I Samuẹl 13:2 - Edo Bible (E Baibol Ẹdo) Version 1996

² E Sọl keghi viọ arriaisẹn eha vbe ivbi Izrẹl, ọ na wẹ ne enekpa gha rrie owa. Ọ keghi viọ arriaisẹn eva ke egbe vbe Mikmas kevbe Bẹtẹl ne ẹvbo uhunmwu oke, arriaisẹn ọkpa na vbe gha gu e Jonatan ne ovbi ẹre vbe Gibea vbe otọe ẹwae Bẹnjamin.

I Samuẹl 13:2 ပူးပေါင်းရင်းမြစ်များ

II Samuẹl 20:1

A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

II Samuẹl 21:6

Rhunmwuda ọnii, viọ ihinrọn ne ima vbe uwu avbe ivbi ẹre ni ikpia, ma ghi silo iran rrọ vbe odaro e Nọyaẹnmwa vbe Gibia ne ẹvbo e Sọl ne ọba ne Nọyaẹnmwa hannọ zẹ.” Ọba keghi wanniẹn wẹẹ, “I gha viọ iran ne uwa.”

Nehimaia 11:31

Ivbi uniẹn e Bẹnjamin keghi yin e Geba ne ọ rre odẹ Ahọ e Mikmas, Eai, e Bẹtẹl kevbe avbe igue ni sikẹ iran.

Jọsua 18:28

Zẹla, Haelẹf, Jebus (ra Jerusalẹm) Gibea, kevbe kirriat Jearim; okpẹvbo iwenẹ deba ẹvbo ni kọnkọn ni rrọọ. Ena ọrọre otọ ni sẹ ẹgbẹe ni rre ẹwae Bẹnjamin obọ ne ọ gha re ọghe iran.

Jọsua 22:6

E Jọsua ghi ya erhunmwu zẹ iran na urrie nẹ, ọ keghi tama iran wẹẹ, “Ke uwa kevbe ẹfe ni bun ọre ọ ghi gba rrie owa na, ẹmila ọrhẹnrhẹn, esiliva, igoru, oze, ematọn kevbe ukpọn ni bun. Wa ghae ne ivbi Izrẹl ne ihua uwa vbe avbe emwi ne uwa miẹn avbe eghian uwa ẹre.” Iran keghi kpao gha rrie. E Mosis mu otọe eso vbe odẹ ahọ ne ẹwae Manasẹ nẹ vbe odẹ ahọ e Jọdan sokpan e Jọsua keghi mu otọ ne obọ nọkpa vbe orrie ọghe Jọdan deba ẹwae nekpa.

Giọgis 19:12

Sokpan, arowa ẹre keghi kha wẹẹ, “Ẹvbo ne ẹ i re ọghe ivbi Izrẹl ọ re ima gha na yakọ ra? Ma gha gberra sikẹ odaro ne a ya gbe asọn na vbe Gibea ra Rama.”

I Samuẹl 10:26

E Sọl keghi vbe gha rrie owa ẹre vbe Gibea. Emwa ni mwẹ ẹtin eso ne Osanobua rhie ye ẹre ekhọe keghi lele ẹe.

I Samuẹl 10:5

U ghi gha rrie oke Osanobua ne ọ rre Gibea, ehe ne agọ ivbi e Filistia ọkpa ye. U gha sẹ onurho ẹvbo nii, u gha miẹn otu avbe akhasẹ eso ni tuorre ke aka ne ọ rre uhunmwu oke nii dee, iran gha kpe akpata, ema, ufere kevbe ẹgiọn. Iran ghi gha kuu, iran ghi gha golo.

I Samuẹl 13:1

Ukpo … ọ re Sọl gha ye vbe ọ suẹn gha rriọba. Ọ keghi rriọba la ukpo eva yan Izrẹl.

I Samuẹl 13:11

Sokpan e Samuẹl keghi kha wẹẹ, “De emwi ne u ru na yi?” E Sọl keghi wanniẹn wẹẹ, “I miẹn wẹẹ, avbe emwa nii lẹ sẹ mwẹ rae, wẹ ma vbe rre ye ẹghẹ ne u buru, deba ẹre, ivbi e Filistin vbe si koko ye Mikmas.

I Samuẹl 13:15

E Samuẹl keghi kpao vbe Gilgal rre, ọ na si okhian, emwa nekpa keghi lele Sọl zẹ vbene ọ wa bu avbe ivbiyokuo ẹre khian nii. Iran keghi ke Gilgal kpao gha rrie Gibea vbe otọ Bẹnjamin. E Sọl keghi kin ivbiyokuo ẹre lẹga, iran kegha re omwa arhunmwu uri eha.

I Samuẹl 13:16

E Sọl, e Jonatan ne ovbi ẹre kevbe emwa rẹn, keghi gba mudia vbe Geba, vbe otọe Bẹnjamin, ivbi e Filistin keghi bu agọ ọghe iran ye Mikmas.

I Samuẹl 13:23

Ivbi e Filistin keghi gie ọka ivbiyokuo ọkpa ne iran ya gha khẹ Ada Mikmas.

I Samuẹl 13:5

Ivbi e Filistin keghi tie otiegba ne iran do gu ivbi Izrẹl gbinna. Iran kegha mwẹ ikẹkẹ ematọn ọghe okuo arriaisẹn ọgban (30,000) deba emwa ni hin ẹsin arriaisẹn ehan (6,000) kevbe ivbi iyokuo ni bun zẹ vbe ikpekhae ni rre ọkpẹn okun. Iran kegha rrie Mikmas ne ọ rre odẹ ahọ ọghe Betavin, iran keghi bu agọ ye evba.

I Samuẹl 14:31

Vbe ẹdẹrriọ, ivbi Izrẹl keghi khọn ivbi e Filistin kevbe Mikmas kpao ya sẹ Aijalọn, obọ ohanmwẹ keghi kakahọ da ivbi Izrẹl.

I Samuẹl 14:5

Ọkpa kegha rre obọ okuọ Ada nii, ọ mu aro da Mikmas, nọkpa kegha rre obọ ekẹn, ọ na mu aro da Geba.

I Samuẹl 14:52

Inu ẹghẹ ne ọ wa ya vbe agbọn, igbinna nọ wegbe ọre ọ ya ẹe gu ivbi e Filistin gbinna. Ẹghẹikẹghẹ ne ọ ya miẹn ọmwa ne ọ din ra ne ọ wegbe, ọ ghi rhie ẹre ba ivbiyokuo ẹre.

I Samuẹl 15:34

Ẹre Samuẹl na gha rrie Rama. E Sọl ne ọba kevbe gha rrie owa vbe Gibea.

I Samuẹl 24:3

Ọ keghi do sẹ uvun okuta ọkpa ne ọ sikẹ ehe ne ohuan na rria vbe ọkpẹn odẹ, ọ na la uwu ẹre ne ọ ya ghughẹ. A keghi miẹn wẹ e Devid kevbe emwa rẹn rre uwu ẹre gban an vbe ehe ne iran na lẹre.

I Samuẹl 26:2

Ẹre Sọl na wa zẹgiẹgiẹ viọ arriaisẹn eha vbe avbe ivbiyokuo ni guẹ igbinna sẹ vbe Izrẹl ne ọ ya gualọ e Devid vbe ẹgbo e Zif.

I Samuẹl 8:11

E Samuẹl keghi kha wẹẹ, “Vbene ọba uwa khian ru uwa ọ re ena khin; ọ gha ya ivbi uwa hia khian ivbiyokuo. Eso vbọ gha winna vbe ikẹkẹ okhuae ọghe okuo ẹre, eso vbe uwu iran ni ọ ra gha gbinna ne ẹẹn, eso vbọ ghi vbe gha rhulẹ vbe odaro ikẹkẹ okuo ẹre.