I Samuẹl 14:41 - Edo Bible (E Baibol Ẹdo) Version 1996

⁴¹ E Sọl keghi tama e Nọyaẹnmwa ne Osanobua Izrẹl, “Ya uta rhie ewanniẹn mẹ. A deghẹ Jonatan ra mẹ ọ re ọ ba emwi ku ru, u ghi mu Urim, sokpan, a deghẹ ivbi Izrẹl ne emwa ruẹn nọ, u ghi mu e Tumin.” Ewanniẹn keghi rhie ma wẹ e Jonatan kevbe Sọl nọ, ọ keghi zẹ orhue ne avbe emwa ni gbe.

I Samuẹl 14:41 ပူးပေါင်းရင်းမြစ်များ

Itan 16:33

Emwa nagbọn ghi gha yan uta ne iran miẹn ehe na rẹn emwi ne ọ rre Osa ekhọe, sokpan, Osanobua ọ re ọ tobọ ọre ta vbene uta ni gha kha hẹ.

Itan 18:18

Erhanigberhan eva gha vbe egbe vbe iko ẹzọ, uta ne a yan ọ re a ra sẹtin ya ta ọfo yọ.

Jona 1:7

Avbe oziguẹ keghi kha wẹẹ “Wa gie ima do yan uta yọ, ne a miẹn ehe na rẹn ọmwa ne ọ si emwi na ne ima hia na rhie uhunmwu mwẹ atataobọ na.” Iran keghi ru ẹe vberriọ, uta keghi mu e Jona.

Iwinna 1:24

Rhunmwuda ọnii iran keghi na erhunmwu wẹẹ, “Nọyaẹnmwa wẹ rẹn ekhọe emwa hia. Rhunmwuda ọnii Nọyaẹnmwa rhie ne u hannọ zẹ vbe uwu iran eva na ma ima.

Iwinna 1:26

Vbe iyeke ọna, iran keghi yan uta ne iran zẹ ọkpa vbe uwu eni iran eva. Ọ keghi mu Mataias, a keghi kae ba avbe ukọ ne owọrọ.

I Samuẹl 14:40

Ẹre Sọl na tama iran wẹẹ, “Wa hia mudia vbe odọ ne imẹ vbe Jonatan mudia vbe edinran. Iran wanniẹn tama rẹn wẹ, ru ẹe vbe ne u roro ighẹ ọ ke yi sẹẹ.”

I Samuẹl 14:42

E Sọl keghi kha wẹẹ, “Ta enọkhin vbe uwu ima vbe Jonatan ne ovbi mwẹ.” Ọ keghi mu e Jonatan.