I Samuẹl 13:12 - Edo Bible (E Baibol Ẹdo) Version 1996

¹² Ọ re I na roro ẹe wẹẹ, ‘Te ivbi e Filistin ra do gun mwẹ gbinna vbe e Gilgal mwa na, I ma he nọ iyobọ e Nọyaẹnmwa, ọ re I na wẹ te I gha zọ ese nii.’ ”

I Samuẹl 13:12 ပူးပေါင်းရင်းမြစ်များ

Psalm 66:3

Wa tama Osanobua wẹẹ, “A miẹn vbe emwi ne u ru hia re ọyunnuan hẹ! Ẹtin ruẹn kpọlọ sẹ vberriọ wẹ te avbe eghian ruẹn hia ye ohan defi igue vbe odaro ruẹ.

Emọs 8:5

Wa ghi gha tama egbe wẹẹ, “Ma gha sẹtin mudia ne irhiẹdẹ fo nẹ ma keghi ya gha khiẹnnẹ avbe ọka ima? De ẹghẹ ne Ẹdẹ Ikẹtin ra ya gberra yi ne ima miẹn ehe na suẹn emwi gha khiẹn? Ẹghẹ nii, ma ghi fian yan emwi hia, ma ghi gha ya omwa ne ọ ma gba mwa emwi, ma ghi mu esike ye vbene ọ gha ya mu emwa ni gu ima dẹlẹ emwi ru.

II Kọrinti 9:7

Rhunmwuda ọnii, wẹ ne dọmwadẹ ọghọe zẹ ọhẹ vbene ọ ye ekhọe ẹre mwamwa ẹn, ẹ i re ne a ru viẹ, ra ọghe te a ya tọn mwẹ, rhunmwuda, ọmwa ne ọ ye ekhọe ọyẹnmwẹ ru ẹse, ọre Osanobua ho ẹmwẹ ọnrẹn.

I Samuẹl 13:11

Sokpan e Samuẹl keghi kha wẹẹ, “De emwi ne u ru na yi?” E Sọl keghi wanniẹn wẹẹ, “I miẹn wẹẹ, avbe emwa nii lẹ sẹ mwẹ rae, wẹ ma vbe rre ye ẹghẹ ne u buru, deba ẹre, ivbi e Filistin vbe si koko ye Mikmas.

I Samuẹl 13:13

E Samuẹl keghi wanniẹn wẹẹ, “Emwi ukọnmwẹ ọ re uwa ru nii. U ma ru vbene Nọyaẹnmwa Osanobua ruẹ tama ruẹn. Akpawẹ te u họn ẹmwẹ ọnrẹn, ọ gha gie uwa vbe uniẹn ruẹn gha khaemwisẹ yan Izrẹl ẹdẹdẹmwẹdẹ.

I Samuẹl 15:12

Ẹdẹ ghi gbe vbe owiẹ ne ọ lele ẹe, ọ keghi gua kpao ne ọ ya gualọ e Sọl. Ọ keghi họn wẹ e Sọl rrie ẹvbo ne a tie ẹre Kamẹl ehe ne ọ na ma orre ọkpa ne egbe ẹre, ọ vbe ke evba kpao gha rrie Gilgal nẹ.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.

I Samuẹl 21:7

Ọkaolotu iran ni su ohuan e Sọl ne a tie ẹre Doeg, ne ọ ke Idọm rre keghi rre evba ẹdẹrriọ rhunmwuda ọ do mu eyan ugamwẹ eso sẹ.