I Samuẹl 14:45 - Edo Bible (E Baibol Ẹdo) Version 1996

⁴⁵ Sokpan avbe emwa nii keghi tama e Sọl wẹẹ, “Te uwẹ we ne a gbe Jonatan ne ọ gie Izrẹl miẹn akhọnmiotọ nọkhua na rua ra? Ẹdẹ! Ma ya eni e Nọyaẹnmwa ne ọ rrọọ yan wẹ eto ọkpa i ra vbọ fua vbe uhunmwu ẹnrẹn. Iyobọ Osanobua ọre ọ ya ru emwi ne ọ ru ẹrẹna.” Ọre a na miẹn wẹ emwa ni ma gia gbe Jonatan rua.

I Samuẹl 14:45 ပူးပေါင်းရင်းမြစ်များ

II Samuẹl 14:11

Okhuo nii keghi kha wẹẹ, “Umogun, lahọ, na erhunmwu ghe e Nọyaẹnmwa Osanobua ruẹ wẹ ne avbe etẹn mwẹ, ni wẹ iran ra rria ikhi ye uwu ovbi mwẹ, ghẹ vbe ya ru orukhọ ne ọ ghi sẹẹ, vbe ne iran gha na gbe ovbi mwẹ ne ọ ghi ke ẹe.” E Devid keghi kha wẹẹ, “Eni Osanobua nọ rrọọ ọre I ya yan wẹ emwi ọkpa ne ọ ra ru ovbi uẹ, ẹ i rrọọ.”

I Ọba 1:52

E Solomọn keghi wanniẹn wẹẹ, “A deghẹ ọ ma sọtẹ, a i vbe ye obọ kan ẹre ukpeto ọkpa vbe uhunmwu, sokpan ọ gha sọtẹ, te ọ gha wu.”

II Krọnikol 19:11

Amaraia ne Ogie Ohẹn ẹre ọ ra gha ta ọfo ye ẹmwẹ ne ọ kan ẹmwẹ ugamwẹ hia fẹẹrẹ, erriọ vbe nọ, e Zebedaia ne ovbi Ismaẹl ne ọ khaemwisẹ yan e Juda ọ re ọ ra gha ta ọfo ye ẹmwẹ emwi ni kan ẹzọ kẹkan hia. Iwinna avbe Livai nọ ne iran miẹn wẹ a ru emwi hia zẹ vbene a bu ohiẹn ọnrẹn vbe iko. Wa din, ne uwa vbe gha ru avbe ẹmwẹ ne I ta ma uwa na, te Nọyaẹnmwa gha yaba ọmwa ne ọ rhirhi rri asẹ.”

Nehimaia 9:27

Wẹ keghi gie eghian khọn iran, Ne iran vbe gha kha yan iran Iran na gha kha yan iran. Ọlọghọmwa ghi rre, iran keghi da tie ruẹ ne iyobọ U keghi wanniẹn iran ẹmwẹ ke ẹrinmwi rre. Vbe itohan ruẹn nọkhua, u gie olotu bu iran yo Iran keghi wọlọ iran hin obọ eghian rre.

Aizaia 13:3

E Nọyaẹnmwa tie avbe ivbiyokuo ẹre ni hio ke ni vbe din nii ladian ne iran do khọn okuo nọhuanrẹn, ne iran vbe rri iran ne ohu ẹre mu oya.

Matiu 10:30

Sokpan eto ne uhunmwu uwa hia ọre a ka gba totooto.

Iyẹn ne ọ Maan Ọghe Luk 21:18

Sokpan ọkpa i ra wii vbe eto ne uhunmwu uwa.

Iwinna 14:27

Iran ghi sẹ Antiọk, iran si emwa esọsi koko, iran keghi na iyẹn emwi ne Osanobua viọ iran ya winna ma iran kevbe vbene ọ vbe kie ne iran ne ẹ i re Ju hẹ ne iran do yayi.

Iwinna 15:12

Emwa hia keghi wa gbẹdọ ne iran ya danmwehọ vbe Banabas vbe Sọl na iyẹn ọyunnuan kevbe iwinna ama ne Osanobua la ekpa iran winna vbe uwu ẹbu emwa ne ẹ i re Ju.

Iwinna 21:19

Pọl ghi tue iran nẹ, ọ keghi na iyẹn emwi hia ne Osanobua la obọ iwinna irẹn ru vbe uwu iran ne ẹ i re Ju ma iran.

Iwinna 27:34

Wa lahọ, wa rri evbare ne uwa miẹn ehe na miẹn uhunmwu. Uhin ukpeto ọkpa i ra wi vbe uhunmwu uwa.”

Ebe ne Pọl gbẹẹn gie emwa Rom 15:18

I gha si agbada vbe unu guan kan ẹmwẹ emwi ọkpa kẹkan, ọnii ọrọre emwi ne Kristi ru, ne ọ na ya mwẹ viọ iran ne ẹ i re Ju do gha họn ẹmwẹ ne Osanobua, la ekpa ẹmwẹ ne a guan kevbe emwi na ru.

I Kọrinti 3:9

Rhunmwuda otu ne ima gba winna ne Osanobua ma khin. Wa ọrọre ugbo Osanobua. Owa ne Osanobua bọ ẹe ọre uwa khin.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

Arhie Maan 19:14

Ivbiyokuo ẹrinmwi keghi lele ẹe, iran keghi hin ẹsin ni fua, ẹwu ne iran hia yọe keghi re ọghe eto ovbiohuẹ nọfua ne ọ huanrẹn.

I Samuẹl 11:13

Sokpan, e Sọl keghi kha wẹẹ, “A i gbe ọmwa rhọkpa a ẹrẹna rhunmwuda ẹdẹnẹrẹ ọ re Nọyaẹnmwa miẹn Izrẹl fan.”

I Samuẹl 14:23

Okuo ni keghi gberra e Betavin, e Nọyaẹnmwa keghi miẹn ivbi Izrẹl fan vbe ẹdẹ ne ẹdẹrriọ.

I Samuẹl 14:46

Vbe iyeke ọnii, e Sọl keghi werriegbe vbe ne ọ na khu ivbi e Filistin khian, iran keghi werriegbe gha rrie otọ iran.

I Samuẹl 19:5

Ọ rhie uhunmwu ẹnrẹn mwẹ atataobọ ya gbe Golaiat, e Nọyaẹnmwa keghi khọn okuo akhọnmiotọ nọkhua ne Izrẹl. Wẹ miẹn ọẹn, ọ keghi ye ẹko rhiẹnrhiẹn ọn, Vbọzẹ ne u gha na ru ọmwa ne ọ ma rukhọ emwi ne ọ ma gba ne u gha na gbe e Devid vbe ne ẹ i na mwẹ emwi nọ zẹe hiehiere?”