I Samuẹl 12:2 - Edo Bible (E Baibol Ẹdo) Version 1996

² Banbanna nian, rẹn rre emwa ne ọ gha viọ uwa khian. Mẹ nian, I khian ọmaẹn nẹ, I vbe fu edẹ. Ivbi mwẹ vbe gu uwa rrọ. Mẹ ọ re ọ gha re ọkaolotu uwa ke ẹghẹ ọvbokhan kpao do sẹ wanwan na.

I Samuẹl 12:2 ပူးပေါင်းရင်းမြစ်များ

Psalm 71:18

Ugbẹn vbe I ghi khian ọmaẹn nẹ nian vbe I ghi fu edẹ, ghẹ he mwẹ ye otọ Nọyaẹnmwa! Gun mwẹ gha rrọ vbe I a gha na iyẹn, ẹtin kevbe iwegbe ruẹ, ma avbe orre ni gha he rre.

Nọmbas 27:17

Ne ọ gha vbe sẹtin gha su iran ye igbinna ne emwa ruẹn ghẹ do ye vbe ohuan ne ẹ i mwẹ ọsuohuan.”

II Timoti 4:6

Zẹ vbe ọghomwẹ, ẹghẹ ne a ra na ya mwẹ zọ ese, sẹ nẹ nian, ẹghẹ sẹ nẹ ne I ra ya fi agbọn na ye otọ.

Jọsua 23:1

Ọ ghi kpẹe fua, vbe Nọyaẹnmwa ghi rhie ọfumwegbe ne ivbi Izrẹl nẹ vbe obọ avbe eghian iran ni lẹga iran, e Jọsua vbe khian ọ maẹn ghẹghẹghẹ.

Jọsua 23:2

Ọ keghi tie ivbi Izrẹl hia, avbe ediọn, avbe ọkaolotu, iran ni bu ohiẹn kevbe avbe ekamakodin emwa nii, ọ keghi kha wẹẹ, “Te I ghi khian ọmaẹn ghẹghẹghẹ nian.

II Pita 1:14

Rhunmwuda, mẹ rẹnrẹn wẹ, vbe ọ ma he kpẹe wan, I gha ban egbe ne ọ sẹtin wu na mu fua, zẹ vbene Nọyaẹnmwa Kristi ta ma mwẹ sẹsẹsẹ.

I Samuẹl 2:22

Elai keghi do khian ọmaẹn ẹsẹse, ọ keghi do gha họn uyinmwẹ ne ivbi ẹre yin ghe ivbi Izrẹl, kevbe wẹ iran mu avbe ikhuo ni winna vbe onurho Owa Ukpon yagha.

I Samuẹl 2:29

Vbọzẹ ne aro uwa ghi na vbe wu ye emwi izọ ese kevbe emwi ihaoko mwẹ ne I nọ vbe obọ emwa mwẹ? Vbọzẹ ne uwẹ ne Elai na daa ne ivbi uẹ sẹ emwi ihaoko mwẹ ne I nọ vbe obọ emwa mwẹ? Vbọzẹ ne uwẹ ne Elai na daa ne ivbi uẹ sẹ imẹ vbe ne u na gie iran gha rri ehe ne ọ maa sẹ vbe emwi ne emwa ya zọ ese ghe mwẹ ya gha tii ye egbe?

I Samuẹl 3:10

E Nọyaẹnmwa kegha dee, ọ keghi mudia vbe evba, ọ keghi dọlegbe tie zẹ vbene ọ ka tie yi, “Samuẹl! Samuẹl!” E Samuẹl keghi wanniẹn wẹẹ, “Gha guan; ọguọmwadia ruẹ danmwẹ ehọ.”

I Samuẹl 3:13

I tama rẹn ne wẹẹ, I gha rri uniẹn ọnrẹn oya ẹdẹdẹmwẹdẹ, rhunmwuda, ivbi ẹre fi unu gun mwẹ. Elai rẹnrẹn ighẹ iran ru emwi na, sokpan ọ ma kie iran ukpo ọre.

I Samuẹl 3:16

Elai keghi tie ẹre wẹẹ, “Samuẹl ne ovbi mwẹ,” Rẹn keghi wanniẹn wẹẹ, “Ghe mwẹ enọwanrẹn.”

I Samuẹl 8:1

E Samuẹl ghi khian ọmaẹn nẹ, ọ keghi ye ivbi ẹre ru enibuohiẹn vbe Izrẹl.

I Samuẹl 8:20

Ne ima miẹn ehe na do gha yevbe avbe ẹvbo ọvbehe ne ima gha mwẹ ọba ne ọ gbearoghe ima, ne ọ gha viọ ima yo okuo, ne ọ gha khọn okuo ne ima.

I Samuẹl 8:3

Sokpan, iran ma lele ukpowẹ erha iran. Igho ne a khuan ọkpa ọ re aro iran wa gha ye. Rhunmwuda ọnii, iran kegha rri igho odieke, iran na gha khiẹn ohiẹn bu.

I Samuẹl 8:5

iran tama rẹn wẹẹ, “Ghe, u khian ọmaẹn nẹ, avbe ivbi uẹ i vbe lele ukpowẹ ruẹ. Rhunmwuda ọnii, zẹ ọba ọkpa yọ ne ọ gha khaemwisẹ yan ima ne ima vbe gha mwẹ ọba vbene avbe ẹvbo ọvbehe vbe mwẹ ọnrẹn.”