Sokpan, banbanna nian, iran hẹ rhu emwa rẹn; a viọ ehia khui ye uvun uwu otọ a keghi vbe viọ iran lẹre ye uwu ẹwẹdọ a do iran emwi hẹ, a hẹ rhu iran vbene ai na miẹn ne ọ gha miẹn iran fan.
Uhae ne Ismaẹl filo ikun emwa ne ọ gbele kui keghi gha re nọkhua ne Asa ne ọba fiaẹn vbe Baasia ne ọba Izrẹl gu ẹe khọn. Ismaẹl keghi ya ikun iran ran uhae nii.
“Tama iran wẹ mẹ ne Nọyaẹnmwa ne Udazi tama iran wẹ omwa vbe ne aro na dae wẹ mẹ ọrọre Osanobua ne ọ rrọ, te a ra gbele iran ni rre ẹvbo ne a rẹnkhuan nii hia a. Aranmwẹ oha gha rri iran ni rre avbe igue, emianmwẹ gha gbele iran ni lẹre ye uvun okuta kevbe avbe uhunmwu oke.
Agbọn na ma maa sẹ ne iran. Iran kegha kun yo kun rre vbe uwu ato kevbe uhunmwu oke, zẹ vbe emwa ne ẹ i mwẹ owa, iran kegha di uwu uvun okuta kevbe uvun otọ ya.
E Samuẹl keghi kpao vbe Gilgal rre, ọ na si okhian, emwa nekpa keghi lele Sọl zẹ vbene ọ wa bu avbe ivbiyokuo ẹre khian nii. Iran keghi ke Gilgal kpao gha rrie Gibea vbe otọ Bẹnjamin. E Sọl keghi kin ivbiyokuo ẹre lẹga, iran kegha re omwa arhunmwu uri eha.
Avbe ivbi Izrẹl ni te ka lẹre ye uhunmwu oke Ifreim keghi họn wẹ avbe e Filistin lẹ khian, iran keghi vbe rhie obọ ba iran, iran na ya yan ivbi e Filistin.
Emwa eso keghi ke Zif kpao bu e Sọl gha rrie Gibea, iran tama rẹn wẹẹ, “E Devid lẹre ye otọ ima vbe Hores ne uhunmwu oke Hakila vbe odẹ ekẹn ọghe ẹgbo Juda.
Ọ keghi do sẹ uvun okuta ọkpa ne ọ sikẹ ehe ne ohuan na rria vbe ọkpẹn odẹ, ọ na la uwu ẹre ne ọ ya ghughẹ. A keghi miẹn wẹ e Devid kevbe emwa rẹn rre uwu ẹre gban an vbe ehe ne iran na lẹre.