I Samuẹl 14:20 - Edo Bible (E Baibol Ẹdo) Version 1996

²⁰ Ẹre irẹn vbe emwa rẹn na vẹ la okuo bu emwa e Filistin ne emwi hia zighi mu, iran na gha gu egbe iran khọn.

I Samuẹl 14:20 ပူးပေါင်းရင်းမြစ်များ

I Ọba 20:21

Ehab ne ọba keghi ladian, ọ keghi munọ avbe ẹsin ni kevbe avbe ikẹkẹ okuo, ọ keghi khọn ivbi e Siria muotọ vbene obọ na da iran ẹsẹse.

II Krọnikol 20:23

Ivbiyokuo Amọn kevbe ọghe Moab keghi deyan ọghe Idọm, iran na lọkọ ehia a. Vbe iyeke ọnii iran keghi viọ aro da egbe gha gu egbe gbinna igbinna aranmwẹ oha.

Aizaia 19:2

E Nọyaẹnmwa khare wẹẹ, “I gha bọ Igipt ye igbinna owowa, I ghi viọ etẹn nikpia aro da etẹn iran nikpia, kevbe emwa ẹdogbo ẹre aro da emwa ẹdogbo ẹre ọvbehe. Avbe okpẹvbo ni gu egbe suan ghi gha gu egbe iran khọn, avbe ọba ni gu egbe suan ghi gba gha sinmwi ẹtin.

Ezikiẹl 38:21

I gha ya emwi ọfuan hia runran e Gọg. Mẹ ne Nọyaẹnmwa ne Udazi ọ re ọ tae. Emwa rẹn gha ye umozo lọkọ egbe iran an.

Giọgis 7:22

Ẹghẹ nii, iran iyisẹn eha nii ghi na kpee okpe iran, e Nọyaẹnmwa keghi ru ẹe ne iran ni rre agọ nii, ya umozo yan egbe iran. Iran keghi lẹ ghe odẹ Zarẹta ya sẹ Bẹt Sita ya sẹ Ebẹl Mehola vbe ọkpẹn Tabat.

I Samuẹl 14:16

Ibiẹka e Sọl ni bodẹ vbe Gibea vbe otọ e Bẹnjamin keghi bẹghe vbe ivbi e Filistin hia gha hẹ yo hẹ rre, vbene iran ma na rẹn emwi ne iran gha ru.

I Samuẹl 9:16

“Vbe odẹ ẹghẹ na akhuẹ, I gha gie okpia ọkpa ke uniẹn e Bẹnjamin bu ruẹ rre, u ghi nọnọ ori ye ọre uhunmwu zẹ vbe ne ọkhaemwisẹ yan avbe emwa mwẹ, rẹn ọ ra sinmwi iran hin obọ emwa Filistin rre. I miẹn usẹ ne emwa mwẹ sẹ, I vbe họn eve ne iran viẹ ye ẹmwẹ iyobọ.”