I Samuẹl 15:9 - Edo Bible (E Baibol Ẹdo) Version 1996

⁹ E Sọl kevbe emwa rẹn sẹ Agag rae ye agbọn, iran ma vbe gbele avbe ohuan ni maa sẹẹ, avbe ẹmila, avbe ivbi ẹkhuia ẹmila ni maa sẹẹ kevbe ivbi ohuan ra avbe emwi ọvbehe hia ni rhirhi gha maa. Sokpan, iran keghi fuẹn emwi hia ni kulo kevbe ne ẹ i mwẹ vbe ọ gia ya ru hia a.

I Samuẹl 15:9 ပူးပေါင်းရင်းမြစ်များ

II Samuẹl 6:13

Iran ni mu Ẹkpẹti Ile nii ghẹ ghi vbe zẹ owẹ ehan, e Devid ghi ya ẹkhuia ẹmila kevbe ohuan ne ọ tii zọ ese ghe Nọyaẹnmwa.

I Ọba 20:34

E Benhadad keghi tama rẹn wẹẹ, “I gha viọ avbe ẹvbo ne erha mwẹ munọ ẹn vbe otọe erha a ne uẹn. U sẹtin bu ẹki ye Damaskọs zẹ vbene erha mwẹ vbe bu ye Sameria.” Ehab keghi wanniẹn wẹẹ, “I gha sẹ uẹ rae rhunmwuda vbene a ghi mwamwa ẹẹn yi na.” Ọ keghi gu ẹe rhie obọ ye ebe ọ na sẹ ọe rae.

Matiu 26:9

A gha te khiẹn ori na ighobioye ghae ne avbe ivbiogue.”

Jọsua 6:18

Sokpan zẹ vbene ọ de kan uwa na, wa ghi gban egbe ne avbe emwi ne a fuẹn uan, wa gha rhie vbe emwi ne a ta nẹ wẹ ne a fuẹn uan, te uwa ra mu ọlọghọmwa kevbe ọfuan la agọ ivbi Izrẹl.

Jọsua 7:21

Vbe uwu emwi ne ima khọn mu, I keghi miẹn agbada ẹwu e Babilọn ọkpa ne ọ kakabọ mose ne ọ gha sẹ uwan esiliva isẹn, kevbe ẹgba igoru ọkpa ne ọ gha gberra uwan ọkpa. Iran keghi wa viẹn yọ mwẹ aro, ọ re I na viọ iran, wa gha miẹn iran vbe ehe ne I na tọnnọ iran ye uwu otọ vbe owa ukpọn mwẹ, esiliva ne ọ rrọ ọ re ọ ke otọ.”

I Samuẹl 15:10

E Nọyaẹnmwa keghi gu e Samuẹl guan wẹẹ,

I Samuẹl 15:15

E Sọl keghi wanniẹn wẹẹ, “Obọ ivbi Amalẹk ọre emwa mwẹ na viọ ẹre. Iran viọ avbe ohuan kevbe ẹmila ni maa sẹ hin rre ne iran ya zọ ese ghe Nọyaẹnmwa ne Osanobua ruẹ. Ma fuẹn e ni ghi dekẹe hia fẹẹrẹ.”

I Samuẹl 15:19

Vbọ ghi zẹ ne u na he uhunmwu ye ọre obọ? Vbọzẹ ne uwa na do emwi gha fu hẹẹ, ne uwa na gha ru emwi ne ẹ i yẹ e Nọyaẹnmwa?”

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”

I Samuẹl 28:18

Wẹ ru vbene Nọyaẹnmwa khare, u ma wa fuẹn ivbi Amẹlẹk fo ke ẹe kevbe emwi ne iran mwẹ, ọ ni ọ sii ẹe ne Nọyaẹnmwa na ru uẹ emwi na.