I Samuẹl 15:3 - Edo Bible (E Baibol Ẹdo) Version 1996

³ Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”

I Samuẹl 15:3 ပူးပေါင်းရင်းမြစ်များ

Gẹnẹsis 36:12

Timna kegha re ọkpa vbe uwu amwẹ Ẹlifaz ne ovbi Isọ, ọ na biẹ Amalẹk nẹẹn. Enena ọrọre ivbi Ada ne amwẹ Isọ.

II Samuẹl 1:8

Rẹn keghi nọ mwẹ ọmwa ne I khin, I keghi tama rẹn wẹ ovbi Amalẹk ọre I khin.

Ẹksọdọs 17:14

Ẹre Nọyaẹnmwa na tama e Mosis wẹẹ, “Gbẹn emwi na ye ebe ne a miẹn ehe na gha ye ẹre rre. Tama Jọsua wẹẹ I gha wa fuẹn Amalẹk fo fẹẹrẹ.”

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Nọmbas 24:20

Ẹre Balam na vbe miẹn emwa Amalẹk vbe umian, ọ na kha wẹẹ: “Amalẹk ọ te re ẹvbo ne ọ wegbe sẹ ehia, sokpan vbe okiekie, ọ gha fuẹn uan ẹdẹdẹmwẹdẹ.”

Nọmbas 31:17

Rhunmwuda ọnii nian, gbele ibiẹka ikpia hia, kevbe ikhuo hia ni rẹn okpia nẹ.

Jọsua 10:39

Ọ kevbe khọn mu ẹẹn ke ẹe kevbe ọba ẹre kevbe ẹvbo ni sikẹ ọre. Iran keghi gbele emwa ni rre evba nii hia a. E Jọsua keghi ru Debẹ kevbe ọba ẹre zẹ vbene ọ vbe ru Hibrọn, Libna kevbe avbe ọba iran.

I Samuẹl 14:48

Ọ gbinna igbinna ọmẹguae, obọ ẹre keghi ke ukhunmwu ne ọghe avbe ivbi Amẹlẹk. Ọ keghi degue Izrẹl hin obọ a dekun ọmwa rre.

I Samuẹl 15:18

Ọ na vbe gie uẹ ne u ya fuẹn emwa Amalẹk ne emwa dan ni rua. Ọ tama ruẹn wẹ ne u gbinna rhinrin u te do fuẹn iran hia a.

I Samuẹl 15:9

E Sọl kevbe emwa rẹn sẹ Agag rae ye agbọn, iran ma vbe gbele avbe ohuan ni maa sẹẹ, avbe ẹmila, avbe ivbi ẹkhuia ẹmila ni maa sẹẹ kevbe ivbi ohuan ra avbe emwi ọvbehe hia ni rhirhi gha maa. Sokpan, iran keghi fuẹn emwi hia ni kulo kevbe ne ẹ i mwẹ vbe ọ gia ya ru hia a.

I Samuẹl 22:19

E Sọl kevbe gie ne a gbele emwa ọvbehe ni rre Nob ne ẹvbo avbe ohẹn ikpia kevbe ikhuo, emobọ kevbe emowẹ, ẹmila, ẹsin kevbe ohuan, a keghi wa gbele ehia a.

I Samuẹl 27:9

ọ ghi gbele ikpia kevbe ikhuo ni rrọọ hia, ọ ghi viọ avbe ohuan ẹmila, ekẹtẹkẹtẹ, ogologo, uhin ya sẹ egbe ukpọn. Ọ ghi vbe werriegbe gha rrie Akis.

I Samuẹl 30:17

Ẹdẹ ne ọ lele ẹe, e Devid keghi dekun iran vbe ẹdẹ da wan, ọ keghi gbinna rhinrin ya sẹ ota. Ọkpa ne ọ miẹn uhunmwu i rre uwu iran gberra igbama uri eva ni hin ekẹtẹkẹtẹ, iran na lẹkua.