I Samuẹl 12:23 - Edo Bible (E Baibol Ẹdo) Version 1996

²³ Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.

I Samuẹl 12:23 ပူးပေါင်းရင်းမြစ်များ

I Ọba 8:36

u ghi danmwehọ iran vbe ẹrinmwi, u ghi ya orukhọ ọba kevbe ọghe ivbi Izrẹl bọ iran. Ma iran vbene a yin ẹse hẹ, ne u gie amẹ rhọ ye otọ ruẹ, ne u mu ne emwa ruẹn ne ọ gha re ọghe iran ẹdẹdẹmwẹdẹ.

II Krọnikol 6:27

E Nọyaẹnmwa, danmwehọ iran vbe ẹrinmwi, ne u ya orukhọ ivbi Izrẹl ne eguọmwadia ruẹ bọ iran ne u vbe ma iran vbene a ru emwi ne ọ gbae hẹ. Iyeke ọnii, Nọyaẹnmwa, gie amẹ rhọ ye otọe na ne ọ re ọwuẹ, ne uwẹ vbe mu ne emwa ruẹn ne ọ gha re ọghe iran etẹbitẹ.

Psalm 122:6

Wa na erhunmwu ye ọfumwegbe Jerusalẹm: “Te agbọn gha ma iran ni ho ẹmwẹ ruẹn.

Psalm 34:11

Wa larre, avbe igbama ne ọse mwẹ, ne uwa danmwehọ mwẹ, I gha ma uwa ẹre ne uwa gha ya ọghọ ne Nọyaẹnmwa.

Psalm 34:12

Wẹ ho ne u ya ẹdẹ ruẹ zọmọ ra? U ho utọmwẹ kevbe uwa ra?

Ẹksọdọs 32:30

Ẹdẹ ghi gbe, e Mosis keghi tama emwa nii wẹẹ, “Orukhọ ne ọ muohan ọre uwa ru. Banbanna nian, I ra hin uhunmwu oke bu e Nọyaẹnmwa gha khian, u gha ghe I gha sẹtin rinmwian ẹn ne ọ ya orukhọ uwa bọ uwa.”

Itan 4:11

I ma ruẹn ẹwaẹn nẹ, deba vbene ọ kere ne a gha yin hẹ.

Asan-Ibo 12:10

Asan-ibo nii keghi hia ne ọ gualọ avbe ẹmwẹ ni fu ọmwa ẹko rre ladian, sokpan avbe ẹmwẹ ne ọ gbẹnnẹ, ne ero i ye ọ re nọ.

Aizaia 30:21

Wa gha bibi odẹ la obọ erha ọmwa ra obọ iye ọmwa, wa gha họn vbe urhu ẹre a gha tama uwa vbe odieke wẹẹ, “Wa ghe odẹ, wa lelẹe.”

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Jerimaia 27:18

Adeghẹ akhasẹ ọ re iran gele khin, adeghẹ mẹ gie iran uhunmwu, wẹ ne iran do nọ imẹ ne Nọyaẹnmwa ne Oghodua, ne I ghẹ gie a viọ avbe emwiewe ne ọ ghi kẹe vbe Ọgua Osa kevbe ẹguae ọba gha rrie Babilọn.”

Jerimaia 42:4

Mẹ keghi wanniẹn wẹẹ, “Ọ wa maa ẹsẹse, I gha na erhunmwu ghe Nọyaẹnmwa Osanobua, vbene uwa nọrẹn, emwi ne ọ rhirhi ghi vbe ta, I gha tama uwa. I i ra vbe rhie emwiọkpa lẹre ne uwa.”

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Iwinna 12:5

Iran keghi rhunmwuda ọnii khui e Pita ye uwu ẹwẹdọ sokpan ivbi e esọsi keghi wa kakabọ gha na erhunmwu ghe Osanobua nẹẹn.

Iwinna 20:20

Wa rẹnrẹn wẹ vbe uwu emwi hia ne ọ gha ma uwa egbe, ọkpa ne I ke ya ẹ i rrọọ vbe ne I na gha kpe orhu, I keghi vbe gha ma emwa emwi vbe adesẹ ore kevbe dọmwadẹ owa uwa.

Ebe ne Pọl gbẹẹn gie emwa Rom 1:9

Osanobua ne imẹ ya ekhọe mwẹ hia ga vbe uwu ne I na ya ekhọe mwẹ hia kpe orhu Iyẹn Ne ọ maa rẹnrẹn ighẹ ẹghẹ ne I ya na erhunmwu hia ọre I ya ye uwa rre.

I Kọrinti 9:16

Ẹ i re ukpo mwẹ ne I gha rhuọ, rhunmwuda ighẹ I ghi he kpe orhu iyẹn ne ọ maa, ugbẹn vbe a miẹn wẹ, te a ya gie mwẹ uhunmwu ne I gha ru ẹe. Ọ gha ba so mwẹ gbe a deghẹ I ma kpe orhu iyẹn ne ọ maa.

Kọlose 1:28

Rhunmwuda ọnii, ọre ima na kpe orhu Kristi ma emwa hia, ma ghi gha tama emwa hia ye otọ, ma ghi gha ma iran emwi vbe odẹ ẹwaẹn hia, ne a sẹtin lo, ne a miẹn ehe na rhie edọmwadẹ ọghọe gha die odaro Osanobua zẹ vbe ọmwa ne ọ si uwan nẹ, vbe uwu a ya egbe ba Kristi.

Kọlose 1:9

Ọna ọre ọ si ẹe ne a na miẹn wẹ ke ne ima ya họn ẹmwẹ uwa gha dee, ẹghẹ hia ọre ima ya na erhunmwu ne uwa. Ma rinmwian Osanobua ne ọ ya irẹnmwi emwi ne ọ ho vuọn uwa, deba ẹwaẹn kevbe irẹnmwi ne Orhiọn rẹn rhie ne ọmwa.

I Tẹsalonaika 3:10

Asọn vbe avan ọre ima ya ya ekhọe mwa hia rinmwian ẹn, ne ọ gie ima tobọ ima ye aro kan uwa aro, ne ima miẹn ehe na rhie emwi ne iyayi uwa i te mwẹ yọ.

II Timoti 1:3

I kpọnmwẹ Osanobua, ọmwa ne I ya ekhọe sẹẹnrẹn ga, zẹ vbe ne avbe erha mwa odede vbe ru. I ghi gha kpọnmwẹ ọẹn vbe ẹghẹ hia ne I ya ye ruẹ rre vbe erhunmwu mwẹ, asọn kevbe avan.

I Samuẹl 12:19

Iran keghi tama e Samuẹl wẹẹ, “Dọmọ ọ, lahọ na erhunmwu ghe e Nọyaẹnmwa ne i ma, ne ima ghẹ wulo. Ma ru orukhọ ba orukhọ nekpa hia ne ima na nọọn ne a rhie ọba ne ima.”

I Samuẹl 8:6

Ẹko e Samuẹl ma rhiẹnrhiẹn ye ne iran na nọ ọba na, ọ keghi rhunmwuda ọnii na erhunmwu ghe Nọyaẹnmwa.