I Samuẹl 14:24 - Edo Bible (E Baibol Ẹdo) Version 1996

²⁴ Vbe ẹdẹ ne a kha na, ohanmwẹ keghi wọ ivbi Izrẹl egbe, rhunmwuda, e Sọl ya eyan ne ọ ke ekhọe rre tama emwa hia wẹẹ, “Emwi ọ gha rruan ọmwaikọmwa ne ọ rri evbare ẹrẹna I te do rria ikhi vbe egbe avbe eghian mwẹ.” Ọ re a na miẹn wẹ, ọmwa rhọkpa ma he rri evbare ẹdẹ nẹdẹrriọ hia.

I Samuẹl 14:24 ပူးပေါင်းရင်းမြစ်များ

Psalm 18:47

Ọ rhie akhọnmiotọ mẹ vbe uhunmwu avbe eghian mwẹ, ọ gbe avbe uhunmwu ẹvbo uhunmwu kotọ mẹ.

Itan 11:9

Ẹmwẹ unu emwa ne ekhọe ẹre mu rhu, sẹtin rhia ọmwa ẹdagbọn ruan, sokpan ẹwaẹn ọmwa ẹmwata sẹtin miẹn ruẹn fan.

Levitikọs 27:29

A gha rhe wẹ ọmwa ne agbọn nọ, a na ya fi ohan fẹẹrẹ ne Nọyaẹnmwa, a i ghi dẹ ọe werriegbe, ta a gbe ẹe rua.

Levitikọs 5:4

“A deghẹ ọmwa la ekpa a i gbe aro ke otọ vẹn ihẹn oguegue, ọ rri abe vbe ọwarọkpa ne ọ ya rẹn emwi ne irẹn ru.

Nọmbas 21:2

Ẹre ivbi Izrẹl na do yan emwi ne Nọyaẹnmwa wẹẹ, “U gha gie ima khọn iran na miẹn otọ, ma gha ya iran kevbe ẹvbo iran fi ohan nuẹn, ma ghi fuẹn iran uan.”

Nọmbas 5:21

Te Nọyaẹnmwa gha ya eni ruẹn khian ne a fi ẹre unu vbe uwu ẹbu avbe emwa, te ọ gha gie ẹgẹn ruẹn kpero ne ẹko ruẹ hue ladian.

Ebe ne Pọl gbẹẹn gie emwa Rom 10:2

Rhunmwuda I gha wa sẹ osẹe ne iran. wẹ ẹmwẹ Osanobua wa rre iran ekhọe ẹsẹse. Sokpan, vbene ẹmwẹ ọnrẹn rre iran ekhọe ma lele uviẹn ọghe ọmwa ne ọ rẹn emwi ẹse.

I Kọrinti 16:22

Ọmwaikọmwa ne ọ ma ho ẹmwẹ Nọyaẹnmwa, gha dee! Maranatha — Nọyaẹnmwa, rre!

Jọsua 6:26

Vbe ẹghẹ na, e Jọsua keghi wa yan tama iran wẹẹ: “Ọmwaikọmwa ne ọ gha ye wẹ ne irẹn dọlegbe họ ẹvbo na, ihẹn ọghe Nọyaẹnmwa gha rre ọre uhunmwu. “Ọmwa ne ọ gbe ẹyotọ ẹre, ovbi ẹre ne okpia ne ọdiọn gha wu ẹe ọmwa ne ọ bọ onurho ẹre, ovbi ẹre ne okpia ne ọ kotọ gha wu ẹe.”

Giọgis 1:28

Ivbi Izrẹl ghi wegbe sayọ nẹ, iran keghi ya ivbi e Kenan gha ga egbe sokpan iran ma khulo iran ladian.

Giọgis 5:2

“Wa rho e Nọyaẹnmwa! Ivbi Izrẹl keghi wa yan yọ ne iran gbinna; emwa nii hia keghi ye oghọghọ rhie egbe yọ.

I Samuẹl 14:25

Iran hia keghi do sẹ uwu ẹgbo, iran keghi miẹn owọn vbe ehe hia.

I Samuẹl 14:39

I ya eni e Nọyaẹnmwa nọ rrọọ ọmwa ne ọ gie Izrẹl khọnmiotọ yan wẹ ọ gha khọnrẹn ne ọ gha re e Jonatan ne ovbi mwẹ ọ re ọ ru orukhọ na, te a gha gbe ẹe rua.” A ma miẹn ọmwa ne ọ guan ẹmwẹ rhọkpa.

I Samuẹl 18:25

E Sọl keghi tama iran wẹ ne iran ya tama Devid wẹẹ, “Emwi ne ọba ho vbe obọ ruẹ ma gberra ukpikolo ọghe ivbi e Filistin iyisẹn ni wulo nẹ, ne ọ ya ọnii rria avbe eghian rẹn ikhi.” (Erriọ ọre Sọl te mwamwaẹn we obọ ivbi e Filistin gha ya vba e Devid).