I Samuẹl 14:36 - Edo Bible (E Baibol Ẹdo) Version 1996

³⁶ E Sọl keghi tama emwa rẹn wẹẹ, “Wa gie ima ya hẹ rhu avbe emwa e Filistin vbe asọn, a ghi viọ iran emwi vbe ẹdẹ te do gbe ne a gbele iran hia a.” Iran keghi wanniẹn tama rẹn wẹẹ, “Ru ẹe vbene u roro ighẹ ọ ke yi vbe ekhọe ruẹ.” Sokpan, ohẹn ke kha wẹẹ, “Gia ka nọ Osanobua nẹ.”

I Samuẹl 14:36 ပူးပေါင်းရင်းမြစ်များ

Psalm 73:28

Zẹvbe ọghomwẹ, u miẹn vbe ọ rhiẹnrhiẹn hẹ ne a sikẹ Osanobua! Ne Osanobua ne Udazi gha re ọmwa ne a lẹ gbinna, kevbe ne a gha na iyẹn emwi ne ọ he ru hia!

Aizaia 58:2

Ẹdẹgbegbe ọ re iran ya ga mwẹ, iran ghi vbe kha wẹ iran ho ne iran rẹn vbene I ru emwi hẹ, kevbe ne iran vbe gha ya uhi mwẹ ru emwi. Iran khare wẹ, iran ho ne I yi uhi ẹmwata ne iran, kevbe wẹ te ọ wa bọbọ iran egbe ne iran gha ga mwẹ.”

Jerimaia 6:5

Asọn ma gha ya dekun ẹnrẹn, ma gha dunmwu owa ẹvbo ni hia a.”

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Nọmbas 27:21

“Eliaza ne ohẹn ọre rẹn ra ye aro khọ, ọmwa ne ọ gha ya Urim kevbe Tumin gualọ otọ emwi ne I ho. Odẹ vbenian Eliaza ọre ọ ra gha dia e Jọsua kevbe emwa Izrẹl hia vbe emwi ne iran ra gha ru hia.”

Jems 4:8

Wa sikẹ Osanobua, rẹn gha vbe sikẹ uwa. Wa kpe obọ uwa a, wa ne emwa orukhọ. Wa kpe ekhọe uwa huan, wa ne emwa ẹkẹ vbe iwẹnwẹn.

Jọsua 10:19

Sokpan, wa tobọ uwa ghẹ mudia ye evba. Wa khu avbe eghian nii ne uwa ke odieke gu iran gha khọn, wa ghẹ gie iran la ẹvbo iran. E Nọyaẹnmwa Osanobua uwa rhie akhọnmiotọ vbe uhunmwu iran ne uwa nẹ.”

Jọsua 11:14

Ivbi Izrẹl keghi viọ emwi ni maa ni rrọọ hia kevbe avbe ẹmila ni rre ẹvbo nii, iran na ya ehia khian ọghe iran, sokpan, iran keghi gbele emwa ne agbọn ni rrọọ, iran ma vbe sẹ ọkpa rae ye agbọn.

I Samuẹl 1:23

Ẹlkana keghi tama rẹn wẹẹ, “Ru ẹe vbene ọ ke yi sẹẹ vbe aro ruẹ, tota ye owa u te do fian ọmọ nii ewẹn. Osanobua ne ọ gie eyan ne u yan rẹn sẹ.” Rhunmwuda ọnii, e Hanna keghi tota vbe owa, ọ na gha koko ovbi ẹre.

I Samuẹl 11:11

Vbe owiẹ ne ọ lele ẹe, e Sọl keghi ghae emwa rẹn ye otu eha, ẹdẹ ghi wa da wan, iran keghi vẹ la agọ ọghe eghian iran, iran na ya emwi yan iran ne emwa Amọn. Vbe ọ te sẹ ogiavan, iran gbele iran fo nẹ. Iran ni ghi dekẹe na zagha a, dọmwadẹ ọghe ọe na gha lẹ oghogho.

I Samuẹl 14:3

(Ohẹn ne ọ mu adaghọ rhuan kegha re Ahija ne ovbi ọtẹn Ikabọd ne a tie ẹre Ahitub ne ovbi e Finihaz, eyẹ Elai ne ohẹn e Nọyaẹnmwa vbe Siailo.) Emwa nii ma rẹn wẹ e Jonatan ladian.