I Samuẹl 14:38 - Edo Bible (E Baibol Ẹdo) Version 1996

³⁸ Ẹre Sọl na tama avbe ọkaolotu emwa ni wẹẹ, “Wa larre ne uwa do gualọ orukhọ ne a ru ẹrẹna miẹn.

I Samuẹl 14:38 ပူးပေါင်းရင်းမြစ်များ

II Samuẹl 18:3

Iran wanniẹn tama rẹn wẹẹ, “Ghẹ lele ima yo hiehiere. A deghẹ ma hia werrie urhuawẹ ma na lẹ avbe eghian ima i ra vbe zẹ yọ, erriọ vbe nọ a deghẹ obọ ọkpa vbe a gha wa ima hia ye ihe eva vbe wulo. Sokpan, wẹ sẹ arriaisẹn igbe (10,000) vbe uwu ima. Emwi ne ọ gha kei sẹ ọrọre ne uwẹ mudia vbe ore ẹvbo vbe emwana ne u gha gie iyobọ gie ima.”

Psalm 47:9

Iran ni khaemwisẹ avbe agbọn ẹvbo si koko deba emwa Osanobua Ebraham rẹn ọ re ọ mwẹ ẹtin sẹẹ avbe ivbiyokuo hia rẹn ọkpa ọ khaemwisẹ vbe ehe ne ọ yo sẹẹ ehia.

Zẹkaraia 10:4

Uwu iran ọ re avbe nikhaemwisẹ gha ke zọ ladian, avbe ọkaolotu kevbe ọkaokuo ni iran gha khaemwisẹ yan emwa mwẹ.

Nọmbas 24:17

I keghi ghe ẹdẹ nakhuẹ, I keghi ya dẹghe okpẹvbo ọghe Izrẹl, ọba ne ọ yevbe orhọnmwẹ ne yọn ọn, gha kpaegbe vbe ẹvbo ni, ọ gha ke Izrẹl ladian zẹ vbe osun nigiogio ọ gha fi avbe Ọkaolotu Moab emwi, ọ ghi gbele iran ni hio kevbe ni khọọ ku otọ.

Matiu 21:42

Jesu tama iran wẹẹ, “Wa ma he tie emwi ne Ebe tae? “ ‘Okuta ne iran ni bọ owa he wẹ ẹ i ma ọre ọ ghi do khian a ma miẹn a i ru. Nọyaẹnmwa ọre ọ ru emwi na, emwi ne ọ yan ọmwa unu uan ọ na khin.’ ”

Ẹfisọs 2:20

Wa tobọ uwa, ẹyotọ ne a vbe ukọ kevbe avbe akhasẹ gbe, ọre a bọ uwa yan, okuta ne a bọ ẹe yan keghi re Kristi Jesu tobọ ẹre.

Jọsua 7:11

Izrẹl rukhọ nẹ. Ẹmwẹ ne ima gba ta ne I wẹ ne iran rhie mwẹ, iran rra ẹre. Iran viọ eso vbe uwu emwi ne a wẹ ne a fuẹn uan. Iran duẹe viọ, iran vbe ta ohoghe yọ, iran na viọ iran ba emwi iran.

Jọsua 7:12

Ọna ọ re ọ sii ẹe ne ivbi Izrẹl ma na sẹtin mudia vbe odaro eghian iran. Iran lẹ hin odaro eghian rhunmwuda, emwi ne a ra fuẹn uan ọ re a ghi vbe ka iran tobọ iran baa. Mẹ i ghi mudia ke uwa ọvbehe sokpan a ma wẹ wa fuẹn avbe emwi ne a wẹ ne uwa ghẹ rhie.

Giọgis 20:2

Avbe ọkaolotu ẹwae Izrẹl hia kevbe gha rre ehe ne emwa Osanobua na si egbe koko na. Ivbi iyokuo ni ya owẹ khian kegha re arriaisẹn uri eva (400,000).