I Samuẹl 14:23 - Edo Bible (E Baibol Ẹdo) Version 1996

²³ Okuo ni keghi gberra e Betavin, e Nọyaẹnmwa keghi miẹn ivbi Izrẹl fan vbe ẹdẹ ne ẹdẹrriọ.

I Samuẹl 14:23 ပူးပေါင်းရင်းမြစ်များ

II Ọba 14:27

sokpan, ẹ i re iho ọghe Nọyaẹnmwa ne ivbi Izrẹl wa gbe ẹro ẹdẹdẹmwẹdẹ, rhunmwuda ọnii, ọ keghi lo e Jeroboam Ne Ogieva ya wọlọ iran ladian vbọ.

I Krọnikol 11:14

Ẹre irẹn vbe emwa rẹn na mudia vbe adesẹ ugbo nii, iran na gu ivbi e Filistin gbinna. E Nọyaẹnmwa keghi rhie a khọnmiotọ ne ẹẹn.

II Krọnikol 32:22

Odẹ vbenian ọ re Nọyaẹnmwa ya miẹn Hẹzekaia kevbe ivbi e Jerusalẹm fan vbe obọ e Senakẹrib ne Ọgbaisi Asiria, kevbe vbe obọ avbe eghian iran ọvbehe. Ọ keghi gie emwa nii gha rrọọ vbe ọfumwegbe deba avbe ẹvbo ni lẹga iran.

Ẹksọdọs 14:30

Vbe ẹdẹ ne ẹdẹrriọ, e Nọyaẹnmwa keghi miẹn ivbi Izrẹl fan vbe obọ ivbi Igipt. Ivbi Izrẹl keghi miẹn ikun iran vbe otọ lele ọkpẹn okun.

Hozia 1:7

Sokpan, I gha ho ẹmwẹ ivbi Juda. Mẹ ne Nọyaẹnmwa ne Osanobua iran gha miẹn iran fan, sokpan ẹ i re okuo I ra ya ru ẹe, ẹ i re umozo, uhanbọ kevbe ifẹnmwẹ, ẹ i re vbekpa ẹsin kevbe emwa ni hin ẹsin.”

Diuteronomi 20:4

E Nọyaẹnmwa Osanobua uwa lele uwa khian, ọ gha rhie akhọnmiotọ ne uwa.’

Jọsua 7:2

E Jọsua keghi ke Jẹriko gie emwa eso gha rrie Ai, ne ẹvbo ne ọ rre olarre owẹn Bẹtẹl vbe ọkpẹn Betava. Ọ keghi tama iran ne iran ya ba ẹvbo nii ghe. Ẹre emwa nii na gele gha khian ya ba Eai ghe.

Giọgis 2:18

Ẹghẹikẹghẹ ne Nọyaẹnmwa ya rhie ọkaolotu ne iran, ọ ghi yi ẹre obọ, ọ ghi miẹn emwa rẹn fan vbe obọ avbe eghian iran vbe ẹghẹ ne ọkaolotu gha ya vbe agbọn. E Nọyaẹnmwa keghi tohan iran rhunmwuda, iran da tie ẹre vbe ẹghẹ oya kevbe ukpokpo.

I Samuẹl 10:19

Mẹ ọrọre Osanobua uwa, ne ọ viọ uwa hin uwu ukpokpo kevbe ọlọghọmwa ne uwa ye rre, sokpan banbanna nian, wa he mwẹ yotọ, wa na wẹ ne I rhie ọba ne uwa. Ọ maa khekherriọ, wa do si egbe koko ye odaro mwẹ vbe uniẹn kevbe ẹgbẹe!’ ”

I Samuẹl 13:5

Ivbi e Filistin keghi tie otiegba ne iran do gu ivbi Izrẹl gbinna. Iran kegha mwẹ ikẹkẹ ematọn ọghe okuo arriaisẹn ọgban (30,000) deba emwa ni hin ẹsin arriaisẹn ehan (6,000) kevbe ivbi iyokuo ni bun zẹ vbe ikpekhae ni rre ọkpẹn okun. Iran kegha rrie Mikmas ne ọ rre odẹ ahọ ọghe Betavin, iran keghi bu agọ ye evba.

I Samuẹl 9:16

“Vbe odẹ ẹghẹ na akhuẹ, I gha gie okpia ọkpa ke uniẹn e Bẹnjamin bu ruẹ rre, u ghi nọnọ ori ye ọre uhunmwu zẹ vbe ne ọkhaemwisẹ yan avbe emwa mwẹ, rẹn ọ ra sinmwi iran hin obọ emwa Filistin rre. I miẹn usẹ ne emwa mwẹ sẹ, I vbe họn eve ne iran viẹ ye ẹmwẹ iyobọ.”