I Samuẹl 15:32 - Edo Bible (E Baibol Ẹdo) Version 1996

³² E Samuẹl keghi kha wẹẹ, “Wa mu Agag ne ọba bu mwẹ gha die emwa na.” Agag kegha dee vbene ọ na guọ vbe ọ dee. Ọ keghi kha wẹẹ, “Uwu mianmwẹ gbe!”

I Samuẹl 15:32 ပူးပေါင်းရင်းမြစ်များ

Jerimaia 48:44

Ọmwa ne ọ te wẹ ne irẹn lẹ fe vbe obọ ohan nii, gha de ye uye, ọmwa ne ọ ghi vbe sẹtin hin odukhunmwu ke uwu uye ladian, ifi gha mu ẹẹn, rhunmwuda, e Nọyaẹnmwa rhie ẹghẹ ọfuan ọghe Moab yotọ nẹ.

Hozia 6:5

Ọnii ọ si ẹe ne I na gie avbe akhasẹ mwẹ bu uwa gha dee, ne iran do gu uwa guan vbekpa ibuohiẹn kevbe ọfuan. I ma vbe rhie emwi ne I ho vbe obọ uwa lẹre, te I wa taa ẹe ladian gboo.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

Jọsua 10:22

Ẹre Jọsua na kha wẹẹ, “Wa kie urho uvun okuta nii ne uwa viọ avbe ọba isẹn nii bu mwẹ gha dee.”

Arhie Maan 18:7

Wa rhie oya kevbe irhia ẹko nẹẹn zẹ vbe uyi kevbe uyinmwẹ ọmọ ne ọ fuẹn ukhu, ne ọ rhie ne egbe ẹre, rhunmwuda, te irẹn wa gha tama egbe ẹre wẹẹ, ‘I tota vbe emwa, vbe ọba ne okhuo I i re okhuo ne ẹ i mwẹ ọdọ I i ra rẹn irhia ẹko ẹdẹ.’

Giọgis 8:11

E Gidiọn keghi lele odẹ ne ọ rre ọkpẹn ato vbe odẹ ahọ ọghe Noba kevbe Jogbeha, ọ na dekun ivbi iyokuo nii vbe amaro amakọ.

I Samuẹl 15:31

Ẹre Samuẹl na lele ẹe werriegbe gha rrie Gilgal. E Sọl keghi ga e Nọyaẹnmwa.

I Samuẹl 15:33

E Samuẹl keghi kha wẹẹ, “Vbene umozo ya iye nibun khian ne ẹ i ghi mwẹ emọ, erriọ ọ re iye uẹ ra vbe khian ne ẹ i ghi mwẹ ọmọ ẹrẹna.” Ọ keghi hele Agag ike yo odaro aka ne ọ rre Gilgal.