I Samuẹl 14:1 - Edo Bible (E Baibol Ẹdo) Version 1996

¹ Ọ ghi sẹ ẹdẹ ọkpa, e Jonatan keghi tama igbama ne ọ hẹ emwi igbinna mwẹ ọnrẹn wẹẹ, “Gie ima fian ẹẹn rra gha rrie agọ ivbi e Filistin.” Sokpan, e Jonatan ma tama erhae ighẹ Sọl.

I Samuẹl 14:1 ပူးပေါင်းရင်းမြစ်များ

Maika 7:5

Ghẹ ya ẹmwẹ ọmwa ẹdogbo ruẹ yi ra ne u mu ẹtin yan ọse ruẹ. Gha rẹn vbene u gu emwa guan hẹ, ya sẹ egbe amwọn.

Giọgis 14:6

Sokpan orhiọn e Nọyaẹnmwa keghi rhie ẹtin ye Samsin iwu. Rẹn keghi ye obọ kẹkan yanghan ovbi oduma nii ye eva vbe ne a miẹn wẹ ovbi ẹwe nọ. Sokpan, ọ ma ta emwi ne irẹn ru ma erha ẹe ra iye ẹe.

Giọgis 14:9

Ọ keghi zẹ vbe owọn ni mwẹ obọ ọ na gha rriọe khian. Ọ keghi bu erha ẹe kevbe iye ẹe, ọ na zẹ ne iran vbọ. Iran kevbe rriọe sokpan, e Samsin ma tama iran wẹ uwu egbe oduma ne ọ wu nii ọre irẹn na zẹ ọe.

Giọgis 6:27

E Gidiọn keghi viọ igbe vbe uwu avbe eguọmwadia irẹn, ọ na ya ru zẹ vbene e Nọyaẹnmwa tama rẹn. Ohan ẹgbẹe irẹn ke ẹe kevbe emwa ni rre ẹvbo ma gie ẹe ru ẹe vbe avan, ọ keghi ya ru ẹe vbe asọn.

I Samuẹl 13:2

E Sọl keghi viọ arriaisẹn eha vbe ivbi Izrẹl, ọ na wẹ ne enekpa gha rrie owa. Ọ keghi viọ arriaisẹn eva ke egbe vbe Mikmas kevbe Bẹtẹl ne ẹvbo uhunmwu oke, arriaisẹn ọkpa na vbe gha gu e Jonatan ne ovbi ẹre vbe Gibea vbe otọe ẹwae Bẹnjamin.

I Samuẹl 13:22

Ọ re a na miẹn wẹ vbe igbinna, ọkpa ne ọ gha mwẹ umozo kevbe asoro i rrọ vbe ivbiyokuo Izrẹl gberra e Sọl kevbe Jonatan ne ovbi ẹre.

I Samuẹl 13:23

Ivbi e Filistin keghi gie ọka ivbiyokuo ọkpa ne iran ya gha khẹ Ada Mikmas.

I Samuẹl 14:2

E Sọl keghi gba agọ ye ẹzi erhan nọkhua ọkpa vbe Migrọn, vbe ehe ne ọ ma rrei gbe vbe Gibea, ọmwa arhin uri eha (600) kegha gue ẹe.

I Samuẹl 25:19

Ọ na tama avbe eguọmwadia wẹẹ, “Wa khianmwu, I lele uwa dee vbe odieke.” Sokpan ọ ma ta ẹmwẹ rhọkpa ma ọdafẹn ọnrẹn.