I Samuẹl 13:13 - Edo Bible (E Baibol Ẹdo) Version 1996

¹³ E Samuẹl keghi wanniẹn wẹẹ, “Emwi ukọnmwẹ ọ re uwa ru nii. U ma ru vbene Nọyaẹnmwa Osanobua ruẹ tama ruẹn. Akpawẹ te u họn ẹmwẹ ọnrẹn, ọ gha gie uwa vbe uniẹn ruẹn gha khaemwisẹ yan Izrẹl ẹdẹdẹmwẹdẹ.

I Samuẹl 13:13 ပူးပေါင်းရင်းမြစ်များ

Gẹnẹsis 31:28

U ma kue gunmwẹ ya isoso unu gbe ọ khian ẹdẹ hia ne avbe eyẹ mwẹ kevbe ivbimwẹ nikhuo. U miẹn emwi ukọnmwẹ ne u ru!

II Samuẹl 24:10

Sokpan, ugbẹn vbe Devid ghi ka ẹvbo nẹ, ekhọe ẹre kegha gu ẹẹ gui, ọ keghi tama e Nọyaẹnmwa wẹẹ, “Emwi ne I ru na, orukhọ dan ọ re I wa ya ẹe ru! Lahọ, yabọ mwẹ. Emwi akpa ọ re I wa ru.”

I Ọba 18:18

Elaija wanniẹn wẹẹ, “Ẹ i re imẹ ọre ọgbẹti, wẹ nọ, wẹ kevbe erha a. Wa i họn ẹmwẹ ne Nọyaẹnmwa ta, wa keghi vbe gha gho e Bal ne ẹbọ.

I Ọba 21:20

Ugbẹn vbe Ehab ghi bẹghe Elaija, ọ tama rẹn wẹẹ, “U vbe zọ owẹ mwẹ miẹn nẹ ra oghian mwẹ.” Elaija keghi wanniẹn wẹẹ, “Ẹn, I zọ owẹ ruẹ miẹn nẹ rhunmwuda u na wa rhie gba yọ ne u gha ru emwi ne ọ ma gba vbe odaro e Nọyaẹnmwa.

I Krọnikol 10:13

E Sọl wu rhunmwuda, ọ ma ya ekhọe rhie egbe mu Osanobua. Ọ he iyi Osanobua ye otọ ọ kegha gualọ igiodẹ odẹ ne ọ gha ru emwi la vbe obọ emwa ni wulo nẹ kevbe vbe obọ orhiọn emwa ni

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

II Krọnikol 19:2

Akhasẹ ọkpa, e Jehu ne ovbi e Hanani keghi ya vba ọba, ọ tama rẹn wẹẹ, “Wẹ yayi we emwi ne ọ gbae nọ ne a gha yi iran ne emwa dan obọ ra, ra ne a yegbe ba iran ni khuiwu e Nọyaẹnmwa? Emwi ne u ru si ohu e Nọyaẹnmwa yan ruẹn uhunmwu nẹ.

Job 34:18

Osanobua ghi gha bu abe gbe avbe ọba kevbe iran ne irriegie, vbe iran a gha re ẹwobi kevbe emwa dan.

Itan 12:8

U gha mwẹ ẹwaẹn, emwa ghi gha tian ruẹn, sokpan, u gha re akpa, emwa ghi ye aro gbe uẹ re.

Itan 19:3

Uyinmwẹ ọzuọ ne emwa eso yin ọ re iran ya gbe egbe iran, vbe iyekọni, iran ghi gha kpe e Nọyaẹnmwa.

Aizaia 39:5

Ẹre Aizaia na tama ọba wẹẹ, “E Nọyaẹnmwa Osanobua khare wẹ,

Jerimaia 18:10

Sokpan, ẹvbo nii keghi gha yan mwẹ zẹ, ọ na ya gha ru emwi dan, I i ghi vbe ru emwi ne I te wẹ I ra ru.

I Samuẹl 1:22

Sokpan, e Hanna ma yo. Ọ keghi tama ọdọ ẹre wẹẹ, “Ọmọ na gha ghi wa fian ewẹn nẹ, I ghi rhie ẹre gha rrie owa Osanobua, ọ ghi ya gha rre evba vbe ẹdẹ agbọn rẹn hia.”

I Samuẹl 13:12

Ọ re I na roro ẹe wẹẹ, ‘Te ivbi e Filistin ra do gun mwẹ gbinna vbe e Gilgal mwa na, I ma he nọ iyobọ e Nọyaẹnmwa, ọ re I na wẹ te I gha zọ ese nii.’ ”

I Samuẹl 15:11

“Ọ da mwẹ ne I na ma e Sọl ọba, ọ fi iyeke gbe mwẹ nẹ, te ọ ghi rra uhi mwẹ.” Ohu keghi mu e Samuẹl, ọ na ye asọn ni hia rinmwian e Nọyaẹnmwa.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.

I Samuẹl 15:28

E Samuẹl keghi tama rẹn wẹẹ, “E Nọyaẹnmwa yanghan arriọba Izrẹl hin ruẹn obọ rre ẹrẹna, ọ keghi mu ne ọmwa ọvbehe ne ọ maa sẹ ruẹ.

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 26:21

E Sọl keghi wanniẹn wẹẹ, “I baeku ru nẹ. Dọlegbe gha dee, e Devid ne ovbi mwẹ. I i ghi ruẹ emwi rhọkpa ọvbehe rhunmwuda, u ma gbe mwẹ uan ẹrẹna. Akpa ọ re I gha khin! Emwi dan ne ọ mu ohan ọ re I wa ru!”