: ‘Mẹ ọ re ọ maa ọba Izrẹl, I keghi miẹn ruẹn fan hin obọ e Sọl rre.

II Samuẹl 2:4

Ẹre ivbie Juda na gha die Hibrọn, iran na ma Devid ọba ọghe Juda. Ugbẹn vbe Devid ghi họn ighẹ ivbi ẹvbo Jabẹs ne Giliad re orinmwi e Sọl nẹ,

II Samuẹl 23:1

E Devid ne ovbi e Jese kegha re ọmwa ne Osanobua ya khian enọkhua, rẹn ọ re Osanobua hannọ zẹ, rẹn ọ re ọ vbe re ọmwa ne ọ gbẹnnẹ ihuan ọghe Izrẹl. Avbe ẹmwẹ ne Devid ghi ta kiekie ọre ena khin:

II Samuẹl 5:3

Rhunmwuda ọnii, avbe ọkaolotu ivbi Izrẹl hia keghi hu e Devid ne ọba gha die Hibrọn. Ọ keghi ye egbe ye ulamwẹ ba iran, iran keghi ma ẹre ọba ọghe Izrẹl.

II Ọba 9:6

Ẹre iran eveva na gba la uwu owa, ẹre akhasẹ igbama nii na sa ori oliv yan e Jehu uhunmwu, ọ na kha ma rẹn wẹẹ, “E Nọyaẹnmwa ne Osanobua Izrẹl khare wẹẹ, ‘I ya a rriọba yan ivbi Izrẹl ne emwa mwẹ.

I Krọnikol 11:3

Rhunmwuda ọnii, avbe ekaolotu ivbi Izrẹl hia keghi bu e Devid gha die Hibrọn, ọ na yo ulamwẹ ne iran, iran tue ori ye ọre uhunmwu iran keghi ma ẹre ọba Izrẹl zẹ vbene Nọyaẹnmwa la unu e Samuẹl tae zẹẹ.

Psalm 89:20

I ya Devid ne ọguọmwadia mwẹ rri ọba nẹ, vbe ekpa ne I na sa ori ne ọ huanrẹn ye ọre uhunmwu.

Psalm 89:21

Ẹtin mwẹ gha guẹe gha rrọ vbe ẹghẹ hia, ẹtin mwẹ gha ya ẹe wegbe.

Nọmbas 11:17

I gha tuorre do guẹ guan vbe evba, I gha rhie vbe orhiọn ne I rhie ne uwẹ nẹ, I ghi rhie ne iran. Ẹghẹ nii iran ghi gha ru iyobọ ne uẹn ya gha gbe aro ghe avbe emwa na, ne ọ ghẹ ghi gha re wẹ wẹ ọkpa ọ re ọ mu uhunmwu da ẹre.”

Nọmbas 27:18

E Nọyaẹnmwa keghi tama e Mosis wẹẹ, “Rhie Jọsua ne ovbi e Nọn, okpia ne ọ sẹ ihe ne u viọ obọ ruẹ yan ẹre uhunmwu.

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Iwinna 13:22

Osanobua ghi rhie ẹre hin ukpo re nẹ, ọ keghi ye Devid ma ọba yan iran, Osanobua keghi kha vbe ekpa Devid wẹẹ, ‘I miẹn wẹ ọmwa ekhọe mwẹ ọre Devid ne ovbi e Jese khin, ọmwa ne ọ gha ru emwi hia ne I gha khama ẹn ne ọ ru.’

Hibru 1:9

U hoẹmwẹ emwi ne a ru ẹse, u sọnnọ emwi ne a ma ru ẹse. Ọnii ọ si ẹe ne Osa, Osanobua ruẹ na hannọ uẹn zẹ, ọna rhie oghọghọ uyi ne ọ sẹ ne ọ rhie ne ihua ẹsẹse nuẹn.”

Hibru 11:32

Ne I ye gha kọ ẹre khian ra? Ẹghẹ i ghi sẹ mwẹ ya kpa itan ọghe Gidiọn, Barak, Samsin, Jẹfta, Devid, Samuẹl kevbe avbe akhasẹ.

Giọgis 11:29

Ẹre orhiọn e Nọyaẹnmwa na hin yan Jẹfta. Ọ keghi la Giliad ya sẹ Manasẹ, ọ na vbe werriegbe gha die Mizpa, vbe Giliad. Ọ na ke evba gha rrie Amọn.

Giọgis 13:25

Orhiọn ọghe Nọyaẹnmwa kegha tuorre yan rẹn vbe ọ rre agọ ọghe Dan vbe ẹkpo Zora kevbe Estao.

Giọgis 14:6

Sokpan orhiọn e Nọyaẹnmwa keghi rhie ẹtin ye Samsin iwu. Rẹn keghi ye obọ kẹkan yanghan ovbi oduma nii ye eva vbe ne a miẹn wẹ ovbi ẹwe nọ. Sokpan, ọ ma ta emwi ne irẹn ru ma erha ẹe ra iye ẹe.

Giọgis 3:10

Orhiọn e Nọyaẹnmwa keghi hin yan ẹnrẹn, ọ keghi gha re ọkaolotu Izrẹl. Otniẹl kegha rrie okuo, e Nọyaẹnmwa keghi gie ẹe khọn ọba Mẹsopotamia miotọ.

I Samuẹl 1:19

Vbe owiẹ ne ọ lele ẹe, Ẹlkana kevbe ẹgbẹe ọre keghi guakpao, iran ghi gaa e Nọyaẹnmwa nẹ, iran keghi werriegbe gha rrie owa iran vbe Rama. Ẹlkana kevbe Hanna ne amwẹ ọnrẹn keghi miẹn egbe, e Nọyaẹnmwa keghi họn erhunmwu ẹnrẹn.

I Samuẹl 10:1

Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.

I Samuẹl 10:6

Orhiọn Osanobua gha hin yan ruẹn, u ghi deba iran gha ku, u ghi vbe gha go, u ghi gha ru vbe ọmwa ughaẹn fẹẹrẹ.

I Samuẹl 11:6

E Sọl ghi họn ẹmwẹ na, orhiọn Osanobua na hin yan rẹn, ohu nọkhua keghi mu ẹẹn.

I Samuẹl 16:18

Ọkpa vbe uwu iran ni mudia ke ẹe ke ghi kha wẹẹ, “E Jese ne ovbi e Bẹtlẹhẹm mwẹ ọmọ okpia ọkpa ne ọ wa guara kpe akpata. Ọmwa ne ọ din wa nọ, ovbiyokuo ẹmwata, ọmwa ne ẹmwẹ ma ẹre unu, ke ne ọ mose. Nọyaẹnmwa rrọ yaba ẹre.”

I Samuẹl 18:12

Ohan e Devid keghi do gha mu e Sọl rhunmwuda, Osanobua he irẹn ye otọ nẹ sokpan ọ keghi rrọ de ba e Devid.

I Samuẹl 2:35

“I gha zẹ ohẹn ne ọ guobọ mwẹ, ọ ghi vbe gha ru emwi hia ne I ho ne ọ ru. I gha viọ emọ ne ẹẹn, iran ni gha ga vbe odaro avbe ọba ne I hannọ zẹ.