I Samuẹl 16:12 - Edo Bible (E Baibol Ẹdo) Version 1996

¹² Ẹre Jese na gie na a ya tie ẹre rre. Rẹn kegha re igbama ne ọ mose ẹsẹse kevbe ne egbe vbe rran, kevbe ne aro ẹre fi usanna. E Nọyaẹnmwa keghi tama e Samuẹl wẹẹ, “Ọna nọ, ma ẹre ọba!”

I Samuẹl 16:12 ပူးပေါင်းရင်းမြစ်များ

Gẹnẹsis 39:6

E Pọtifa keghi viọ emwi ne ọ mwẹ ne Josẹf ne ọ gha gbearoghe. Ẹ i ghi vbe si osi ye emwi rhọkpa gberra evbare ne ọ re. E Josẹf keghi re ọmọ ne ọ zọ ẹse ne ọ vbe mose.

II Samuẹl 23:1

E Devid ne ovbi e Jese kegha re ọmwa ne Osanobua ya khian enọkhua, rẹn ọ re Osanobua hannọ zẹ, rẹn ọ re ọ vbe re ọmwa ne ọ gbẹnnẹ ihuan ọghe Izrẹl. Avbe ẹmwẹ ne Devid ghi ta kiekie ọre ena khin:

II Samuẹl 7:8

Rhunmwuda ọnii, ya tama Devid ne ọguọmwadia mwẹ wẹẹ, “Mẹ ne Nọyaẹnmwa ne Oghodua ọ re ọ tama rẹn wẹẹ, ‘I rhie ruẹ ke ehe ne u na su ohuan vbe uwu oha ladian ne u do su ivbi Izrẹl ne emwa mwẹ.

I Ọba 1:34

ne Zadọk kevbe Natan ma ẹre ọba Izrẹl vbe evba, iyeke ọnii, wa ghi kpe okpe ne uwa datu wẹẹ, ‘E Solomọn ne ọba gha tọ ọ kpẹre.’

Psalm 2:2

Avbe ọba iran sọtẹ, ekhaẹmwẹ iran vbe si uma kugbe ghe Nọyaẹnmwa, kevbe ghe ọba ne irẹn zẹe.

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 78:70

Ọ zẹ Devid ne ọguọmwadia ẹre, ọ rhie ẹre ke oha ne aranmwẹ na rria ladian.

Ẹksọdọs 2:2

Okhuo nii keghi hanmwa ọ na biẹ okpia nẹẹn. Okhuo nii ghi miẹn vbene ọmọ nii mose hẹ, ọ keghi mu ẹẹn lẹre la uki eha.

Ihuan Ne Ọ Sọọ Ihuan Hia 5:10

Enida mwẹ mose, ọ vbe wegbe, a i miẹn egbe irẹn gberra okpa vbe uwu arhin arriaisẹn igbe.

Eve Orriara 4:7

Avbe ivbiọba mwẹ keghi te gha re emwa ne ẹ i mwẹ awua, iran keghi gha re ne ọ hianrẹn vbe esia, iran te wegbe, iran vbe mwẹ ẹtin, egberranmwẹ iran ghi wa vẹ ne a rẹn.

Zẹkaraia 4:14

Ẹre irẹn ghi na kha wẹẹ, “Iran na ọrọre avbe ikpia eva ne Osanobua zẹe, ọ na vbe nọnọ ori ye iran uhunmwu ne iran gha ga irẹn, ne e Nọyaẹnmwa ne ọ yan otọ agbọn hia.”

Iwinna 4:27

Vbe ẹmwata, Hẹrọd kevbe Pọntiọs Pailet deba iran Ni ma yayi kevbe emwa Izrẹl, ore ẹvbo na iran na ko iko Jesu ne Ọguọmwadia ruẹ Ne ọ huanrẹn ne uwẹ ya ru Mẹzaia.

Iwinna 7:20

Uwu ẹghẹ na ọre a na biẹ Mosis, ọ keghi re ọmọ ne ọ mose ẹsẹse. A keghi koko ẹe la uki eha vbe owa.

Hibru 11:23

Iyayi ọre ọ ya evbibiẹ Mosis rhie ẹre lẹre la uki eha, iyeke vbe a biẹ ọe nẹ. Iran miẹn wẹ, ọmọ ne ọ mose nọ, rhunmwuda ọnii, afianma ma fian iran vbe iran rra uhi ọba.

I Samuẹl 16:18

Ọkpa vbe uwu iran ni mudia ke ẹe ke ghi kha wẹẹ, “E Jese ne ovbi e Bẹtlẹhẹm mwẹ ọmọ okpia ọkpa ne ọ wa guara kpe akpata. Ọmwa ne ọ din wa nọ, ovbiyokuo ẹmwata, ọmwa ne ẹmwẹ ma ẹre unu, ke ne ọ mose. Nọyaẹnmwa rrọ yaba ẹre.”

I Samuẹl 17:42

Ugbẹn vbe ọ ghi dẹghe e Devid ẹse nẹ, ohu ẹre keghi mu ẹẹn ẹsẹse rhunmwuda, ọmọ ne ọ mose ẹsẹse nọ.

I Samuẹl 17:55

E Sọl ghi miẹn vbe Devid bu e Golaiat khian ne ọ ya guẹe gbinna, ọ keghi nọ Abna ne ọkaivbiyokuo ẹre wẹẹ, “Abna, de ovbi ọmwa ne ọ khin yi?” Abna keghi wanniẹn wẹẹ, “I ma zẹdẹ rẹn hiehie Umogun.”

I Samuẹl 9:17

Ugbẹn vbe Samuẹl ghi bẹghe Sọl. e Nọyaẹnmwa keghi tama rẹn wẹẹ, “Ọmwa ne I kha ọna khin. Rẹn ọ re ọ ra gha khaemwisẹ yan emwa mwẹ.”