I Samuẹl 13:7 - Edo Bible (E Baibol Ẹdo) Version 1996

⁷ Eso keghi fian Ẹzẹ Jọdan rra gha rrie otọe Gad kevbe Giliad. E Sọl keghi ye gha rre Gilgal, ohan kegha mu emwa ni gue ẹe, iran na gha guọ zẹzẹzẹ.

I Samuẹl 13:7 ပူးပေါင်းရင်းမြစ်များ

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Diuteronomi 20:8

“Avbe ekaolotu ghi vbe tama emwa ni wẹẹ, ‘Arhin eso rre emwa ra ne obọ ẹre i ghi guọ emwi, ne ohan vbe mu? Adeghẹ ọ rrọọ ọ sẹtin gha rrie owa, ne ọ ghẹ kọ ohan ye emwa nekpa ekhọe.’

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.

Diuteronomi 3:12

“Ma ghi ya ẹvbo nii khian ọghomwa nẹ, I keghi mu avbe otọ ne ọ ke Aroa ne ọ rre ọkpẹn Ẹzẹ Anọn kpao do sẹ ẹvbo Giliad ba ẹvbo ni rrọ ne ẹwae ọghe Riubẹn kevbe Gad.

Jọsua 13:11

E Giliad keghi vbe rrọ deba iwewe ne emwa Gẹsiọ kevbe emwa Makati ye, Oke Hẹmọn hia, deba Basian hia ya sẹ Saleka.

Jọsua 13:8

A keghi mu otọe ne ẹwae Riubẹn, Gad kevbe obọkpa vbe ẹwae Manasẹ, vbe odẹ ahọ ọghe Jọdan. Ọnii ọ re Mosis ne ọguọmwadia e Nọyaẹnmwa mu ne iran.

Giọgis 7:3

Khama emwa ni wẹẹ, ‘Ọmwaikọmwa ne ohan mu, wẹ ne ọ kpao vbe Oke Giliad rre ne ọ werriegbe gha rrie owa.’ ” Ẹre iran arriaisẹneva-yan ugie (22,000) na gha rrie, sokpan arriaisẹn igbe (10,000) keghi mudia.

I Samuẹl 13:8

Zẹ vbene e Samuẹl tama rẹn, e Sọl keghi ya ikpẹdẹ ihinrọn mudia khẹ ọre vbe Gilgal sokpan, e Samuẹl ma rrie Gilgal, emwa nii ke suẹn gha kpao sẹ e Sọl rae.

I Samuẹl 17:11

Ugbẹn vbe Sọl kevbe emwa rẹn ghi họn ẹmwẹ na, udu iran na kpaẹn fi ẹko.

I Samuẹl 31:7

Ivbi Izrẹl ni rre obọ nọkpa ọghe Iya Jezrẹl kevbe odẹ ahọ Ẹzẹ Jọdan ghi miẹn wẹ ivbiyokuo Izrẹl lẹkua kevbe, wẹ a gbele Sọl kevbe avbe ivbi ẹre, iran keghi sẹ ẹvbo iran rae, iran na lẹkua. Avbe ivbi e Filistin keghi rre iran na do yin avbe ẹvbo nii.