Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




I Samuẹl 12:3 - Edo Bible (E Baibol Ẹdo) Version 1996

3 Ghe mwẹ vbe emwa na. A deghẹ I ru aghẹru, wa gun mwẹ gui ẹe nian vbe odaro e Nọyaẹnmwa kevbe ọba ne ọ zẹe. I miẹn ọmwaikọmwa ẹmila ra ekẹtẹkẹtẹ ra? Ọmwa ne I mu ru ra ne I ye obọ yẹn ọnrẹn ẹho rrọọ ra? De ọmwa ne I miẹn igho erinmwian vbe obọ ẹre? A deghẹ I ru emwi vbenian, I gha ha ẹre werriegbe ighẹ emwi ne I rhiere.”

အခန်းကိုကြည့်ပါ။ ကော်ပီ




I Samuẹl 12:3
29 ပူးပေါင်းရင်းမြစ်များ  

Mẹ mu uhi e Nọyaẹnmwa sẹ, I ma sọtẹ Osanobua mwẹ.


Wa ya emwi ne iran rri osa ẹre hia ma iran igho ra ọka ra ayọn ra ofigbọn oliv. Wa vbe fannọ emwi iran hia ne iran vbene a wa tae na, ugbo, ogba azara, ogba oliv kevbe owa!”


Ọ rhie ne emwa mọmọ vbene ẹi na vbe nọ igho isu. Ai vbe sẹtin ya igho dẹ ọe, ne ọ se osẹ gbe nọ ma rukhọ. Ọmwa ne ọ ru emwi na hia, te ẹkun gha sẹ ọre otọ vbe ẹdẹ hia.


“Ghẹ yaro ye owa ẹrrẹe, ghẹ yaro ye amwẹ ẹrrẹe ra eviẹn ọnrẹn ra ẹmila re ra ekẹtẹkẹtẹ ọre ra emwikemwi nii re ọghọe.”


Ghẹ miẹn oko iyeke, rhunmwuda te oko iyeke rhu emwa aro ne iran ghẹ dẹghe ẹmwata, ọ ghi gbe ẹki ẹmwẹ ye ne ọ ma ru khọ obọ.


Hia ne u ya la odẹ ero gha khuan viọ ye ẹkpo, u gha si ẹti ye igiowa ruẹ egbe. Ghẹ miẹn ọmwa igho odieke, u gha wa tọ.


Ọmwa gha ru orukhọ vbenian, ọ ghi ha emwikemwi ne ọ la ekpa ibeleku miẹn nii. Ẹdẹ ne a gha miẹn wẹ ọ rri abe, ọ ghi ha obọkpa vbe a gha wa emwi nii ye ihe ugie, gbe ọmwa nii re vbe ọ gha ha ehia fo nẹ.


Ohu keghi mu e Mosis, ọ na tama e Nọyaẹnmwa wẹẹ, “Ghẹ rhan obọ miẹn izẹ ọhẹ rhọkpa ne iran na viọ rre. Ne I ru ẹre emwi rhọkpa irrọ vbe uwu iran, I ma vbe mu vbe uwu avbe ekẹtẹkẹtẹ iran.”


Iran wanniẹn tama rẹn wẹẹ, “Ọ ghe Nọgbaisi nọ” Jesu wanniẹn tama iran wẹẹ, “A deghẹ erriọ nọ, wa rhie ne ọre ọghe Nọgbaisi ne ẹn ne uwa vbe rhie ne ọ re ọghe Osanobua ne Osanobua.”


Zakiọs keghi guakpao, ọ wẹẹ, “Danmwehọ mwẹ enọwanrẹn, I gha waa emwi ne I mwẹ ye ihe eva nẹ, I gha viọ obọkpa ne avbe ivbiogue. Adeghẹ I vbe gbe ọmwaikọmwa rhu, I gha ha ẹre werriegbe nẹẹn ukhukhu enẹ.”


I ma ye aro ye ẹrọnmwọ, oze ra ukpọn ọmwaikọmwa.


Ukpo eha ọ na khin ne I khian he do miẹn uwa aro na sẹvba, I i ra ye vbe ya ye uwa egbe. Wa tobọ uwa ọre I gualọ ighẹ ẹ i re igho uwa. A deghẹ erriọ te nọ, emọ ọre ọ ma koko erha, ẹ i re erha ọre ọ koko emọ.


Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.


Wa ọrọre osẹe ima, zẹ vbene Osanobua vbe re osẹe ima, uyinmwẹ ne ima gu uwa ni yayi gha yin, kegha re ne ẹ i mwẹ iruẹn, ne ọ gbae kevbe ne ẹ i mwẹ abe.


Rhunmwuda, wa tobọ uwa rẹnrẹn wẹ, ẹ i re ẹmwẹ ọrhiẹnrhiẹn vbe ukpẹ ọre ima do tama uwa, ra ne a ye ẹmwẹ ne unu zẹ asa gue orriarria ẹko mwa, Osanobua ọrọre osẹ ima.


Wa gha re Ọsuohuan avbe oghẹn ohuan ne Osanobua viọ ne uwa, wa gha ye aho ne ọ ke uwu ekhọe rre gbe aro ghe iran, vbene Osanobua ho ne uwa gha ru ẹe, ẹ i re ne a gbe omaro omaro ru. U ghi gha winna iwinna ruẹn, ẹ i re rhunmwuda ne a miẹn ehe na ha ruẹ osa kẹkan, sokpan aho ne a winna ne ọ ke ekhọe rre.


Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.


Emwa nii keghi wanniẹn wẹẹ, “U ma mu ima ru, ra ne u ya obọ yẹn ima ẹho, u ma gbe ima miẹn ima emwikemwi.”


E Samuẹl keghi wanniẹn wẹẹ, “E Nọyaẹnmwa kevbe ọba ne irẹn zẹe ọrọre osẹe mwẹ vbe ehe ne uwa ye wẹẹ, wa ma miẹn emwi ka yọ mwẹ owẹ hiehiere.” Iran keghi wanniẹn wẹẹ, “E Nọyaẹnmwa ọrọre osẹe ghe ima.”


“I gha zẹ ohẹn ne ọ guobọ mwẹ, ọ ghi vbe gha ru emwi hia ne I ho ne ọ ru. I gha viọ emọ ne ẹẹn, iran ni gha ga vbe odaro avbe ọba ne I hannọ zẹ.


Ghe o erha mwẹ, ghe osọnmwẹ ẹwu ruẹ vbe ọbo mwẹ! I fian ẹn rhie vbene I ma na gbe uẹ ua. Ọ kere ne ọ ni ya a rẹn wẹ I ma kha ighẹ I gha sọtẹ ruẹ ra ne I ruẹ emwi rhọkpa. A gha rhe miẹn wẹ, te uwẹ khu mwẹ khian ne u gbe mwẹ uan, I ma rukhọ ghe ruẹ.


Ọ keghi tama emwa rẹn wẹẹ, “E Nọyaẹnmwa ghẹ gun mwẹ ru arowa mwẹ, ọmwa ne Nọyaẹnmwa ma re ọba, emwi rhọkpa. Ọ ma kei ne I ya obọ kan rẹn, rhunmwuda, ọba ne Nọyaẹnmwa zẹe nọ.”


Ẹre Devid na ya emwa rẹn gbe ibiẹ rrie ne iran ghẹ dekun e Sọl. E Sọl keghi kpaegbe, ọ ladian vbe uwu uvun, ọ na gha khian.


A wua ne Osanobua wẹ ne imẹ danmwẹ ọẹn ghe ne I ru ọba ne Osanobua maẹn emwi. Gie ima viọ asoro kevbe ọgọ amẹ ọnrẹn ne a kpao.”


Sokpan, e Devid keghi wanniẹn wẹẹ, “Ghẹ ru ẹre emwi rhọkpa, ẹ i mwẹ e Nọyaẹnmwa ma rria ọmwaikọmwa ne ọ ru ọba ne irẹn zẹe emwi ikhi.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ