I Samuẹl 15:30 - Edo Bible (E Baibol Ẹdo) Version 1996

³⁰ E Sọl keghi wanniẹn wẹẹ, “I rukhọ nẹ, sokpan, mu uyi yọmwẹ egbe vbe sirra avbe ọkaolotu emwa mwẹ kevbe Izrẹl hia. Lele mwẹ werriegbe ne I miẹn ehe na ya ga e Nọyaẹnmwa ne Osanobua ruẹ.”

I Samuẹl 15:30 ပူးပေါင်းရင်းမြစ်များ

II Samuẹl 12:13

E Devid keghi kha wẹẹ, “I ru orukhọ ghe Nọyaẹnmwa nẹ.” E Natan keghi wanniẹn wẹẹ, “E Nọyaẹnmwa ya bọọ, u i ghi ra wu.

Ẹksọdọs 9:27

Ọba keghi gie ne a tie Mosis kevbe Errọn, ọ. wẹẹ, “Banbanna nian, I ru orukhọ nẹ, e Nọyaẹnmwa rri ase, mẹ vbe emwa mwẹ rri abe.

Aizaia 29:13

E Nọyaẹnmwa khare wẹẹ, “Iran na khare wẹ mẹ ọ re iran ga, sokpan, ẹmwẹ iran i mwẹ emwi ne a yae kha, ehe ọvbehe ọ re ekhọe iran ye. Ugamwẹ iran ma gberra uhi emwa nagbọn kevbe ilele ọghe erriọ a ka ru ẹẹ dee ẹdẹ, ne iran ruẹe ye uhunmwu.

Habakọk 2:4

Nene uhunmwu ne a gie ọ re ọna khin: ‘Iran ni re emwa dan i ra miẹn uhunmwu, sokpan ni re ẹmwata gha di agbọn ya rhunmwuda iran mudia ke Osanobua.’ ”

Iyẹn ne ọ Maan Ọghe Jọn 12:43

Rhunmwuda utianmwẹ emwa ne agbọn ọre ọ yẹ iran sẹ utianmwẹ Osanobua.

Iyẹn ne ọ Maan Ọghe Jọn 5:44

Wa ho ne uwa tobọ uwa gha tian egbe uwa, wa ma ho ne a miẹn ighẹ Osanobua ọkpa kẹkan ne ọ rrọọ ọre ọ tian uwa, vbe uwa a ghi ra na sẹtin yayi hẹẹ?

II Timoti 3:5

Iran de obọ mu avbe emwi ne a ru ne agbọn miẹn, ni rre iyayi mwa, iran ghi he ẹtin ne ọ rrọọ. Wa bi egbe ne avbe emwa na.

I Samuẹl 15:31

Ẹre Samuẹl na lele ẹe werriegbe gha rrie Gilgal. E Sọl keghi ga e Nọyaẹnmwa.

I Samuẹl 26:21

E Sọl keghi wanniẹn wẹẹ, “I baeku ru nẹ. Dọlegbe gha dee, e Devid ne ovbi mwẹ. I i ghi ruẹ emwi rhọkpa ọvbehe rhunmwuda, u ma gbe mwẹ uan ẹrẹna. Akpa ọ re I gha khin! Emwi dan ne ọ mu ohan ọ re I wa ru!”