I Samuẹl 14:14 - Edo Bible (E Baibol Ẹdo) Version 1996
14 Inu emwa ne iran gbele vbe ugbemwẹ ne okaro na ighẹ Jonatan kevbe igbama nii, kegha re omwa arhin ugie vbe igbinna ne iran gbinnaẹn vbe otọe ne ọ re ukhiọnmwẹ awowo ọkpa.
Vbene a wa guan na nian, u ghaghe ọ lẹre ye uwu uvun okuta ra ehe ọvbehe. Ọwarọkpa vbe Devid a dekun emwa ruẹn nẹ, emwa ni họn ẹn ghi gha ta ẹe khian ighẹ obọ ke okhunmwu ne emwa ruẹn.
Rẹn keghi zegiẹgiẹ tie igbama ne ọ viọ emwi igbinna rẹn mwẹ ọnrẹn, ọ tama rẹn wẹẹ, “Si umozo ruẹ ladian ne u gbe mwẹ uan. Mẹ i ho ne a gha ta ẹe khian wẹ okhuo ọre ọ gbe mwẹ.” Ẹre igbama nii na bi umozo ye ọre egbe, ọ keghi wu.
E Jonatan keghi hin odukhunmwu, vbe ne ọ na ya obọ vbe owẹ kinnọ ẹn, igbama ni keghi lele ẹe. E Jonatan keghi dekun ivbi e Filistin nii, ọ na viọ ehia fianmwẹ otọ, igbama nii keghi gbele iran an.
Ohan dan keghi mu ivbi e Filistin ni rre uwu oha nii hia, iran ni fu emwi viọ kevbe avbe ivbiyokuo ni rre agọ nii, kegha guọ zẹzẹzẹ, otọe keghi mu rueghe, ehe hia na tighi ua.