I Samuẹl 15:17 - Edo Bible (E Baibol Ẹdo) Version 1996

¹⁷ E Samuẹl keghi wanniẹn wẹẹ, “A gha rhe miẹn wẹ, wẹ ma ka egbe ruẹ ye emwi rhọkpa, wẹ ọrọre ọkaolotu ẹwae emwa Izrẹl. Nọyaẹnmwa ọ re ọ ya a ma ọba Izrẹl.

I Samuẹl 15:17 ပူးပေါင်းရင်းမြစ်များ

Hozia 13:1

Vbe ẹghẹ nẹdẹ, ẹwae Ifreim gha guaan, ohan ghi mu ẹwae Izrẹl nekpa hia. Ifreim ọ re iran ghe ẹre aro. Sokpan, emwa ni ru orukhọ vbekpa ne iran na ya gha gho e Bal, te iran ra wulo ye aighẹru ne iran ru na.

Matiu 18:4

Ọmwa ne ọ mu egbe ẹre rriotọ ọ na do gha ye vbe ọvbokhan na, ọrọre ne ọ kpọlọ sẹ vbe Arriọba ẹrinmwi.

Giọgis 6:15

E Gidiọn keghi wanniẹn wẹẹ, “Sokpan, e Nọyaẹnmwa, vbe imẹ a gha ya sẹtin miẹn Izrẹl fan hẹ? Ewae mwẹ ọrọre ne ọ ma wegbe sẹ vbe uwu ẹwae Manasẹ, mẹ ọ re ọ vbe re ne ẹ i mwẹ esa ne ọ ye vbe uwu ẹgbẹe mwẹ.”

I Samuẹl 10:1

Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.

I Samuẹl 10:22

Iran keghi dọlegbe nọ e Nọyaẹnmwa wẹẹ, “Ọmwa ọvbehe yevbe rrọọ ra?” E Nọyaẹnmwa keghi wanniẹn iran wẹẹ, “E Sọl rre evba, ọ lẹre ye iyeke ehe ne a viọ ihẹ yi.”

I Samuẹl 15:16

E Samuẹl keghi tama rẹn wẹẹ, “Ta ẹe sẹ evba. I gha tama ruẹn ẹmwẹ ne Nọyaẹnmwa tama mwẹ nasọn.” E Sọl keghi kha wẹẹ, “Ta ẹe ma mwẹ.”

I Samuẹl 9:21

E Sọl keghi wanniẹn wẹẹ, “Ovbi ẹwae Bẹnjamin ọ re I khin, ẹwae ne ọ kanmwa sẹ vbe Izrẹl. Ẹgbẹe erha mwẹ ọ re ọ vbe re ne ọ kanmwa sẹ vbe ẹwae nii, ẹgbẹe mwẹ ọ re ọ vbe re ne ọ ma hin usi vbe ẹwae nii. Vbọzẹ ne u ghi na ta ẹmwẹ vberriọ ma mwẹ?”