I Samuẹl 15:1 - Edo Bible (E Baibol Ẹdo) Version 1996

¹ E Samuẹl keghi khama e Sọl wẹẹ, “Mẹ ọ re Nọyaẹnmwa gie ne ọ ma uwẹ ọba ivbi Izrẹl ne emwa rẹn. Banbanna nian, danmwehọ ẹmwẹ ne Nọyaẹnmwa Oghodua khare.

I Samuẹl 15:1 ပူးပေါင်းရင်းမြစ်များ

II Ọba 7:1

Elaisia keghi wanniẹn wẹẹ, “Danmwehọ vbene e Nọyaẹnmwa kha hẹ: ‘Vbe odẹ ẹghẹ na akhuẹ, a gha dẹ adanna eha ọghe ọka ne ọ maa sẹ ra adanna ehan ọghe ọka irhuarhua vbe agiẹghẹ esiliva ọkpa.’ ”

I Samuẹl 10:1

Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.

I Samuẹl 12:14

Agbọn gha ma uwa a deghẹ wa ghi vbe ga ẹe, wa miẹn ẹmwẹ ọnrẹn ye ehọ, wa keghi vbe gha ya uhi ẹre ru emwi, ne uwa vbe ọba uwa vbe gha lelẹe.

I Samuẹl 13:13

E Samuẹl keghi wanniẹn wẹẹ, “Emwi ukọnmwẹ ọ re uwa ru nii. U ma ru vbene Nọyaẹnmwa Osanobua ruẹ tama ruẹn. Akpawẹ te u họn ẹmwẹ ọnrẹn, ọ gha gie uwa vbe uniẹn ruẹn gha khaemwisẹ yan Izrẹl ẹdẹdẹmwẹdẹ.

I Samuẹl 9:15

Vbe a tie ẹre akhuẹ e Sọl khian rre, e Nọyaẹnmwa keghi tama Samuẹl wẹẹ,

I Samuẹl 9:16

“Vbe odẹ ẹghẹ na akhuẹ, I gha gie okpia ọkpa ke uniẹn e Bẹnjamin bu ruẹ rre, u ghi nọnọ ori ye ọre uhunmwu zẹ vbe ne ọkhaemwisẹ yan avbe emwa mwẹ, rẹn ọ ra sinmwi iran hin obọ emwa Filistin rre. I miẹn usẹ ne emwa mwẹ sẹ, I vbe họn eve ne iran viẹ ye ẹmwẹ iyobọ.”