I Samuẹl 15:23 - Edo Bible (E Baibol Ẹdo) Version 1996

²³ Ne a sọtẹ ọre vbe rhia vba azẹn, kevbe ne gha tọn egbe mu, te ọ vbe ye vbe orukhọ ẹbọ ne a gho. Rhunmwuda ighẹ wẹ ma rhie ẹmwẹ e nọyaẹnmwa, rẹn vbe rhie ruẹ hin ọba rre.”

I Samuẹl 15:23 ပူးပေါင်းရင်းမြစ်များ

Gẹnẹsis 31:19

E Leban kpao gha rrie ehe ne ọ na gbẹn avbe ohuan rẹn eto, vbe iyeke ẹre, e Rekiẹl keghi do avbe ukhurhẹ ọghe erha ẹe hẹ.

Gẹnẹsis 31:34

E Rekiẹl viọ avbe nene ukhurhẹ, ọ keghi viọ iran lẹre ye ẹkpo ne ọ rre emwi ne a ya hin ekẹtẹkẹtẹ, ọ na tota yan iran. E Leban keghi gualọ owa nii hia sokpan ọ ma miẹn iran.

II Samuẹl 12:9

Vbọzẹ ne u na rra uhi mwẹ? Vbọzẹ ne u na ru emwi dan na. U wẹ ne iran gbe Uraia rua vbe okuo, u gie iran ne ivbi Amọn gbe ẹe rua. Iyeke ọnii, u keghi rhie amwẹ ọnrẹn.

II Samuẹl 7:15

Sokpan I i ra fi iyeke gbe ẹe vbene I fi iyeke gbe Sọl ne I rhie hin evba rre, ne uwẹ miẹn ehe na do rriọba.

I Krọnikol 10:13

E Sọl wu rhunmwuda, ọ ma ya ekhọe rhie egbe mu Osanobua. Ọ he iyi Osanobua ye otọ ọ kegha gualọ igiodẹ odẹ ne ọ gha ru emwi la vbe obọ emwa ni wulo nẹ kevbe vbe obọ orhiọn emwa ni

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

Job 34:37

Ọ vbe rhie isọtẹ ba orukhọ ne ọ ru, ọ kevbe sirra ima hia gha ya Osanobua gbe ogiẹ.”

Psalm 107:11

rhunmwuda ighe iran de iyi, ọghe Osanobua ne Udazi, iran keghi vbe mu odẹ ne ọ gie ma iran fua.

Ẹksọdọs 22:18

“Okhuo ne ọ re oso, wa ghi gbe ẹe rua.

Aizaia 19:3

I gha rhia uma ne ivbi Igipt si, I ghi vbe duẹ ẹtin ne ọ te rre iran iwu rua. Iran gha rinmwian wẹ ne amazẹ iran yi iran obọ, iran gha vbe yo ya gha gualotọ emwi vbe obọ iran ni miẹn aro, iran ghi vbe gha nọ ibude vbe obọ orhiọn emwa ni wulo nẹ.

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Jerimaia 16:12

Sokpan wa ọ re ọ wa vbe rhia sẹẹ avbe erha uwa odede. Wa hia ọ re ọ wa ze vbe udu, wa kevbe mwẹ ekhọe dan, wa i vbe hẹnmwẹ mẹ.

Jerimaia 28:16

Rhunmwuda ọnii, e Nọyaẹnmwa tobọ ẹre khare we rẹn ra mu ẹẹn fua vbe ukpo na te fo, u gha wu rhunmwuda, we tama avbe emwa na wẹ ne iran sọtẹ ghe Nọyaẹnmwa.”

Hozia 13:11

Ohu ọ re I ya rhie ọba ne uwa, ohu nọkhua ọ re I ya miẹn uwa ẹre.

Hozia 3:4

Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Levitikọs 20:27

“Okpia ra okhuo ne ọ rhirhi ya gualọ otọ emwi vbe obọ orhiọn ọmwa ne ọ wu nẹ, a ghi filo okuta gbe ẹe rua. Ọmwa ne ọ rhirhi ru emwi vbenian, obọ ẹre ọre uwu ne ọ gbe ẹe ke rre.”

Levitikọs 20:6

“De ghẹ ọmwaikọmwa yo ọghe iran ni gu avbe eniwu nẹ guan, I gha mu aro da ẹre, mẹ i ghi ra vbe ka ẹe ba emwa mwẹ.

Nọmbas 14:9

Wa ghẹ sọtẹ e Nọyaẹnmwa wa ghẹ vbe mu ohan emwa ni rre evba. Ma gha khọn iran miẹn otọ vbe ne ẹ i na sa ima ọfọ, e Nọyaẹnmwa gu ima rrọọ, ọ vbe fuẹn avbe ẹbọ ne ọ te gbe aro ghe iran an nẹ, rhunmwuda onii wa ghẹ mu ohan iran.”

Iwinna 13:22

Osanobua ghi rhie ẹre hin ukpo re nẹ, ọ keghi ye Devid ma ọba yan iran, Osanobua keghi kha vbe ekpa Devid wẹẹ, ‘I miẹn wẹ ọmwa ekhọe mwẹ ọre Devid ne ovbi e Jese khin, ọmwa ne ọ gha ru emwi hia ne I gha khama ẹn ne ọ ru.’

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

Galatia 5:20

ẹbọ ne a gho kevbe azẹn, emwa ghi ya eghian so egbe, iran ghi gha gbinna, oya iran ghi gha da egbe, okuo kevbe oguegue. Iran ghi gha ghae egbe ye otu kevbe oka.

Diuteronomi 9:24

Ke ẹghẹ ne I ya rẹn uwa gha dee, te uwa wa gha sọtẹ e Nọyaẹnmwa.

Diuteronomi 9:7

“Wa ghẹ mianmian vbene uwa ya ohu mu e Nọyaẹnmwa ne Osanobua hẹ vbe uwu ato.

Jọsua 22:15

Iran keghi sẹ otọe Giliad, iran na tama emwa Riubẹn, e Gad kevbe odẹ ahọ vbe ẹgbẹe Manasẹ wẹẹ.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.

I Samuẹl 13:14

Sokpan, banbanna nian, arriọba ruẹ i khian gha rrọọ khian. E Nọyaẹnmwa gha gualọ ọmwa ekhọe ẹre ne ọ ya ẹe ma ọba yan emwa rẹn, rhunmwuda, u ma họn ẹmwẹ ne Nọyaẹnmwa.”

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.

I Samuẹl 28:3

Vbe ẹghẹ na, e Samuẹl wu nẹ, ivbi Izrẹl ghi khiẹ ọre nẹ, iran na re ẹre ye Rama ne ẹvbo ẹre. E Sọl khulo iran ni fi iha kevbe iran ni miẹn ẹrinmwi hin otọ Izrẹl rre nẹ.