I Samuẹl 14:18 - Edo Bible (E Baibol Ẹdo) Version 1996

¹⁸ E Sọl keghi tama Ahija ne ohẹn wẹẹ, “Mu adaghọ nii rre” (rhunmwuda, vbe ẹdẹ ne a kha na te Ahija mu ẹẹn ke odaro ne ivbi Izrẹl).

I Samuẹl 14:18 ပူးပေါင်းရင်းမြစ်များ

II Samuẹl 11:11

Uraia keghi wanniẹn wẹẹ, “Ikpia hia ni rre Izrẹl kevbe Juda kpao vbe owa gha rrie okuo, Ẹkpẹti Ile vbe deba iran gha rre evba, e Joab ne ọkaokuo imẹ kevbe avbe emwa ni rre asẹ vbe ototọ ẹre hia rre oha. Vbe imẹ ghi ra gha rrie owa hẹ, ne I ya gha re, ne I ya gha da, kevbe ne I ya gha tie ọvbokhan mwẹ ovbe. A rrie agbọn, a rrie ẹrinmwi, I i danmwẹ emwi vberriọ.”

Nọmbas 27:21

“Eliaza ne ohẹn ọre rẹn ra ye aro khọ, ọmwa ne ọ gha ya Urim kevbe Tumin gualọ otọ emwi ne I ho. Odẹ vbenian Eliaza ọre ọ ra gha dia e Jọsua kevbe emwa Izrẹl hia vbe emwi ne iran ra gha ru hia.”

Giọgis 20:18

Ivbi Izrẹl kegha rrie owa ugamwẹ vbe Bẹtẹl. Iran na ya nọ Osanobua vbe evba wẹẹ, “De ẹwae ne ọ gha ka dekun e Bẹnjamin?” E Nọyaẹnmwa keghi wanniẹn wẹ, ẹwae Juda.

I Samuẹl 14:17

Ẹre Sọl na tama emwa rẹn wẹẹ, “Wa ka avbe ivbiyokuo ne a miẹn ehe na rẹn iran ni i rre emwa vbọ.” Iran keghi do miẹn wẹ, e Jonatan kevbe igbama ne ọ viọ emwi igbinna lele ẹe i ghi rre evba.

I Samuẹl 14:36

E Sọl keghi tama emwa rẹn wẹẹ, “Wa gie ima ya hẹ rhu avbe emwa e Filistin vbe asọn, a ghi viọ iran emwi vbe ẹdẹ te do gbe ne a gbele iran hia a.” Iran keghi wanniẹn tama rẹn wẹẹ, “Ru ẹe vbene u roro ighẹ ọ ke yi vbe ekhọe ruẹ.” Sokpan, ohẹn ke kha wẹẹ, “Gia ka nọ Osanobua nẹ.”

I Samuẹl 23:9

E Devid ghi họn wẹ e Sọl ra do gu irẹn gbinna, ọ keghi tama Abiata ne ohẹn wẹẹ, “Mu adaghọ nii gha di emwa.”

I Samuẹl 5:2

Iran keghi mu ẹẹn gha rrie aro ẹbọ iran ne a tie ẹre Dagọn, iran na muẹn diake amazẹ ọre.

I Samuẹl 7:1

Ẹre emwa kirriat Jearim na ya mu Ẹkpẹti Ile, iran na ya mu ẹẹn ye owa Abinadab ne ọ rre uhunmwu oke. Iran keghi ya Eliaza ne ovbi ẹre yo ulamwẹ ne ọ gha gbe aro ghe ẹre.