I Samuẹl 13:4 - Edo Bible (E Baibol Ẹdo) Version 1996

⁴ Ivbi Izrẹl hia keghi họn ighẹ e Sọl gbe ọkaokuo ivbi e Filistin kevbe wẹ te ivbi e Filistin ghi khọ ẹko iran. Emwa ni hia keghi wa khuẹnniẹn yọ, iran keghi bu e Sọl gha rrie Gilgal.

I Samuẹl 13:4 ပူးပေါင်းရင်းမြစ်များ

Gẹnẹsis 34:30

E Jekọb keghi khama Simiọn vbe Livai wẹẹ, “Wa si mwẹ fi uwu ẹmwẹ nẹ, banbanna nian, emwa ẹvbo na hia, emwa Kenan, Pẹriz, iran hia khọ ẹko mwẹ. Ikpia ne I mwẹ i bun; iran gha ku obọ gbe mu igbinna gunmwẹ, ke imẹ kevbe ẹgbẹe mwẹ hia, te iran ra miẹn ima uhunmwu.”

Gẹnẹsis 46:34

Wa ghi khama rẹn wẹẹ, ‘Enọwanrẹn aranmwẹ ọre ima rri ke ẹghẹ ọvbokhan mwa gha de zẹ vbe ne avbe erha mwa vbe gha ru.’ Erriọ ọre uwa gha na ya di odẹ Gosiẹn ya.” Emwi ne ọ yae ta ọna ọrọre wẹ emwa Igipt i ho ẹmwẹ avbe ọsuohuan.

II Samuẹl 10:6

Ivbi Amọn wa rẹn wẹ te iran ho e Devid ẹmwẹ, iran na ya viọ ivbiyokuo arriaisẹn ugie (20,000) vbe Siria kevbe Betrehob kevbe Zọba, arriaisẹn iweva (12,000) vbe Tob deba ọba Maaka ke ẹe kevbe ivbiyokuo arriaisẹn (1,000).

Ẹksọdọs 5:21

Iran keghi tama e Mosis kevbe Errọn wẹẹ, “Te Osanobua gha bẹghe emwi ne uwa ru, ne ọ rria uwa ikhi ne uwa na gie ọba kevbe emwa iwinna do gha mu ohu ima, te uwa gie iran miẹn ehe la la ima egbe na, ne iran gha gbele ima an.”

Zẹkaraia 11:8

Egbe avbe ọsuohuan eha ọvbehe ni khuiwu mwẹ keghi wọ mwẹ rhunmwuda ọnii, I na ru iran eheha emwi vbe uki ọkpa kẹkan.

Jọsua 5:9

Ẹre Nọyaẹnmwa na tama Jọsua wẹẹ, “Vbe ẹdẹnẹrẹ na. ukpọn efaa ọghe ne uwa na gha re eviẹn vbe Igipt, I ban ẹn uwa ẹre mu fua nẹ.” Ọnii ọ si ẹe ne a na gha tie evba nii Gilgal zẹ vbene a ye tie ẹre ẹdẹnẹrẹ na.

I Samuẹl 10:8

U ghi ke odaro mẹ gha rri Gilgal, I gha do vba ruẹ vbe odọ ne i do zọ ese na giẹn uan kevbe isara. U ghi mudia la ikpẹdẹ ihinrọn khẹ mwẹ vbe evba I te do tama ruẹn emwi ne u gha ru.”

I Samuẹl 27:12

Akis keghi mu ẹtin yan Devid, ọ wẹẹ, “Ivbi Izrẹl ne emwa rẹn khu iwu ẹre sẹrriọ wẹ mẹ ọ re ọ ra gha ga ẹdẹdẹmwẹdẹ.”