I Samuẹl 13:5 - Edo Bible (E Baibol Ẹdo) Version 1996

⁵ Ivbi e Filistin keghi tie otiegba ne iran do gu ivbi Izrẹl gbinna. Iran kegha mwẹ ikẹkẹ ematọn ọghe okuo arriaisẹn ọgban (30,000) deba emwa ni hin ẹsin arriaisẹn ehan (6,000) kevbe ivbi iyokuo ni bun zẹ vbe ikpekhae ni rre ọkpẹn okun. Iran kegha rrie Mikmas ne ọ rre odẹ ahọ ọghe Betavin, iran keghi bu agọ ye evba.

I Samuẹl 13:5 ပူးပေါင်းရင်းမြစ်များ

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

II Samuẹl 17:11

Iro ne imẹ zẹe ọrọre wẹ ne u si ivbi Izrẹl hia koko, ke ehe ne ẹvbo sẹe vbe obọ na, ya sẹ obọ nọkpa, iran ni ye vbe ekhae ni rre ọkpẹn okun vbe ubunmwẹ, wẹ ghi tobọ viọ iran gha rrie okuo.

I Ọba 20:27

A keghi tie ivbi Izrẹl hia kugbe, a na viọ emwi igbinna ne iran; iran keghi khian ladian. Iran na gha egbe ye otu eva, iran na viọ aro da ivbi e Siria. Ivbi Izrẹl keghi ye vbe ivbi oghẹn ẹwe eva giẹrẹ vbe a ya iran gie ivbi e Siria ne ọ wa gha egbe gba oha nii rre eni hia.

II Krọnikol 1:9

E Nọyaẹnmwa ne Osanobua, mu emwi ne u yan ma erha mwẹ sẹ. U ya mwẹ rriọba emwa ni bun vbenian nẹ, emwa ne a i sẹtin ka zẹ vbene iran ghi bun sẹ.

Aizaia 10:28

Ivbi iyokuo avbe eghian khọn mu Eai nẹ! Iran la Migrọn gberra nẹ! Iran sẹ evbare iran rae ye Mikmas!

Aizaia 48:19

Ivbi uniẹn uwa gha a bun zẹvbe ikpekhae mẹ gha vbe ru ẹe ne a miẹn wẹ a ma fuẹn iran an ẹdẹdẹmwẹdẹ.”

Jerimaia 15:8

Ikhuo ni dẹgbẹ ni rre otọe uwa, bun sẹ ekhae ni rre ọkpẹn okun. I gbele avbe igbama uwa ye isẹrre I keghi ru ẹe ne usẹ gha sẹ iye iran, I ye akhiẹ nọkhua kevbe ohan fi iran emwi vbe udomwurri.

Hozia 10:5

Ohan gha mu emwa ni rre ore Sameria, iran ghi vbe gha khiẹ ye ẹmwẹ ẹkhuia ẹmila ne iran ya igoru ma mu ye Bẹtẹl, iran kevbe avbe ohẹn ni gho nene amazẹ gha viẹ ẹsẹse. Iran gha go ugomwẹ eve vbe ẹghẹ ne a gha na bannọ ẹre ose igoru ẹre hẹ kua.

Hozia 4:15

“A gha rhe miẹn wẹ wa ne ivbi Izrẹl ma guobọ mwẹ, a i gha miẹn egbọre vbe obọ e Juda. Wa ghẹ ghi ga vbe Bẹtẹl ra Gilgal ra ne uwa ye gha ya eni e Nọyaẹnmwa ne ọ rrọ yan eyan vbe evba.

Hozia 5:8

Wa kpe okpe okuo vbe Gibea, wa so okokoko vbe Rama. Wa tu utumwẹ okuo vbe Bẹtẹl! Ivbi e Bẹnjamin, wa la okuo.

Ebe ne Pọl gbẹẹn gie emwa Rom 9:27

Aizaia keghi vbe kha vbekpa Izrẹl wẹẹ, “Ọ gha khọn rẹn ne ivbi Izrẹl gha ye vbe ikpekhae ni rre ọkpẹn okun, ibozẹghẹ ọre a ra miẹnfan vbe uwu iran.

Jọsua 11:4

Iran keghi viọ ivbiyokuo iran hia gha dee, ivbiyokuo ne emwa nii viọ rre wa bun vba ekhae ni rre ọkpẹn okun. Iran keghi vbe mwẹ ẹsin ni bun kevbe ikẹkẹ okuo ni bun ẹsẹse.

Jọsua 18:12

Ehe ne otọe iran lae vbe odẹ okuọ kegha re Jọdan, ọ keghi laghe odukhunmwu vbe iya odẹ okuọ ọghe Jẹriko, odẹ orrie, ọ keghi la ghe ẹvbo oke ni ya sẹ ato ọghe Betavin.

Jọsua 7:2

E Jọsua keghi ke Jẹriko gie emwa eso gha rrie Ai, ne ẹvbo ne ọ rre olarre owẹn Bẹtẹl vbe ọkpẹn Betava. Ọ keghi tama iran ne iran ya ba ẹvbo nii ghe. Ẹre emwa nii na gele gha khian ya ba Eai ghe.

Giọgis 7:12

Ivbi e Midian, Amẹlẹk kevbe iran ne ẹwae ni rre uwu ato keghi wa gba iya nii zẹ vbe irhiso, iran keghi vbe mwẹ ekẹtẹkẹtẹ ni bun zẹ vbe ekhae ni rre ọkpẹn okun.

I Samuẹl 13:11

Sokpan e Samuẹl keghi kha wẹẹ, “De emwi ne u ru na yi?” E Sọl keghi wanniẹn wẹẹ, “I miẹn wẹẹ, avbe emwa nii lẹ sẹ mwẹ rae, wẹ ma vbe rre ye ẹghẹ ne u buru, deba ẹre, ivbi e Filistin vbe si koko ye Mikmas.

I Samuẹl 13:2

E Sọl keghi viọ arriaisẹn eha vbe ivbi Izrẹl, ọ na wẹ ne enekpa gha rrie owa. Ọ keghi viọ arriaisẹn eva ke egbe vbe Mikmas kevbe Bẹtẹl ne ẹvbo uhunmwu oke, arriaisẹn ọkpa na vbe gha gu e Jonatan ne ovbi ẹre vbe Gibea vbe otọe ẹwae Bẹnjamin.

I Samuẹl 14:23

Okuo ni keghi gberra e Betavin, e Nọyaẹnmwa keghi miẹn ivbi Izrẹl fan vbe ẹdẹ ne ẹdẹrriọ.

I Samuẹl 14:52

Inu ẹghẹ ne ọ wa ya vbe agbọn, igbinna nọ wegbe ọre ọ ya ẹe gu ivbi e Filistin gbinna. Ẹghẹikẹghẹ ne ọ ya miẹn ọmwa ne ọ din ra ne ọ wegbe, ọ ghi rhie ẹre ba ivbiyokuo ẹre.

I Samuẹl 17:1

Avbe ivbi e Filistin keghi si egbe koko ye Soko ne ọ rre otọ Juda ne iran do khọn okuo; iran keghi bu agọ ye ihe ọkpa ne iran tie ẹre Efes Damim ne ọ rre ẹkpo Soko kevbe Azẹka.

I Samuẹl 7:13

Erriọ iran na khọn e Filistin muotọ, e Nọyaẹnmwa ma ghi rhie ẹghẹ ne iran ya dọlegbe mu okuo la otọe Izrẹl vbe ẹghẹ ne Samuẹl ya ẹe vbe agbọn.