I Samuẹl 14:3 - Edo Bible (E Baibol Ẹdo) Version 1996

³ (Ohẹn ne ọ mu adaghọ rhuan kegha re Ahija ne ovbi ọtẹn Ikabọd ne a tie ẹre Ahitub ne ovbi e Finihaz, eyẹ Elai ne ohẹn e Nọyaẹnmwa vbe Siailo.) Emwa nii ma rẹn wẹ e Jonatan ladian.

I Samuẹl 14:3 ပူးပေါင်းရင်းမြစ်များ

I Samuẹl 1:3

Ukpukpo ọ re Ẹlkana ya ke ẹvbo ẹre kpao gha rrie Siailo, ne ọ ya ga, kevbe ne ọ ya zọ ese ghe Nọyaẹnmwa ne Oghodua. E Hofnai kevbe Finihaz ne ivbi Elai eva, kegha re ohẹn ọghe Nọyaẹnmwa vbe evba.

I Samuẹl 14:36

E Sọl keghi tama emwa rẹn wẹẹ, “Wa gie ima ya hẹ rhu avbe emwa e Filistin vbe asọn, a ghi viọ iran emwi vbe ẹdẹ te do gbe ne a gbele iran hia a.” Iran keghi wanniẹn tama rẹn wẹẹ, “Ru ẹe vbene u roro ighẹ ọ ke yi vbe ekhọe ruẹ.” Sokpan, ohẹn ke kha wẹẹ, “Gia ka nọ Osanobua nẹ.”

I Samuẹl 2:18

E Samuẹl ne ọmọ okpia nii, kegha ga e Nọyaẹnmwa vbe Siailo, ọ ghi mu adaghọ eto ovbiohuẹ rhuan.

I Samuẹl 2:28

I keghi hannọ ẹgbẹe ọghe ọe zẹ, vbe uwu ẹwae ni rre Izrẹl hia ne iran gha re ohẹn mwẹ, ne iran gha ga vbe Ogiukpo, ne iran gha giẹn eturari kevbe ne iran gha rhuan adaghọ ya nọ mwẹ ọta. I kevbe rhie asẹ ne iran, ne iran gha ghae vbe emwi ne a giẹn uan vbe aka.

I Samuẹl 22:20

Sokpan, Abiata ne ọkpa vbe uwu avbe ivbi Ahimẹlẹk keghi lẹfua, ọ na bu e Devid gha khian ya deba ẹre.

I Samuẹl 4:21

Ọ keghi he ọmọ ni Ikabọd, ne ọ ya kha wẹẹ, “Uyi Osanobua kpa vbe Izrẹl rre nẹ,” rhunmwuda ne okuo na khọn mu Ẹkpẹti Ile, erha ọdọ ẹre wu, ọdọ ẹre kevbe wu.

I Samuẹl 4:4

Iran keghi rhunmwuda onii gie emwa gha rrie Silo, iran na ya mu Ẹkpẹti Ile ọghe Nọyaẹnmwa ne Oghodua, ne ọ tota yan ẹkete ẹre vbe adesẹneva emwi na yi ni mwẹ ifuẹn nii, ivbi Elai eveva Hofnai kevbe Finihaz keghi lele Ẹkpẹti Ile ni gha dee.